ပြီးခဲ့တဲ့ ဇူလိုင်လ ၁၈ ရက်နေ့ မှာ စစ်ကောင်စီလက်အောက်ခံမွတ်ဆလင်တွေ ရဲ့ သတ်ဖြတ်မှုကြောင့် ဘူးသီးတောင်မြို့ နယ်အမှတ် (၄) ရပ်ကွက်၊ ဂန္ဓာရီကယ်ဆယ်ရေးစခန်း က ခမီလူမျိုး (၇) ဦးသေဆုံးခဲ့ရတယ်လို့ အာရက္ခတပ်တော် အေအေ က ဒီနေ့ ဇူလိုင်လ ၂၁ ရက်နေ့ ညနေမှာ သတင်းထုတ်ပြန်လာခဲ့ပါတယ်။
အဲဒီလို သတ်ဖြတ်ခံလိုက်ရတဲ့ သူ (၇) ဦးဟာ ပြီးခဲ့တဲ့ ဇူလိုင်လ (၁၈) ရက်နေ့ မနက် (၁၁) နာရီလောက် မှာ ဒုက္ခသည် စခန်း အတွင်းက စားဝတ်နေရေး အတွက် မျှစ်သွားချိုးဖို့ အသွား မှာ သတ်ဖြတ် ခံလိုက်ရတာ ဖြစ်တယ်လို့ အေအေ ရဲ့ထုတ်ပြန် ချက်က ဆိုပါတယ်။
အခုလို သတ်ဖြတ်ခံလိုက်ရတဲ့ ခမီလူမျိုး (၇) ဦးမှာ ဂန္ဓာရီကယ်ဆယ်ရေးစခန်း လက်ပံရှည်ကျေးရွာက နေ စစ်ဘေး လာရှောင် နေကြတဲ့ ဦးဦးလှထွန်း၊ ဦးကျော်လှ ၊ ဦးမောင်ထွန်း၊ ဦးအောင်ကြီး၊ ဦးမောင်မောင်၊ ဦးထွန်းနိုင်ဦး နဲ့ ဦးကြာထွန်းဦးတို့ ဖြစ်ကြတယ်လို့ ဆိုပါတယ်။
အဲဒီထဲက ဦးဦးလှထွန်း၊ ဦးကျော်လှ နှင့် ဦးမောင်ထွန်းတို့ (၃) ဦးကို မိသားစုဝင်တွေ ရဲ့ တိုင်းကြားချက် အရ အာရက္ခတပ် တော် အေအေက လိုက်လံရှာဖွယ်ခဲ့ရာ ဇူလိုင်လ (၁၉)ရက်နေ့ လက်ပြန်ကြိုးတုတ်ကာ သေနတ်ဒဏ်ရာတွေ နဲ့ သေဆုံးနေ တာကို တွေ့ခဲ့ရသလို ကျန်ရှိနေသေးတဲ့ ဦးအောင်ကြီး၊ ဦးမောင်မောင်၊ ဦးထွန်းနိုင်ဦး နဲ့ ဦးကြာထွန်းဦး တို့ (၄) ဦးကိုလည်းဇူလိုင်လ (၂၀) ရက်၊ နေ့လယ် (၁) နာရီလောက်မှာ ဘူးသီးတောင်မြိုနယ်၊ လက်ပံရှည် (ခ) မော်နီကို ကျေးရွာ အနီးမှာ ဓါးဒဏ်ရာတွေ နဲ့ ထပ်မံသေဆုံးနေတာ ကိုတွေ့ရှိခဲ့ရတယ်လို့ ဆိုပါတယ်။
အခုလို အရပ်သားပြည်သူတွေကို ရက်စက်စွာ သတ်ဖြတ်ခဲ့သူတွေကို အာရက္ခတပ်တော်က အမြန်ဆုံးရှာဖွေဖော်ထုတ်ပြီး အရေးယူဆောင်ရွက်သွားမှာ ဖြစ်သလို အာရက္ခဒေသနေပြည်သူ တွေရဲ့ အသက်၊ အိုးအိမ်၊ စည်းစိမ် နဲ့ လုံခြုံရေး တွေကိုနည်းမျိုးစုံနဲ့ ဒုက္ခပေးနေတဲ့ အကြမ်းဖက်လက်နက်ကိုင် မွတ်ဆလင်တွေကိုလည်း ထိုက်သင့်တဲ့ တုံပြန်မှုမျိုးတွေ နဲ့ တုံပြန်သွားမှာ ဖြစ်တယ်လို့လည်း အေအေ ကဆိုထားပါတယ်။
ပြည်သူတွေ အနေ နဲ့လည်း ဘူးသီးတောင် နဲ့မောင်တော ဒေသတွေမှာ စစ်ကောင်စီက စစ်သင်တန်းပေးထားပြီး လက်နက်တပ်ဆင်ပေးထားတဲ့ မွတ်ဆလင်တွေ ဟာ အရပ်သားပြည်သူတွေကို အကြမ်းဖက်သတ်ဖြတ်တာ ဖမ်းဆီးငွေညှစ်တာ အရပ်သား ပြည်သူများ သွားလာသည့်လမ်းတွေမှာ မိုင်းထောင်တာ ရပ်ရွာတချိုကို မီးရှိဖျက်ဆီးတာ အရပ်သားပြည်သူပိုင်အိမ်တွေကိုဖောက်ထွင်း လုယက်တာနဲ့ ခြိမ်းခြောက်စာကပ်တာတွေကို ဆက်တိုက်ပြုလုပ်နေတာတွေ ရှိနေတဲ့ အတွက် အရပ်သားပြည်သူတွေ အနေ နဲ့ ဟင်းရှာဖွေဖို့ သွားလာတာ နေထိုင်တာတွေကို အထူးဂရုပြုသွားလာဖို့လိုအပ်တယ်လို့လည်း အေအေ က သတိပေးပြောဆိုထားပါတယ်။
