စစ်ကောင်စီက စစ်ရေးအတွက် စစ်အင်အားတွေဖြည့်တင်းနေတဲ့ မာန်အောင်မြို့နယ်အတွင်းမှာ ပြီးခဲ့တဲ့ ရက်ပိုင်းတွေက စတင်ကာ စစ်ကောင်စီက ဖုန်းလိုင်း အင်တာနက်လိုင်းတွေ ဖြတ်တောက်ထားတာတွေ ရှိနေတယ်လို့ မာန်အောင်ဒေသခံတွေကပြောပါတယ်။
မာန်အောင်မြို့နယ် အတွင်းမှာ ပြီးခဲ့တဲ့ ဇူလိုင်လ ၂၅ ရက်နေ့ ကစတင်ပြီးတော့ ဖုန်းလိုင်း အင်တာနက်လိုင်းတွေကို ဖြတ်တောက်ခံထားရတာ ဖြစ်ပြီး မြို့ပေါ်နဲ့ နီးတဲ့ ကျေးရွာတချို့မှာသာ တစ်ခာတလေ ဖုန်းလိုင်းရရှိတဲ့ အနေအထားမှာ ရှိပြီး အင်တာနက် လိုင်းတွေကိုတော့ ဖြတ်တောက်ခံထားရတာ ဖြစ်တယ်လို့ မာန်အောင်မြို့ ပေါ်ရပ်ကွက်နေ ဒေသခံ တစ်ဦးကပြောပါတယ်။
“မြို့ နဲ့ နီးစပ်တဲ့ ကျေးရွာ တချို့မှာတော့ ဖုန်းပြောလို့ ရတယ်။အင်တာနက်တော့ သုံးလို့ မရကြဘူး။ ကျန်တဲ့နေရာတွေ မှာဆိုရင် ဖုန်းလိုင်းတွေ ရော အင်တာနက်လိုင်းတွေ ဘာတစ်ခုမှ မရ ကြဘူး။ဒီနေ့ နဲ့ဆိုရင်တော့ အင်တာနက်လိုင်းမရ တာ ၅ ရက်ရှိနေပြီး ။အရင်တုန်းကတော့ VPN ပိတ်တာ တစ်ခုပဲ ရှိတယ်။အဲဒီတော့ လူတွေကလည်း သူ့နည်းသူဟန်နဲ့ သုံးလို့ ရအောင်ရှာ သုံးကြတယ် အခုတော့ ဘာတစ်ခုမှ မရဘူးဖြစ်သွားတယ်လို့ ”အဲဒီဒေသခံကပြောပါတယ်။အခုလို ဖုန်းလိုင်း အင်တာနက် လိုင်းတွေကို ဖြတ်တောက်ထားတာကြောင့် ငွေလွဲ ငွေထုတ် လုပ်ငန်းတွေ နဲ့ တခြားသော လူမှုရေး စီးပွါးရေး ကိစ္စတွေ မှာ ဆက်သွယ်ဖို့ အခက်အခဲ များစွာ နဲ့ ရင်ဆိုင်နေကြရတယ်လို့ လည်း မာန်အောင်ဒေသခံ တစ်ဦးကပြောပါတယ်။
“ဘာဖြစ်လို့ ဖြတ်တာလဲဆိုတာတော့ မသိဘူး ။ အခုလို ဖုန်းလိုင်းတွေ အင်တာနက်လိုင်းတွေ ဖြတ်တော့ ငွေလွဲ ငွေထုတ်လုပ်တာတွေက အစ လူမှုရေး စီးပွါးရေး ဘာတစ်ခုမှာ လုပ်မရတော့ဘူးပေါ့ ။အခု နယ်ဘက်က လူတွေ နဲ့ အရေးကြီး ကိစ္စရှိရင်တောင် ဖုန်းဆက်ပြောလို့ မရဘူး ဖုန်းလိုင်းတစ်ခုတောင် မြို့ အနီးဝန်းကျင်မှာပဲ ရတာ ကျန်တဲ့နေရာတွေဆိုရင်ဖုန်းလိုင်းတွေပါ မရကြဘူးလို့” သူကပြောပါတယ်။မာန်အောင်မြို့နယ်ဟာစစ်ကောင်စီတပ်တွေ နဲ့ အာရက္ခတပ်တော် အေအေတို့ တိုက်ပွဲ ဖြစ်ပွါးတာ မရှိသေးတဲ့ မြို့နယ် တစ်ခု ဖြစ်ပေမယ့် ရခိုင်တကျော့ပြန် တိုက်ပွဲ စတင်ချိန်ကတည်းကပင် စစ်ကောင်စီက သွားလာခွင့်တွေကို ကန့်သတ်တာ စားနပ်ရိက္ခာနဲ့ ဆေးဝါးသယ်ယူခွင့်တွေကို ကန့်သတ်တာတွေ ကို ခံနေ ရတဲ့ မြို့နယ် တစ်ခုလည်း ဖြစ်ပါတယ်။
