ညီနောင် ၃ ဖွဲ့ ထိန်းချုပ်ထားရာနေရာတွေကို စစ်ကောင်စီက လေကြောင်းတိုက်ခိုက်မှု လုပ်နေတာကို အိမ်နီချင်းနိုင်ငံ ဖြစ်တဲ့ တရုတ်ပြည့်သူ့ သမ္မတနိုင်ငံ အနေ နဲ့ ဝိုင်းဝန်းတားဆီးပေးဖို့ကို ညီနောင်မဟာမိတ် ၃ ဖွဲ့က မနေ့က သြဂုတ်လ ၆ ရက်နေ့ မှာ သတင်းထုတ်ပြန် တောင်းဆိုလိုက်ပါတယ်။
စစ်ကောင်စီတပ်ဟာ ညီနောင် ၃ ဖွဲ့ ထိန်းချုပ်ထားတဲ့ မြို့တွေ ဖြစ်တဲ့ လောက်ကိုင်၊သိန်းနီ (သိန္ဒီ)ကွတ်ခိုင်၊နမ့်ဆန် နဲ့ မြောက်ဦးမြို့တွေက ဒေသခံပြည်သူတွေ နေထိုင်သွားလာနေတဲ့ ဈေး၊စာသင်ကျောင်း၊ဆေးရုံဆေးခန်း ၊ဘာသာရေး အဆောက်အအုံ၊ တံတား၊မြို့ရွာတွေကို တိုက်လေယာဉ်ကနေ ဖျက်အားပြင်း ဗုံးတွေ နဲ့ ပြည်သူတွေကို ပစ်မှတ်ထားတိုက်ခိုက် နေတာတွေ ရှိနေတယ်လို့ ညီနောင် ၃ ဖွဲ့ ထုတ်ပြန်ချက်က ဆိုပါတယ်။
အဲဒီလို ဖျက်အားပြင်းပေါင် ၅၀၀ ဗုံးတွေ နဲ့ စစ်ကောင်စီက တိုက်ခိုက်နေတာတွေ ကြောင့်ပြည်သူတွေ ထိခိုက်ဒဏ်ရာ ရတာတွေ၊သေဆုံးတာတွေ ရှိနေသလို ဈေး၊ကျောင်း၊ဆေးရုံ နဲ့ နေအိမ်အများအပြားဟာလည်း ပျက်စီးဆုံးရှုံးမှုတွေ ရှိနေတယ်လို့ ညီနောင် ၃ ဖွဲ့ ထုတ်ပြန်ချက်မှာ ဖော်ပြထားပါတယ်။
ဒီလို စစ်ကောင်စီက အပြစ်မဲ့ အရပ်သားပြည်သူတွေ နေထိုင်ရာ နေရာတွေဖြစ်တဲ့ မြို့ ၊ရွာ၊ ဈေး၊စာသင်ကျောင်း နဲ့ လူထု အဆောက်အအုံရှိတဲ့ နေရာတွေကို လေကြောင်းဗုံးကြဲပစ်ခတ်သတ်ဖြတ်နေတာကို အိမ်နီးချင်းနိုင်ငံဖြစ်တဲ့ တရုတ်ပြည်သူ့သမ္မတနိုင်ငံ အနေနဲ့ အဓိကထားဟန့်တားပေးဖို့စေချင်သလို နိုင်ငံတကာ မိသားစုတွေ အနေ နဲ့ ဝိုင်းဝန်းဟန့်တားပေးစေချင်တယ်လို့ ညီနောင် မဟာမိတ် ၃ ဖွဲ့က တောင်းဆိုထားပါတယ်။
စစ်ကောင်စီ နဲ့ မြောက်ပိုင်း ညီနောင် မဟာမိတ် ၃ဖွဲ့တို့ ဟာ နှစ်ဖက်တိုက်ပွဲတွေ အပြင်းအထန်ဖြစ်ပွါးနေတာတွေရှိနေပြီး တိုက်ပွဲအတွင်းမှာ အရေးမလှရှုံးနိမ့်နေတဲ့ စစ်ကောင်စီဟာ မြို့၊ရွာတွေကို တိုက်လေယာဉ်တွေ နဲ့ လေကြောင်းတိုက်ခိုက်ကာ စစ်ရာဇဝတ်မှုတွေကို ပြောင်ပြောင်တင်းတင်း ကျူးလွန်နေတဲ့ အပေါ် ညီနောင် ၃ဖွဲ့ အနေ နဲ့လည်း ကန့် ကွက် ရှုတ်ချတယ်လို့ ဆိုပါတယ်။
အဲဒါတွေ အပြင် စစ်ကောင်စီလုံးဝကင်းစင်သွားပြီး ညီနောင် ၃ဖွဲ့ ထိန်းချုပ်ရာနေရာဒေသတွေက တိုင်းရင်းသားမိဘပြည်သေူတွ အနေ နဲ့လည်း စစ်ကောင်စီ ရဲ့ လေကြောင်းတိုက်ခိုက်မှု ကနေကင်းဝေနိုင်ဖို့ မိမိတို့လမ်းညွန်ချက်အတိုင်း နေထိုင်းဖို့ကိုလည်း ညီနောင်သုံးဖွဲ့က အထူးမေတ္တာရပ်ခံတောင်းဆိုထားပါတယ်။
