သံတွဲမြို့နယ်၊ငပလီမြို့က မြပြင် နဲ့ဂျိတ္တောရပ်ကွက်တွေမှာ စစ်ကောင်စီတပ်တွေ နဲ့ အာရက္ခတပ်တော် အေအေ တို့ နှစ်ဖက်တိုက်ပွဲတွေ အပြင်းအထန်ဖြစ်ပွါးနေပြီး အိမ်တွင်းမှာ ပိတ်မိနေတဲ့ ဒေသခံ ပြည်သတွေဟာ စာနပ်ရိက္ခပြတ်လပ်မှု တွေ ရှိလာနေတယ်လို့ဒေသခံတွေက ဆိုပါတယ်။
စစ်ကောင်စီတပ်တွေ နဲ့ အာရက္ခတပ်တော် အေအေတို့ဟာ မြပြင်နဲ့ ဂျိတ္တောရပ်ကွက်အနီးကနေရာတွေမှာ ဇူလိုင်လ ၂၀ ရက်နေ့ ကတည်းကပင် တိုက်ပွဲအပြင်းအထန်ပြန်လည်ဖြစ်ပွါးလာနေခဲ့တာ ဖြစ်ပါတယ်။
အဲဒီလို နှစ်ဖက်တိုက်ပွဲ ပြန်လည်ပြင်းထန်လာချိန်မှာ စစ်ပွဲဧရိယာအတွင်းက ထွက်ခွါခွင့်မရလိုက်ကြတဲ့ ဒေသခံပြည်သူ တွေဟာ လက်ရှိမှာ အပြင်ထွက်ဈေးဝယ်ခွင့်မရတာကြောင့် နေအိမ်အတွင်းမှာ ပိတ်မိကာ စားနပ်ရိက္ခာပြတ်လပ်မှုတွေ နဲ့ရင်ဆိုင်လာရတာ ဖြစ်တယ်လို့ မြပြင်ရပ်ကွက် အတွင်းမှာ ပိတ်မိနေသူ ဒေသခံတစ်ဦးက CNAကို ပြောပါတယ်။
“တိုက်ပွဲကြားမှာ ပိတ်မိနေသူတွေတော့ အများကြီးရှိနေသေးတယ်။အခုက တိုက်ပွဲက တစ်ပတ်လောက်အထိပြင်းထန်နေ တော့ အပြင်ကိုက ထွက်လို့ မရတော့ ဘာမှလည်းဝယ်မရဘူး။အဲဒါကြောင့် စားနပ်ရိက္ခာတွေ ပြတ်လာနေတာ ဖြစ်တယ်။မနေ့ကဆိုလည်း တစ်နေကုန် စစ်ကောင်စီက လေကြောင်းက ဗုံးကြဲတိုက်ခိုက်တာ ကိုလုပ်နေတယ်။အပြင်ထွက် ကြည့်လို့မရဘူး ဗုံးတွေက မိုးရွာသလို ရွာနေတာဆိုတော့။ဘယ်သူမှ အပြင်မထွက်ရဲကြဘူးလို့ သူကပြောပါတယ်။အဲဒီရပ်ကွက် တွေမှာ မနေ့က ညနေအချိန်ထိ စစ်ကောင်စီတပ်တွေ နဲ့ အာရက္ခတပ်တော် အေအေတို့ဟာ မြပြင် မြို့ရှောင်လမ်းသစ် အနီးမှာ နှစ်ဖက်တိုက်ပွဲ အပြင်းအထန်ဖြစ်ပွါး ခဲ့တာ ရှိသလို ဂျိတ္တောရပ်ကွက်ဘုန်းတော်ကြီးကျောင်းနဲ့ ဒေါင်းသောက်ရေဆယ်တမံ အနီးမှာ တိုက်ပွဲ အပြင်းအထန်ဖြစ်ပွါးနေတာ ရှိပြီး စစ်ကောင်စီက လေကြောင်း တိုက်ခိုက်တာ တွေကိုလည်း အပြင်းအ ထန်လုပ်ဆောင်နေခဲ့တာတွေ ရှိခဲ့တယ်လို့ ဆိုပါတယ်။
ဂျိတ္တောရပ်ကွက်အတွင်းမှာ ပိတ်မိနေတဲ့ အရပ်သား ပြည်သူတွေဟာလည်း များစွာ ကျန်ရှိနေသေးပြီး အပြင်ထွက်ခွင့် မရတာကြောင့် စားနပ်ရိက္ခတွေ ပြတ်လပ်မှုတွေ ရှိနေကြပြီး ဖြစ်တယ်လို့ ဂျိတ္တောရပ်ကွက်အတွင်းမှာ ပိတ်မိနေသူ တစ်ဦးကပြောပါတယ်။
