အာဏာသိမ်းပြီး ၃ နှစ်ကျော်ကာလအတွင်းမှာ စစ်ခေါင်းဆောင် မင်းအောင်လှိုင်ကို ယာယီသမ္မတနေရာသို့လွဲပြောင်း ပေးလိုက်ပြီး ဖြစ်တယ်လို့ စစ်ကောင်စီလက်အောက်ခံ မီဒီယာတွေ ဖြစ်တဲ့ MRTV နဲ့ MWD သတင်းဌာနတွေက နေဒီနေ့ ဇူလိုင်လ ၂၂ ရက်နေ့မှာ သတင်းထုတ်ပြန်လာပါတယ်။
အာဏာသိမ်းပြီးနောက်ပိုင်းမှာ စစ်ကောင်စီက ခန့်အပ်ထားတဲ့ ယာယီသမ္မတ ဦးမြင့်ဆွေဟာကျန်းမာရေး အခြေအနေတွေ ကြောင့် ဆေးခွင့်ယူကာ ဆေးကုသခံနေရပြီး နိုင်ငံတော်ရဲ့အမျိုးသားကာကွယ်ရေး နဲ့ လုံခြုံရေးကောင်စီဆိုင်ရာ ကိစ္စရပ်တွေကို လိုအပ်သလို ဆောင်ရွက်ဖို့ ပျက်ကွက်နေကြောင်း ယာယီသမ္မတရုံက နိုင်ငံတော် စီမံအုပ်ချုပ်ရေး ရုံးကို အကြောင်းကြားစာ ပေးပို့လာခဲ့တာကြောင့် ယာယီ သမ္မတနေရာကို စစ်ခေါင်း ဆောင်မင်းအောင်လှိုင် က တာဝန်လွဲပြောင်း ရယူခဲ့ရတာ ဖြစ်တယ်လို့စစ်ကောင်စီလက်အောက်ခံ မီဒီ ယာတွေ ဖြစ်တဲ့ MRTV နဲ့ MWD သတင်း ဌာနတွေမှာ ဖော်ပြထား ပါတယ်။
စစ်ခေါင်းဆောင်မင်းအောင်လှိုင်ဟာ အာဏာမသိမ်းခင် ကတည်းကပင် သမ္မတလုပ်လိုကြောင်း အကြိမ်ကြိမ် သတင်း မီဒီယာတွေကို ပြောဆိုဖူးခဲ့သူ တစ်ဦးလည်း ဖြစ်ပါတယ်။
အဲဒီနောက် စစ်ခေါင်းဆောင် မင်းအောင်လှိုင်ဟာ ၂၀၂၁ ခုနှစ်မှာ အာဏာစတင်သိမ်းယူခဲ့ပြီနောက် ၃ နှစ်ကျော် ကာလအတွင်းမှာ သူဖြစ်ချင်နေခဲ့တဲ့ နိုင်ငံတော် သမ္မတနေရာကို သူတို့ကိုင်စွဲထားတဲ့ ၂၀၀၈ ဥပဒေပါ ပြဋ္ဌာန်း ချက်တွေကို မျက်ကွယ်ပြုကာ မဖြစ်ဖြစ်တဲ့ နည်းနဲ့ သမ္မတ ရာထူးနေရာကို ရယူနိုင်အောင် စတင်ဆောင်ရွက်ခဲ့သူလည်း ဖြစ်ပါတယ်။
