စစ်ကောင်စီလေကြောင်းကနေ တဆင့် ပေါင် ၅၀၀ ဗုံးနဲ့ ကြဲချတိုက်ခိုက်ခဲ့တဲ့ ကွတ်ခိုင်မြို့ ဈေးမှာ ဈေဆိုင်ခန်းပေါင်း ၄၀၁ ခန်းမီးလောင်ပျက်စီးခဲ့ရသလို သေဆုံးသူ ၆ ဦး နဲ့ ဒဏ်ရာ ရရှိသူ ၁၀ ဦးထိရှိလာနေတယ်လို့ TNLA က သတင်းထုတ်ပြန်လာပါတယ်။
အဲဒီဈေးကို စစ်ကောင်စီက ပြီးခဲ့တဲ့ သြဂုတ်လ ၅ ရက်နေ့ ညနေ ၃ နာရီလောက်မှာတိုက်ပွဲ တစ်စုံတရာ ဖြစ်ပွါးတာ မရှိဘဲ လေကြောင်းကနေ တဆင့် ပေါင်း ၅၀၀ ဗုံး ၇ လုံးကို ၄ ကြိမ်လာရောက်တိုက်ခိုက်ခဲ့တာဖြစ်ပြီး အဲဒီတိုက်ခိုက်မှုကြောင့် ကွတ်ခိုင်မြို့ (၅)ရပ်ကွက် နဲ့(၈) ရပ်ကွက် အတွင်းက ဒေသခံပြည်သူ(၆) ဦးဗုံးစထိမှန်သေဆုံးပြီး (၁၀)ဦးထိခိုက်ဒဏ်ရာရရှိတာတွေ ရှိခဲ့တယ် ဆိုပါတယ်။
အဲဒါတွေ အပြင် ကွတ်ခိုင်မြို့မဈေးအတွင်းက ဆိုင်ခန်းပေါင်း (၄၀၁)ခန်းလည်းဗုံးပေါက်ကွဲမှုကြောင့် မီးလောင်မှုဖြစ်ပွားခဲ့ရသလို အရပ်သား နေအိမ် (၁၀)အိမ်ထက်မနည်းလည်း ထိခိုက်ပျက်စီးခဲ့ရတယ်လို့ ဆိုထားပါတယ်။
စစ်ကောင်စီ နဲ့ မြောက်ပိုင်း ညီနောင် မဟာမိတ် ၃ဖွဲ့တို့ ဟာ နှစ်ဖက်တိုက်ပွဲတွေ အပြင်းအထန်ဖြစ်ပွါးနေတာတွေရှိနေပြီး တိုက်ပွဲအတွင်းမှာ အရေးမလှရှုံးနိမ့်နေတဲ့ စစ်ကောင်စီဟာ သူတို့လက်လွတ်ဆုံးရှုံးလိုက်ရတဲ့ မြို့ရွာတွေကို တိုက်လေယာဉ်တွေ နဲ့ လေကြောင်းတိုက်ခိုက်ကာ စစ်ရာဇဝတ်မှုတွေကို ပြောင်ပြောင်တင်းတင်း ကျူးလွန်နေတာတွေ ရှိနေပြီး အဲဒီလို ကျူးလွန်နေတဲ့အပေါ်အိမ်နီးချင်းနိုင်ငံဖြစ်တဲ့ တရုတ်ပြည်သူ့သမ္မတနိုင်ငံ အနေနဲ့ အဓိကထားဟန့်တားပေးဖို့ကိုလည်း ညီနောင် မဟာမိတ် ၃ ဖွဲ့ က သြဂုတ်လ ၆ ရက်နေ့မှာ သတင်းထုတ်ပြန်တောင်းဆိုထားပါတယ်။
အခုလို စစ်ကောင်စီက အရပ်သားတွေကို ဦးတည်တိုက်ခိုက်နေတဲ့ အပေါ်မှာလည်း ကန့် ကွက်ရှုတ်ချတယ်လို့ သတင်းထုတ်ပြန်ထားပါတယ်။
အဲဒါတွေ အပြင် စစ်ကောင်စီလုံးဝကင်းစင်သွားပြီး ညီနောင် ၃ဖွဲ့ ထိန်းချုပ်ရာနေရာဒေသတွေက တိုင်းရင်းသားမိဘပြည်သေူတွ အနေ နဲ့လည်း စစ်ကောင်စီ ရဲ့ လေကြောင်းတိုက်ခိုက်မှု ကနေကင်းဝေနိုင်ဖို့ မိမိတို့လမ်းညွန်ချက်အတိုင်း နေထိုင်းဖို့ကိုလည်း ညီနောင်သုံးဖွဲ့က အထူးမေတ္တာရပ်ခံတောင်းဆိုထားပါတယ်။