“စားနပ်ရိက္ခာတွေက အခုလိုတိုက်ပွဲမပြင်းထန်ကတည်းကပင် ဝယ်ယူလို့ မရတာ။အခုဆိုအပြင်လည်းထွက်မရတော့ တော်တော် အခြေအနေဆိုးနေတယ်။လက်နက်ကြီး ပစ်သံလေယာဉ်သံတွေကလည်း နေ့ည အပြတ်ဘူးကြားနေရတော့ ဘယ်သူမှ လည်း အပြင်ကို မထွက်ရဲကြဘူး။တောင့်ခံမယ်ဆိုရင်တော့ လေးငါးရက်လောက်တောင့်ခံလို့ ရမယ့် အနေအထားတော့ ရှိတယ် အဲဒီထက်ကျော်လာရင်တော့ အကုန်ငတ်ပြတ်လာမှာသေချာတယ်လို့”သူကပြောပါတယ်။လက်ရှိပိတ်မိနေသူ အများစုဟာ အာရက္ခတပ်တော်အေအေက ငပလီအခြေစိုက် – ၅၅ တပ်ရင်းကို သိမ်ပိုက်လိုက်ပြီးနောက် စစ်ကောင်စီတပ်တွေက ရပ်ကွက်အတွင်းက ထွက်ခွင့်မပေးပိတ်ထားခံခဲ့ရသူတွေဖြစ်ကြတယ်လို့ ဆိုပါတယ်။
လက်ရှိမှာလည်း ရပ်ကွက်အတွင်းမှာ ပိတ်မိနေသူတွေဟာ ဘေးလွတ်ရာ နေရာတွေကို ထွက်ခွါ ချင်ကြပေမယ့် စစ်ကောင်စီ တပ်သားတွေက ရပ်ကွက်အတွင်းမှာ ရှိနေသေးတာကြောင့် အိမ်ပြင်မထွက်ရဲတဲ့အတွက် ထွက်ခွါခွင့်မရပဲ ပိတ်မိနေသူတွေ ဖြစ်ကြတယ်လို့ ဆိုပါ တယ်။
“ထွက်ကတော့ အကုန်လုံးသူတွေကထွက်ချင်ကြတယ်ထွက်ဖို့လည်း ကျနော်တို့ ပြင်ဆင်ခဲ့ကြတယ်။ဒါပေမယ့် စစ်ကောင် စီတပ်တွေက ထွက်ခွင့်မပေးခဲ့တော့ ကျနော်တို့ အခုလို ပိတ်မိနေခဲ့တာ ဖြစ်တယ်။အခုလည်း ထွက်ဖို့ကမလွယ်ဘူး စစ်ကောင်စီတပ်တွေက ရပ်ကွက်တွေ ထဲမှာ ရှိနေသေးတယ်ဆိုတော့ ဘယ်သူမှလည်း အပြင်မထွက်ရဲကြဘူးလို့ မြပြင် ရပ်ကွက်နေပြည်သူတစ်ဦးကပြောပါတယ်။သံတွဲမြို့နယ်အတွင်းမှာ စစ်ကောင်စီတပ်တွေ နဲ့ အာရက္ခတပ်တော် အေအေတို့ နှစ်ဖက်တိုက်ပွဲဖြစ်ပွါးလာတာဟာ ၃ လကျော်အထိ ကြာမြင့်လာနေပြီး ဖြစ်သလို အာရက္ခတပ်တော် အေအေ ဟာ သံတွဲမြို့အပါအဝင် စစ်ကောင်စီအခြေစိုက် တပ်ရင်းတွေ ဖြစ်ကြတဲ့ ခမရ – ၅၆၆ ၊ ခလရ – ၅၅ တပ်ရင်းတွေကို အပြင် မဇင်လေဆိပ်ကိုလည်း အပြီးသတ် သိမ်းပိုက် ရရှိ ထားပြီး ဖြစ်ပါတယ်။
လက်ရှိမှာလည်း စစ်ကောင်စီရဲ့ လက်ကျန်တပ်ရင်း တစ်ခုဖြစ်တဲ့ မောင်ရွှေလေးရေတပ်စခန်းကို အပြီးသတ်သိမ်းပိုက် ရရှိနိုင်ဖို့ ထိုးစစ်ဆင်တိုက်ခိုက်နေတာ ဖြစ်သလို စစ်ကောင်စီကလည်း အဲဒီရေတပ်စခန်းမကျရှုံးရအောင် စစ်အင်အား အများ အပြားဖြည့်တင်းကာ ပြန်လည်ခုခံတိုက်ခိုက်နေတာလည်း ဖြစ်ပါတယ်။
