သံတွဲမြို့ကို အာရက္ခတပ်တော် အေအေ က ထိန်းချုပ်ခိုက်ပြီးနောက်ပိုင်းမှာ သံတွဲ နဲ့ တဆက်တည်းမှာ ရှိတဲ့ တောင်ကုတ်မြို့အတွင်းက နေရာ အနှံ့က လူနေအိမ်တွေ နဲ့ အထပ်မြင့် အဆောက် အဦးတွေပေါ်မှာ စစ်ကော င်စီတပ်တွေဟာ ခံစစ်အနေအထားနဲ့ ပြင်ဆင်ထားတာတွေရှိနေ တယ်လို့ တောင်ကုတ်မြို့ခံတွေ ရဲ့ ပြောဆို ချက်တွေ အရ သိရပါတယ်။
တောင်ကုတ်မြို့နယ် အတွင်းမှာ စစ်ကောင်စီတပ်တွေဟာ အရင်တုန်းကတည်းကပင် သူတို့ အခြေစိုက် တပ်ရင်းတွေ ဖြစ်ကြတဲ့ စကခ (၅) အပါအဝင် စစ်ကောင်စီတပ်တွေ ရဲ့ ခြေမြန်တပ်ရင်းတွေ ဖြစ်ကြတဲ့ ခမရ (၅၄၄) နဲ့ ခမရ (၃၄၆) တပ်ရင်းတွေမှာလည်း လူအင်းအားဖြည့်တင်းတာ နဲ့ လက်နက်ကြီးတွေ တပ်ဆင်တာတွေ ဆက်တိုက်လုပ်ဆောင်တာတွေ ရှိခဲ့တယ်လို့ ဒေသခံတွေကပြောပါတယ်။
အဲဒီနောက် အခု အာရက္ခတပ်တော် အေအေက သံတွဲမြို့အတွင်းကို ထိုးစစ်ဆင်တိုက်ခိုက် ထိန်းချုပ်လိုက်ပြီးတဲ့ နောက်ပို င်းမှာ မြို့တွင်းက အထပ်မြင့် အဆောက်အဦးတွေနဲ့ လူနေအိမ်တွေမှာပါ စစ်စခန်းချ လုပ်ဆောင်လာနေတာ ဖြစ်တယ်လို့ တောင်ကုတ်ဒေသခံ တစ်ဦးကပြောပါတယ်။
“စစ်အင်အားဖြည့်တင်းတာတွေကတော့ အခုမှ လုပ်တာတော့ မဟုတ်ဘူး ရမ်းဗြဲကို အေအေ ကမသိမ်းခင်ကတည်းကပင် ဒီမှာ အင်အားတွေ တိုးချပြီး အဲဒီဘက်တွေကို စစ်ကူတွေ ပို့ပေးတာတွေရှိနေခဲ့တယ်။လက်နက်ကြီးတွေလည်း သူတို့ တပ်ရင်းတွေ မှာ တပ်ဆင်တာတွေကို ဆက်တိုက်လုပ်နေတာတွေ ရှိနေတာ။အခုဟာကတော့ အဲဒီတပ်ရင်းတွေ မှာ မဟုတ်ဘဲ လူနေအိမ်တွေ ၊အထပ်မြင့်အဆောက်အဦးတွေ ပြီးတော့ လမ်းတံတားတွေ အနားမှာ သူတို့ ခံစစ်အတွက် ပြင်လာနေတာကို တွေ့လာနေရတာ ဖြစ်တယ်လို့ ” သူကပြောပါတယ်။အာရက္ခတပ်တော် အေအေ နဲ့ စစ်ကောင်စီတပ်တို့ ဟာ တောင်ကုတ်မြို့နယ် အတွင်းမှာ နှစ်ဖက် စစ်ရေးတင်းမာမှု တွေ ရှိနေပြီး ပြီးခဲ့တဲ့ ဇွန်လ ၁၅ ရက်နေ့ နဲ့ ၁၆ရက်နေ့တွေ မှာ တောင်ကုတ် တက္ကသိုလ်အနောက်ဖက်က တိမ်းချောင်ဖျား အနီး နဲ့ တောင်ကုတ်မြို့တွင်းက ရပ်ကွက် တချို့မှာ နှစ်ဖက် ထိတွေ့ တိုက်ပွဲ ဖြစ်ပွါးတာတွေ ရှိခဲ့ပါတယ်။
