သံတွဲ့ နဲ့ ကျိန္တလီကို သွားလာနိုင်ဖို့ အတွက် အဓိက တံတားတစင်းဖြစ်တဲ့ ချင်းကွင်းတံတားကို စစ်ကောင်စီ တပ်တွေ က မနေ့ က ညနေမှာ မိုင်းခွဲဖျက်ဆီးလိုက်ပြီးဖြစ်တယ်လို့ ဒေသခံတွေ ကပြောပါတယ်။
အဲဒီတံတားဟာ သံတွဲ ကနေ ကျန္တလီ နဲ့ ၊ဂွ မြို့နယ်တွေကို သွားလာဖို့ အတွက် အလွန်အရေး ပါတဲ့ တံတစ်စင်းဖြစ်ပြီး စစ်ကောင်စီတပ်တွေဟာ သံတွဲမြို့တစ်ခုလုံးကို လက်လွတ်ဆုံးရှုံး ရမဲ့အနေအထားကို ရောက်ရှိလာချိန်မှာ အခုလို တံတားကို မိုင်းခွဲ ဖျက်ဆီးလိုက်တာ ဖြစ်တယ်လို့ ကျိန္တလီဒေသခံ တစ်ဦးကပြောပါတယ်။
“ဒီဘက်မှာက သူတို့ ခံစစ်လုပ်နေတာတွေ ရှိတယ်။အခု သံတွဲ ငပလီကိုလည်း သူတို့က လက်လွတ်ရမဲ့ အနေအထားကို ရောက်လာတော့ ဒီဘက်ကို အေအေ က ဝင်ရောက်တိုက်ခိုက်လို့ မရအောင် အခုလို တံတားကို မိုင်းခွဲ ဖျက်ဆီးလိုက်တာ ဖြစ်တယ်။တံတားပျက်စီးမှု အခြေအနေ အသေူစိတ်ကိုတော့မသိရသေးဘူး။ အဲဒီတံတားထိပ်မှာကတော့ စစ်ကောင်စီက တပ်စွဲနေထိုက်နေတုန်းပဲ လို့”သူကပြောပါတယ်။လက်ရှိ စစ်ကောင်စီတပ်တွေဟာ အဲဒီတံတား အနီးမှာ တပ်စခန်း အခိုင်အမာတည်ဆောက်နေတာတွေ ရှိတဲ့ အတွက် ဒေသခံတွေ အနေ နဲ့ တံတားရဲ့ ပျက်စီးမှု အခြေအနေတွေကို သွားရောက်ကြည့်ရှုနိုင်တာ မရှိသေးဘူးလို့ ဆိုပါတယ်။
အခုလို စစ်ကောင်စီက တံတားကို မိုင်းခွဲ ဖျက်ဆီးလိုက်တာကြောင့် ဒေသခံ လူမှု ကူညီရေး အဖွဲ့ တွေ အနေ နဲ့ သွားလာ ရေးမှာ အခက်အခဲတွေ ရင်ဆိုင်ရသလို သံတွဲမြို့နယ် အတွက်က စစ်ရှောင်တွေ အနေ နဲ့ စားနပ်ရိက္ခသယ်ယူမှုတွေ ပိုမို ခက်ခဲ လာမှာ ဖြစ်တယ်လို့ သံတွဲ မြို့နယ် အတွင်းက စစ်ရှောင် အရေးကူညီဆောင်ရွက်ပေးနေသူ တစ်ဦးကပြောပါတယ်။
“အရင်ကတည်းကပင်လည်း သူတို့ စစ်ဆေးရေး ဂိတ်တွေမှာ ဆန်တွေ စားသောက်ဖွယ်ရာတွေသယ်ရင် ဖမ်းဆီးထိန်းသိမ်း ထားလိုက်တာတွေ အများကြီ။ဒါပေမယ့် အငတ်မခံနိုင်တော့ အဆင်ပြေသလို သွားပြီးတော့ သယ်ယူပြီး စစ်ရှောင်တွေကို ပြန်လှူဒါန်းနိုင်ကြတယ်။အခုက တံတားကကျိုးသွားတော့ စစ်ရှောင်တွေ အတွက် ဘာမှ လုပ်လို့ မရတော့ဘူးစစ်ဘေး ရှောင်တွေ ကတော့ အငတ်ဘေး နဲ့ ရင်ဆိုင်လာရမှာ ဖြစ်တယ်လို့ ” သူကပြောပါတယ်။အဲဒါတွေ အပြင် ကျန်းမာရေး ကိစ္စနဲ့ သွားလာရေးတွေမှာလည်း ဒေသခံတွေ အနေ နဲ့ ပိုမို ထိခိုက်မှုတွေ များလာမှာလည်း ဖြစ်တယ်လို့ သံတွဲ မြို့ခံတွေကဆိုပါတယ်။
စစ်ကောင်စီတပ်တွေဟာ ရခိုင်တကျော့ပြန်တိုက်ပွဲစတင်ချိန်ကတည်းကပင် တောင်ကုတ်၊စစ်တွေ၊ဘူးသီးတောင် နဲ့ မောင်တောမြို့နယ်တွေ အပါအဝင် တစ်ခြားမြို့နယ်တွေထဲက အရပ်သားပြည်သူ အသုံးပြု သွားလာနေကြတဲ့ တံတား ၁၁ စင်းထက် မနည်းကို မိုင်းခွဲ ဖျက်ဆီး ခဲ့ပြီး ဖြစ်ပါတယ်။
