မောင်တောမြို့နယ် အတွင်းမှာ အာရက္ခတပ်တော် အေအေက တိုက်ခိုက်သိမ်းပိုက်ဖို့စစ်ကောင်စီတပ်စခန်း ၂ ခုသာ ကျန်ရှိတော့တယ် လို့ အာရက္ခတပ်တော် အေအေက ဆိုပါတယ်။
မောင်တောမြို့နယ် အတွင်းက သိမ်ပိုက်ဖို့ ကျန်ရှိနေသေးတဲ့ တပ်စခန်း ၂ ခုမှာ နယ်ခြားစောင့် အမှတ် (၅) စခန်း နဲ့ ခံစစ်အထပ်ထပ်ပြင် ဆင်ထားတဲ့ မောင်တော မြို့တွင်းက စခန်းတွေ ဖြစ်ကြတယ်လို့ ဆိုပါတယ်။
စစ်ကောင်စီတပ်တွေဟာ မောင်တောမြိုကနယ် အတွင်းက ဒေသခံတွေကို မြို့တွင်းက ထွက်ခွါခွင့် မပြုဘဲ လူသားဒိုင်းကာ အနေ နဲ့ ပြုလုပ်ထားတာတွေ ရှိပြီး မောင်တောမြို့အတွင်းမှာ ရှိနေတဲ့ ဒေသခံ ပြည်သူတွေ ရဲ့ နေအိမ်တွေကိုလည်း စစ်စခန်းတွေ အဖြစ် နဲ့ အခိုင်အမာ တည်ဆောက်ကာ ခံစစ် အနေ အထားနဲ့ လုပ်ဆောင်ထားတာတွေ ရှိနေတယ်လို့ အေအေ ရဲ့ထုတ်ပြန်ချက်မှာ ဖော်ပြ ထားပါတယ်။
အဲဒါတွေ အပြင် စစ်ကောင်စီတပ်တွေဟာ အကြမ်းဖက်မွတ်ဆလင်တွေ နဲ့ ပူးပေါင်းကာ အကြမ်းဖက်လုပ်ရပ်တွေကို လုပ်ဆောင်ဖို့ အားပေးအားမြှောက်လုပ်ဆောင်နေတာတွေ ရှိနေပြီး အာရက္ခဒေသမှာ အခုလိုစစ်ကောင်စီက လုပ်ဆောင်နေတာဟာ လူမျိုးရေး၊ ဘာသာရေး ပဋိပက္ခတွေ ဖြစ်လာအောင် ဖန်တီးလာနေတာ ဖြစ်တယ်လို့ လည်း အေအေ ကဆိုပါတယ်။
မွတ်ဆလင်လက်နက်ကိုင်အဖွဲ့တွေ ဖြစ်ကြတဲ့ RSO၊ARSA၊ARA နဲ့ စစ်ကောင်စီသင်တန်းဆင်းပြီး လက်နက်တပ်ဆင်ပေးထားတဲ့ မွတ်ဆလင်တက်နက်ကိုင်တွေအပြင် အစ္စလာမ်မစ်အကြမ်းဖက်သမားအုပ်စုငယ်အချို့ နဲ့ ပြန်ပေးဆွဲ၊လူသတ်၊ခိုးဆိုး လုယက်နေကြ တဲ့မွတ်ဆလင်လူဆိုးဂိုဏ်းတွေဟာ စစ်ကောင်စီတပ်တွေ နဲ့ ပူးပေါင်းကာ ဘူးသီးတောင် ၊ မောင်တောမြို့နယ်တွေ နဲ့ ဘင်္ဂလားဒေ့ရှ် – မြန်မာနယ်စပ် တစ်လျှောက်မှာဖြန့်ကျက်လုပ်ဆောင်နေတာတွေ ရှိနေတယ်လို့ အေအေ ရဲ့ ထုတ်ပြန်ချက်က ဆိုပါတယ်။
စစ်ကောင်စီက စစ်သင်တန်းပေးထားတဲ့ မွတ်ဆလင်တွေဟာလည်းစစ်ကောင်စီတပ်တွေ နဲ့ ပူးပေါင်းကာ ဘူးသီးတောင် မြို့နယ် နဲ့ မောင်တောမြို့နယ်တွေက နေရာတချို့မှာ လူသတ်တာ၊လုယက်တာ၊ဓါးပြတိုက်တာ၊ပြန်းပေးဆွဲတာ၊ငွေညှစ်တာ၊မြို့ရွာတွေထဲက လူနေအိမ် နဲ့ အဆောက်အအုံတွေကိုဖျက်ဆီးတာ၊မီးရှို့တာ တံတားတွေကို မိုင်းခွဲဖျက်ဆီးတာ၊လက်နက်တွေနဲ့ ခြိမ်းခြောက်တာ၊ ချောင်းမြောင်းပစ်ခတ်တာနဲ့ မိုင်းထောင်တာတွေကို လုပ်ဆောင်လာတာ ခပ်စိပ်စိပ်တွေ့လာနေရတယ်လို့ ဆိုထားပါတယ်။