အဲဒီနောက် ဇွန်လ ၂၀ ရက်နေ့ မှာလည်း တောင်ကုတ်မြို့ကို စစ်ကူလာတဲ့ စစ်ကြောင်းကို အာရက္ခတပ်တော် အေအေက နေပူတောင် အနီးမရောက်ခင် ရိုးလမ်းမတစ်နေရာမှာကြားဖြတ်ဝင်ရောက် မိုင်းဆွဲတိုက်ခိုက်ခဲ့တာကြောင့် တောင်ကုတ် ကိုစစ်ကူလာတဲ့ စစ်ကောင်စီတပ်တွေ ထဲက စစ်ကောင်စီတပ်သား ၈၀ ကျော်လောက်ဟာ သေဆုံးခဲ့ရပါတယ်။
ဒါ့အပြင် ပြီးခဲ့တဲ့ ဇူလိုင်လ ၇ ရက်နေ့ အာရက္ခတပ်တော် အေအေ ရဲ့ သတင်းထုတ်ပြန်ချက်အရ တောင်ကုတ်ဌာနချုပ် စကခ (၅) အပါအဝင် စစ်တွေ(ဒကစ) ဌာနချုပ်၊ အမ်း နပခ ဌာနချုပ် နဲ့ ကျောက်ဖြူ ဓညဝတီ ရေတပ်ဌာနချုပ် တွေကို ပိတ်ဆို့ ဖြတ်တောက်တာတွေ လုပ်ဆောင်ထားပြီး ဖြစ်တယ်လို့ သိရပါတယ်။
အဲဒီနောက်မှာ စစ်ကောင်စီတပ်တွေ ဟာ အရပ်သားပြည်သူတွေ နေထိုင်ရာ နေရာတွေကို လေကြောင်းတိုက်ခိုက်တာ လက်နက်ကြီးတွေ နဲ့ ပစ်ခတ်တိုက်ခိုက်ခဲ့တာကြောင့် တောင်ကုတ်မြို့နယ် အတွင်းက ဒေသခံ ပြည်သူ အများအပြားဟာ လည်းထိခိုက် သေဆုံးတာတွေ ရှိခဲ့ရတယ်လို့ တောင်ကုတ်ဒေသခံတွေကဆိုပါတယ်။
“စစ်ရေးတင်မာနေတာတော့ ကြာပြီး ဒါပေမယ့် ထိတွေ တိုက်ပွဲ အဆင့်လောက်တော့ ဖြစ်တယ်။အဲဒီလို ခဏလေးဖြစ်တဲ့ အချိန်မှာလည်း စစ်ကောင်စီတပ်တွေ ဘက်က အကျအရှုံးများတယ်။အဲဒီလို သူတို့ အကျအရှုံးများလာရင် သူတို့က ပြည်သူတွေ နေထိုင်တဲ့ နေရာတွေကို လက်နက်ကြီးတွေ နဲ့ ပစ်တာ။လေကြောင်တိုက်ခိုက်တာတွေ ကိုလည်း ဆက်တိုက်လုပ်တယ်။အဲဒါကြောင့်လည်း ပန်းတင်ကျွန်းက ကံဆိပ်ရွာမှာ ဆိုလေကြောင်းတိုက်ခိုက်လို့ ၃ ဦးသေသွားခဲ့ရ တယ်။နောက်လည်း လက်နက်ကြီးကျပြီးတော့ ထိခိုက်ဒဏ်ရာ ရတာ သေတာတွေ ရှိတယ်လို့”သူကပြောပါတယ်။စစ်ကောင်စီတပ်တွေဟာ အာရက္ခတပ်တော် အေအေကို စစ်ရေး အရှုံးနဲ့ ရင်ဆိုင်လာနေရတဲ့ အခါ ရခိုင်ပြည်သူတွေကို စစ်ရေး ပစ်မှတ်သဖွယ် ပစ်မှတ်ထားပြီး ဆက်တိုက်ခိုက်တာတွေကို လုပ်ဆောင်လာခဲ့တာတွေ ရှိခဲ့ပါတယ်။
အဲဒီလိုပြည်သူတွေကို ပစ်မှတ်ထားတိုက်ခိုက်လာတာတွေကြောင့်ပဲ ရခိုင်တကျော့ပြန်တိုက်ပွဲ စတင်ချိန်က တည်းကပင် အရပ်သားပြည်သူ သေဆုံးမှု ဟာ ရာနဲ့ ချီ ရှိလာနေပြီလည်း ဖြစ်ပါတယ်။
