တရုတ်နိုင်ငံသို့လေ့လာရေးခရီးစဉ် အနေနဲ့ တရုတ် ကွန်မြူနစ်ပါတီက ဖိတ် ကြားခြင်းခံခဲ့ရတဲ့ မြန်မာနိုင်ငံ အတွင်းက ပါတီ ၄ ခုထဲမှာ ရခိုင်က ပါတီတစ်ခုဖြစ်တဲ့ ရခိုင့်ဦးဆောင်ပါတီပါ ဟာလည်း သွားရောက်လည်ပတ်ဖို့ ဖိတ်ကြားခံရတဲ့ ပါတီတွေထဲမှာ ပါဝင်ခဲ့တယ်လို့ သိရပါတယ်။
အဲဒီလေ့လာရေး ခရီးစဉ်ကို တရုတ်ကွန်မြူနစ်ပါတီရဲ့ ဖိတ်ကြားချက်အရ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၊ ပြည်သူ့ပါတီ၊ ရခိုင်ဦးဆောင်ပါတီ နဲ့ ရှမ်းနှင့်တိုင်းရင်းသားများ ဒီမိုကရက်တစ်ပါတီ တွေကို တရုတ်ကွန်မြူနစ် ပါတီက လေ့လာရေးခရီးစဉ် အနေ နဲ့ ဖိတ်ကြားခြင်းခံခဲ့ရတဲ့ ပါတီတွေဖြစ်ပါတယ်။
အဲဒီလို သွားရောက်လေ့လာခွင့် ရရှိခဲ့တဲ့ ပါတီလေးခုဟာ ပြီးခဲ့တဲ့ ဇူလိုင်လ ၂၀ ရက်နေ့မှာ မြန်မာနိုင်ငံကနေ တရုတ်နိုင်ငံ ကိုစတင်ထွက်ခွါခဲ့တာ ဖြစ်ပြီး တစ်ပတ်အကြာထိ တရုတ်နိုင်ငံအတွင်းမှာ တရုတ်ကွန်မြူနစ်ပါတီနဲ့ လေ့လာခွင့် ဆွေးနွေးခွင့်ရမှာ ဖြစ်ပါတယ်။
အဲဒီခရီးစဉ်ကို ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက ပါတီက ဒုတိ ယဥက္ကဋ္ဌ ဦးလှထွန်း နဲ့ ကိုယ်စားလှယ်အဖွဲ့ တက်ရောက်ဖိုသွားနေသလို ပြည်သူ့ပါတီက ပါတီ ဥက္ကဋ္ဌ ဦးကိုကိုကြီး နဲ့ ဗဟိုအမျိုးသမီး နဲ့ ကလေးသူငယ်ရေးရာ တာဝန်ခံ ဒေါ်စန္ဒာဝင်း၊ ဗဟိုကော်မတီဝင် ဦးစိုင်းသန်းထိုက် တို့တက်ရောက်နေကြပြီး ရခိုင့်ဦးဆောင်ပါတီက ဒေါက်တာအေးမောင်၊ ရှမ်းနှင့်တိုင်းရင်းသားများ ဒီမိုကရက်တစ်ပါတီ စိုင်းအိုက်ပေါင်း တို့ တက်ရောက်ဖို့ သွားနေကြတာဖြစ်တယ်လို့လည်းသိရပါတယ်။
ဒီလေ့လာရေး ခရီးစဉ်မှာ တရုတ်နိုင်ငံဖွံ့ဖြိုးတိုးတက်ရေးအတွက် တရုတ်ကွန်မြူနစ်ပါတီက လုပ်ဆောင်နေတဲ့ နိုင်ငံဖွံ့ဖြိုးတိုးတက်ရေးဆိုင်ရာကိစ္စရပ်များ နဲ့ ဆောင်ရွက်ပုံနည်းလမ်းများ၊ ပါတီတည်ဆောက်ရေးဆိုင်ရာ ကိစ္စရပ်တွေ ကိုလည်း ဆွေးနွေးသွားမှာ ဖြစ်တယ်လို့ စစ်ကောင်စီကလည်း သတင်းထုတ်ပြန်ထားပါတယ်။
ပြီးခဲ့တဲ့ ဇူလိုင်လ ၆ရက်နေ့ကလည်း စစ်ကောင်စီ ဒုတိယခေါင်းဆောင် ဒုတိယဗိုလ်ချုပ်မှူးကြီး စိုးဝင်းဟာလည်း တရုတ်နိုင်ငံသို့ သွားရောက်ခဲ့သလို ပြီးခဲ့တဲ့ ဇွန်လကုန်ပိုင်းမှာလည်း သမ္မတဟောင်း ဦးသိန်းစိန်ဟာ စစ်ခေါင်းဆောင် မင်းအောင်လှိုင်နဲ့ တွေ့ဆုံးဆွေးနွေးပြီးနောက် တရုတ်နိုင်ငံသို့ သွားရောက်ခဲ့တာ ရှိပါသေးတယ်။
ပုံ USDP
