မိုးသည်းထန်စွာ ရွာသွန်းပြီး ရေကြီးနေတဲ့ သံတွဲမြို့နယ်၊ငပလီမြို့ ဂျိတ္တောရပ်ကွက်မှာ စစ်ကောင်စီတပ်တွေ နဲ့ အာရက္ခတပ်တော် အေအေ တို့ဟာ နှစ်ဖက်တိုက်ပွဲ ဖြစ်ပါွးနေတာ ရှိပြီး စစ်ကောင်စီက ပစ်ခတ်လိုက်တဲ့ လက်နက်ကျည် ထိမှန်ကာအသက် ၈ နှစ်အရွယ်ကလေးငယ် အမျိုး သမီးတစ်ဦးတစ်ဦးသေဆုံးပြီး အမျိုးသား တစ်ဦး ဒဏ်ရာရ ရှိခဲ့တယ်လို့ ဂျိတ္တော ဒေသခံ တစ်ဦးက အတည်ပြုပြောပါတယ်။
ဒီနေ့ဇူလိုင်လ ၁၆ ရက်နေ့ မနက်ပိုင်းမှာ စစ်ကောင်စီတပ်တွေ နဲ့ အာရက္ခတပ်တော် အေအေ တို့ဟာ သံတွဲမြို့နယ် ငပလီမြို့ ဂျိတ္တောရပ်ကွက် အတွင်းမှာ နှစ်ဖက်တိုက်ပွဲ ဖြစ်ပွါးနေတာ ရှိနေပြီး စစ်ကောင်စီပစ်ခတ်လိုက်တဲ့ လက်နက်ကျ ည်ဟာ ဂျိတ္တောရပ်ကွက် အတွင်းကို ကျရောက်ကာ ကသက် ၈ နှစ်အရွယ် အမျိုးသမီးကလေးငယ် တစ်ဦး သေ ဆုံးပြီး အမျိုးသား တစ်ဦး ခြေထောက်ပြတ်ထွက် ဒဏ်ရာရရှိခဲ့ရတာ ဖြစ်တယ်လို့ အဲဒီဒေသခံကပြောပါတယ်။
“တိုက်ပွဲက ဖြစ်နေတုန်းပါ စစ်ကောင်စီက ပစ်လိုက်တဲ့ လက်နက်ကြီးကျည်ကျရောက်ပေါက်ကွဲလို့ အမျိုးသမီး ငယ် တစ်ယောက်သေတယ်။နောက်အမျိုးသား တစ်ယောက်က ခြေထောက်တစ်ဖက်ပြတ်ထွက်သွားတယ်။ စစ် ကောင်ရေတပ်ကတော့ လက်နက်ကြီးတွေ နဲ့ ဆက်တိုက် ပစ်နေတာတွေရှိနေတယ်ဒီနေ့လည်းလို့” သူ ကပြောပါတယ်။ဒီနေ့မှာ ဂျိတ္တောရပ်ကွက် ပုလဲရတနာ (ဘက)ကျောင်းမှာ တပ်စွဲနေထိုင်နေတဲ့ စစ်ကောင်စီတပ်တွေ နဲ့ အာရက္ခ တပ်တော် အေအေ တို့ဟာ နှစ်ဖက်တိုက်ပွဲ ဖြစ်ပွါးနေတာလည်း ဖြစ်ပါတယ်။
သံတွဲမြို့နယ်အတွင်းမှာ စစ်ကောင်စီတပ်တွေ နဲ့ အာရက္ခတပ်တော် အေအေတို့ နှစ်ဖက်တိုက်ပွဲ ဖြစ်ပွါး လာတာဟာ ၃ လကျော်အထိ ကြာမြင့်လာနေပြီး ဖြစ်သလို အာရက္ခတပ်တော် အေအေ ဟာ သံတွဲမြို့အ ပါအဝင် စစ်ကောင်စီအခြေစိုက် တပ်ရင်းတွေ ဖြစ်ကြတဲ့ ခမရ – ၅၆၆ ၊ ခလရ – ၅၅ တပ်ရင်းတွေကို အပြင် မဇင်လေ ဆိပ်ကိုလည်း အပြီးသတ် သိမ်းပိုက် ရရှိ ထားပြီး ဖြစ်ပါတယ်။
လက်ရှိမှာလည်း စစ်ကောင်စီရဲ့ လက်ကျန်တပ်ရင်း တစ်ခုဖြစ်တဲ့ မောင်ရွှေလေးရေတပ်စခန်းကို အပြီးသတ်သိမ်းပိုက် ရရှိနိုင်ဖို့ ထိုးစစ်ဆင်တိုက်ခိုက်နေတာ ဖြစ်သလို စစ်ကောင်စီကလည်း အဲဒီရေတပ်စခန်းမကျရှုံးရအောင် စစ်အင်အား အများ အပြားဖြည့်တင်းကာ ပြန်လည်ခုခံတိုက်ခိုက်နေတာလည်း ဖြစ်ပါတယ်။
