မောင်တောမြို့နယ်မြောက်ပိုင်း ကျီး ကန်းပြင်ရွာအနီးမှာ ပြီးခဲ့တဲ့ ဇူလိုင်လ ၃၁ ရက်နေ့ ညနေက မွတ်ဆလင်လက်နက် ကိုင်အ ဖွဲ့တစ်ခုဖြစ်တဲ့ ARSA အဖွဲ့က ဈေးဝယ်သွားတဲ့ စစ်ဘေးရှောင်မိသားစုဝင်တွေရဲ့ ကားကို သေနတ် နဲ့ ပစ်ခတ်နေတဲ့ ရုပ်သံဖိုင် ကို Free Rohingya Today – FRT အကောင့်က နေ သြဂုတ်လ ၂ ရက်နေ့မှာ ထုတ်လွှင့်ခဲ့ပါတယ်။
အဲဒီပစ်ခတ်မှုကို ရက္ခိုင့်ရိုဟင်ဂျာကယ်တင်ရေးတပ်မတော် (ARSA)က ပြုလုပ်ခဲ့တာ ဖြစ်ပြီး မောင်တော မြို့တွင်းကို ရိက္ခာသယ်ယူနေတဲ့ အေအေ တပ်ဖွဲ့ဝင်တွေကုန်တင်ကားကို ရက္ခိုင့်ရိုဟင်ဂျာကယ်တင်ရေးတပ်မတော် (ARSA)က ပစ်ခတ်တိုက်ခိုက်ခဲ့တာ ဖြစ်တယ်လို့ လည်း အဲဒီ Free Rohingya Today – FRT မှာ ရေးသားထားတာတွေ့ ရပါတယ်။
သူတို့ ရေးသားဖော်ပြထားသလို အဲဒီကားဟာ အေအေ ရဲ့ ရိက္ခာသယ်ယူတဲ့ ကားမဟုတ်ဘဲ ဘူးသီးတောင်မြို့ အမှတ်(၄)ရပ်ကွက်ကနေ မောင်တောမြို့နယ် ကံကော်မြိုင်ရွာ မှာ စစ်ဘေးရှောင် အနေ နဲ့ လာရောက်နေထိုင်သူတွေသာ ဖြစ်ကြတယ်လို့ မောင်တော ဒေသခံ ပြည်သူတွေက အတည်ပြုပြောဆိုထားပါတယ်။
အဲဒီထဲက စစ်ရှောင်တွေဟာ ပြီးခဲ့တဲ့ ဇူလိုင်လ ၃၁ ရက်နေ့ ညနေမှာ ကံကော်မြိုင်ကျေးရွာကနေ မောင်တောမြို့နယ် ကြိမ်ချောင်းရွာကို ဈေးသွားဝယ် လမ်းမှာ ARSA တွေ ရဲ့ သတ်ဖြတ်တာကို ခံခဲ့ရတာ ဖြစ်တယ်လို့ မောင်တောဒေသခံ ပြည်သူတွေက အတည်ပြု ထားပါတယ်။
"ARSA တွေက ကားဘီးကိုအရင်ပစ်ပြီးတော့ ကားကိုလည်း ကျည်ရာချီ ပစ်သတ်လိုက်တာ၊ အကုန်လုံးက မိသား စုဝင်တွေ၊ တေဘာကားနဲ့ ဈေးလာဝယ်ကြတာ သူတို့က"လို့ အဲဒီနီစပ်သူက အတည်ပြုပြောပါတယ်။အဲဒီပစ်ခတ်မှုကြောင့် သေဆုံးသွားသူတွေမှာ ကိုဇော်ဇော်မင်း၊ ကိုအောင်မြတ်စံ ၊ကိုအောင်မျိုးစံ ၊ဦးကျော်မင်း ၊ဒေါ်စိန်လှ တို့ ဖြစ်ကြပြီး ဒဏ်ရာရရှိသူ နှစ်ဦးမှာ မောင်မျိုးသန်းရှိန်၊ မောင်မောင်ချေ တို့ ဖြစ်ကြပြီး အဲဒီကားပေါ်မှာ လိုက်ပါလာသူတွေ အားလုံးဟာ မိသားစုဆွေ မျိုးတွေ ဖြစ်ကြတယ်လို့လည်း အဲဒီ မိ သားစုနဲ့ နီးစပ်သူကပြောပါတယ်။
လက်ရှိမှာ ထိခိုက်ဒဏ်ရာရသွားတဲ့ မောင်မျိုးသန်းရှိန်၊ မောင်မောင်ချေတို့ နှစ်ဦးကို အာရက္ခတပ်တော်(AA)ရဲ့လက် အောက်ခံ ဆေးပေးခန်းတစ်ခုမှာ ဆေးကုသမှုခံယူနေရတယ်လို့ဒေသခံတွေက ပြောကြပါတယ်။
ARSA အပါအဝင် မွတ်ဆလက်လက်နက်ကိုင်အဖွဲ့တွေဟာ မောင်တောမြိုနယ်မြောက်ပိုင်းနဲ့ ဘင်္ဂလားဒေရှ့်နယ်စပ်တစ် လျှော က်မှာ လှုပ်ရှားမှုတွေ ရှိနေပြီး ဒေသခံအရပ်သားတွေကို မကြာခဏ သတ်ဖြတ်တာတွေလည်း ရှိနေတာပါ။
ပြီးခဲ့တဲ့ ဇူလိုင်လ ၁၈ ရက်နေ့ကလည်း ဘူးသီးတောင်မြို့မှ စစ်ရှောင် ခမီလူမျိုး ၇ ဦးကို ARSA အဖွဲ့က သတ် ဖြတ်ခဲ့တာ ရှိခဲ့ပါတယ်။အဲဒီလို အာရက္ခဒေသနေပြည်သူတွေရဲ့ အသက်၊ အိုးအိမ်၊ စည်းစိမ်နဲ့ လုံခြုံရေးတို့ကို နည်းမျိုးစုံနဲ့ ဒုက္ခပေးနေတဲ့ ဖက်ဆစ်စစ်ကောင်စီနဲ့ အကြမ်းဖက်လက် နက်ကိုင် မွတ်ဆလင်တွေကို ထိုက်သင့်တဲ့ တုံ့ပြန်မှုမျိုးနဲ့ တုံ့ပြန်သွားမယ်လို့ AA က ထုတ်ပြန်ထားပါတယ်။
မွတ်ဆလင်လက်နက်ကိုင်အဖွဲ့တွေ လှုပ် ရှားနေတဲ့ မောင်တောမြို့နယ်တစ်ခုလုံးနီးပါးကို AA က ထိန်းချုပ်ထားပြီး မောင်တောမြို့ပေါ် မှာ ရှိနေတဲ့ စစ်ကောင်စီတပ်စခန်းတစ်ခုသာ ကျန်တော့တာလည်း ဖြစ်ပြီး လက်ရှိမှာလည်း အာရက္ခတပ်တော် အေအေ ဟာ အဲဒီစခန်းကို အပြီးသတ်သိမ်းပိုက်နိုင်ဖို့ အတွက် မြို့သိမ်းတိုက်ပွဲကိုလည်း ဆင်နွဲတိုက်ခိုက်နေတာလည်း ဖြစ်ပါတယ်။
