CNA။
ထိုင်းနိုင်ငံအတွင်း မြန်မာအပါအဝင် တရားမဝင်အလုပ်သမားတွေအတွက် ပန်းရောင်ကတ်ပြုလုပ်ဖို့ လူသစ် အမည်စာရင်း ( Name List) တင်သွင်းတာဟာ ဘတ် ၁၀၀၀သာ ကုန်ကျမယ်လို့ ထိုင်းအလုပ်သမားစီမံခန့်ခွဲရေးဌာနက မနေ့က ထုတ်ပြန်လာပါတယ်။
ထိုင်းနိုင်ငံမှာ မြန်မာ၊ ကမ္ဘောဒီးယား၊ ဗီယက်နမ်နဲ့ လာအိုနိုင်ငံတို့က တရားမဝင်အလုပ်သမားတွေအတွက် တရားဝင် အလုပ်သမားအဖြစ်ရရှိအောင် ပန်းရောင်ကတ်ပြုလုပ်ဖို့ ကနဦးအနေနဲ့ အမည်စာရင်း (Name List) တင်သွင်းရတာဖြစ်ပါတယ်။
အဆိုပါ အမည်စာရင်း (Name List)အတွက် လူတစ်ဦးကို လျှောက်လွှာတင် ခ ဘတ် ၁၀၀နဲ့ အလုပ်လုပ်ကိုင်ခွင့်လက်မှတ် (Work Permit) ခ ဘတ် ၉၀၀၊ စုစုပေါင်း ဘတ် ၁၀၀၀ သာကုန်ကျမယ်လို့ ထိုင်းအလုပ်သမားစီမံခန့်ခွဲရေးဌာနက အသိပေးထားပါတယ်။
ကျန်ရှိနေသေးတဲ့ ကျန်းမာရေးဆေးစစ်ခနဲ့ ကျန်းမာရေးအာမခံဝယ်ယူရမယ့် ကုန်ကျစရိတ်တွေကိုတော့ ဘယ်လောက်ပေးသွင်းရမယ်ရဆိုတာကို သက်ဆိုင်ရာဌာနတွေဘက်က တရားဝင် ထုတ်ပြန်ထားတာမရှိသေးပါဘူး။
ထိုင်းနိုင်ငံအတွင်းမှာ ဒီကနေ့ ဒီဇင်ဘာ ၁၆ရက်နေ့ကစပြီး တရားမဝင် အလုပ်သမားတွေအတွက် တရားဝင်ဖြစ်အောင် ပန်းရောင်ကတ်ပြုလုပ်ပေးသွားမယ်လို့ ထိုင်းအလုပ်သမားဝန်ကြီး ဖိဖတ် ရတ်ချ်ကစ်ပရကန်က ပြောဆိုထားပါတယ်။
