တအာင်းပြည် တပ်မဟာ (၂) နယ်မြေ ကျောက်မဲမြို့နယ် နဲ့ မိုးကုတ်မြို့တွေမှာ တအာင်းအမျိုးသား လွတ်မြောက် ရေးတပ်မတော် TNLA နဲ့ စစ်ကောင်စီတို့တိုက်ပွဲအပြင်းအထန် ဖြစ်ပွါးနေပြီး လက်နက်ခဲယမ်း တွေ့သိမ်းဆည်းရမိပြီး ထားသလို တိုက်ပွဲအတွင်းမှာ စစ်ကောင်စီတပ်သား (၅၄) ဦးသေဆုံးကာ စစ်သုံပန်း (၃၀)ဦးကိုလည်းဖမ်းဆီးရမိထားတယ် လို့ သတင်းထုတ်ပြန်လာပါတယ်။
ပြီးခဲ့တဲ့ ဇူလိုင်လ (၂၀)ရက် နဲ့ (၂၂)နေ့တွေမှာ တအာင်းတပ်မတော် TNLA ၊ PDF(ကျောက်မဲခရိုင်) ပူးပေါင်းတပ်ဖွဲ့ နဲ့ စစ်ကောင်စီ တပ်မ (၁၁) လက်အောက် ခံ ခလရ ၂၀၂၊ ၂၀၃ တို့ဟာ နှစ်ဖက် တိုက်ပွဲဖြစ်ပွါးခဲ့တာ ရှိခဲ့ပြီး နောက် စစ်ကောင်စီတပ်တွေ ရှိရာ နမ့်ဆီလင်းဘုန်းကြီးကျောင်း၊ အေးရှားဝေါတိုးဂိတ်အား တိုက်ခိုက် သိမ်းပိုက်ရာနိုင်ခဲ့တယ် လို့ ဆိုပါတယ်။
အဲဒီ လို စစ်ကောင်စီတပ်စခန်းတွေကို သိမ်းပိုက် ရရှိချိန်မှာ လက်နက်ခဲယမ်းတွေ ဖြစ်တဲ့ MA1(၂၆)လက်၊ MA3(၁၆)လက်၊ MA4(၄)လက်၊ MA11(၁၂) လက်၊ MA2(၁၀)လက် ငကျည်းမီး (၁)လက်၊ 45MM (၂)လက် 120MM (၁)လက် နဲ့ အတူ စစ်အသုံးအဆောင်ပစ္စည်း (၈၀)ကျော် သိမ်းဆည်းရမိခဲ့သလို ရန်သူ့အလောင်း တွေ နဲ့ စစ်သုံပန်းတွေကို ဖမ်းဆီးရမိခဲ့တာ ဖြစ်ပါတယ်။
လက်ရှိမှာလည်း တပ်မဟာ (၂) နယ်မြေ မိုးကုတ်မြို့ နယ်ရှိ ရတနာကြေးမုံကျောင်း နဲ့ ကုလားကျောင်းတွင် တပ်စွဲနေ ထိုင်နေတဲ့စစ်ကောင်စီတပ်တွေကို တအာင်းတပ်မတော် TNLA ၊ PDF(ပကဖ) ပူးပေါင်းတပ်ဖွဲတို့က ထိုးစစ်ဆင်တိုက်ခို က်နေတာ ရှိပြီး နှစ်ဖက် တိုက်ပွဲဖြစ်ပွားနေတယ်လိုလည်း TNLAရဲ့ ထုတ်ပြန်ချက်ကဆိုပါတယ်။
ဒါ့အပြင် မိုးကုတ်မြို (အရှေ့ပိုင်း) ရဲစခန်းကိုလည်း တအာင်းတပ်မတော် TNLA နဲ့ PDF (မိုးကုတ်ဗျူဟာ) ပူးပေါင်းတပ်ဖွဲနှင့် စစ်ကောင်စီရဲ့ အလယ်ပိုင်းတိုင်းစစ်ဌာနချုပ်လက်အောက်ခံ ခလရ(၇၁/၈၈) တပ်တွေ နဲ့လည်း တိုက်ပွဲဖြစ်ပွားနေတာရှိတယ်လို့ ဆိုထားပါတယ်။
ပြီးခဲ့တဲ့ ဇူလိုင်လ (၂၃)ရက်နေ့ ညနေ(၄း၃၀)နာရီအချိန်မှာလည်း မိုးကုတ်မြို့ ချမ်းသာကြီးရွာမှာ တိုက်ပွဲဖြစ်ပွားခဲ့ပြီး စစ်ကောင်စီတပ်ဖွဲ့ဝင် ၁၉ ဦး နဲ့ သေနတ် (၁)လက်တို့ကိုလည်း ဖမ်းဆီးသိမ်းဆည်းရမိခဲ့သလို မစိုးရိမ်ကျောင်းတိုက် အတွင်းမှာ တပ်စွဲနေထိုင်နေတဲ့ စစ်ကောင်စီတပ်တွေဆီက သေနတ်(၁၆)လက်၊ RPG (၁)လက်၊ ၆၀မမ(၁)လက် နဲ့ အတူ စစ်ကောင်စီတပ်ဖွဲဝင် ၁၆ ဦးတို့ကိုလည်း အသေဖမ်းဆီးရမိခဲ့တယ်လို့ ထုတ်ပြန်ထားပါတယ်။
