ဂွမြို့နယ်အတွင်းမှာ အရပ်သားပြည်သူတွေရဲ့ နေအိမ်တွေကို ဖောက်ထွင်းခိုးယူခံရမှုတွေ ရှိနေတယ်လို့ ဂွဒေ သခံတွေ ရဲ့ပြောဆို ချက်တွေ အရ သိရပါတယ်။
ပြီးခဲ့တဲ့ ဇူလိုင်လ ၁၉ ရက်နေ့ တစ်ရက်တည်းမှာပဲ ဂွမြို့နယ် အတွင်းက သံတွဲမြို့နယ် အတွင်းက စစ်ဘေးရှောင် တွေ နေထိုင်နေတဲ့ နေအိမ်တွေ အပါအပါဝင် နေအိမ် ၄ အိမ်ထက်မနည်းကို ဖောက်ထွင်းခိုးယူခံခဲ့ရတာ ဖြစ်ပြီး အိမ်တွင်းမှာ ရှိတဲ့ ငွေ နဲ့ အိမ်တွင်း ပစ္စည်းတချို့ ပါဝင်သွားခဲ့ရတယ်လို့ ဂွဒေသခံတစ်ဦးက CNA ကို ပြောပါ တယ်။
“ကျနော့်သူငယ်ချင်းတစ်ယောက်ရဲ့နေအိမ်မှာက စစ်ဘေးရှောင်တွေ နေနေကြတယ် အဲတာ ကို အနောက်ဖေး ပေါက်က ဖောက်ဝင်ပြီးတော့ ငွေတွေ ၊ဖုန်းတွေ၊ထမင်းပေါင်းအိုးတွေက အစခိုးသွားကြတယ်။အဲဒီနေ့ တစ်ရက် တည်းမှာ နေအိမ် ၄ အိမ်ထက်မနည်းကို ဖောက်ထွင်းခံခဲ့ရတာ ဖြစ်တယ်လို့”သူကပြောပါတယ်။ဂွမြို့နယ်အတွင်းမှာ အရင်တုန်းက အခုလို နေအိမ်ဖောက်ထွင်းခံရမှု နဲ့ ကြုံတွေ့ခဲ့ရတာတွေ နည်းပါးခဲ့ပြီး သံတွဲမြို့ကို အာရက္ခတပ်တော် အေအေ က မထိန်းချုပ်ခင်မှာ စစ်ကောင်စီက ခိုးဆိုးလုနှိုက်မှု့တွေ နဲ့ထောင်ကျ နေတဲ့ သူတွေကို ပြန်လွတ်ပေးပြီး နောက်ပိုင်း အခုလို နေအိမ်ဖောက်ထွင်းခံရမှုတွေ စတင်ဖြစ်ပွါးလာခဲ့တာ ဖြစ်တယ်လို့ ဒေသခံတွေက ဆိုကြပါတယ်။
အဲဒါကြောင့် ဒေသခံတွေ အနေ နဲ့ မိမိတို့ နေအိမ်တွေကို သတိထားဖို့လိုအပ်တယ်နေတယ်လို့ လည်း ဂွမြို့ဒေ သခံတစ်ဦးကပြောပါတယ်။
“အခုက ဂွက သူခိုးကြီးတွေကို ပြန်လွတ်ပေးလိုက်တော့ အဲဒီသူခိုးကြီးတွေက ပြန်ပြီးလုပ်ငန်းစလာတာ ဖြစ်တယ်။ အဲဒါကြောင့် ပြည်သူတွေ အနေ နဲ့ မိမိတို့နေအိမ်တွေကို သတိထားဖို့ လိုအပ်တယ်။အရင်တုန်းက လည်း မရှိတာ မဟုတ်ဘူး ရှိတယ် ဒါပေမယ့် အခုလိုမဖြစ်တာ ကြာပြီလို့ ” သူကပြောပါတယ်။သံတွဲမြို့တွင်းမှာ အာရက္ခတပ်တော် အေအေ နဲ့ စစ်ကောင်စီတပ်တို့ နှစ်ဖက် တိုက်ပွဲ အပြင်းအထန် ဖြစ်ပွါးနေချိန်မှာ စစ်ကောင်စီဟာ စစ်ကောင်စီဟာ နိုင်ငံရေး အကျဉ်းသားတွေကို လွတ်ပေးတာ မရှိဘဲ ပိတ်လှောင်ထားခဲ့ပြီးနောက် ခိုးဆိုးလုနှိုက်မှု့တွေနဲ့ အပြစ်ဒဏ် ကျခံနေရတဲ့ အကျဉ်း သားတွေကို ပြန်လွတ် ပေးခဲ့တာ ရှိခဲ့တာကြောင့် အခုလို ဂွမြို့နယ် အတွင်းမှာဖောက်ထွင်းခိုးယူမှုတွေ ရှိလာနေတာ ဖြစ်တယ်လို့လည်း ဒေသခံတွေက ဆိုကြပါတယ်။
