ဒီရက်ပိုင်းအတွင်းမှာ မောင်တောမြို့အနီး ပင်လယ်ကမ်းစပ်တစ်နေရာမှာ မွတ်ဆလင်အများအပြား သေဆုံးနေတဲ့ ဖြစ်ရပ်ဟာ ရက္ခိုင်အမျိုးသားအဖွဲ့ ချုပ် ULA/AA နဲ့ လုံးဝသက်ဆိုင်းမှုမရှိဘူးလို့ အေအေ ကသတင်းထုတ်ပြန်လာပါတယ်။
ဒီဖြစ်ရပ်ဟာ လက်နက်ကြီး၊လက်နက်ငယ်ထိမှန်တာ(ဒါမှမဟုတ်)ဗုံးထိမှန်တာ (ဒါမှမဟုတ်)ရေနစ်သေဆုံးတာ (ဒါမှမဟုတ်)လေကြောင်းတိုက်ခိုက်ခံရတာ (ဒါမှမဟုတ်)ကြီးမားတဲ့ပေါက်ကွဲမှု တစ်ရပ်ရပ်ကြောင့် သေဆုံးခဲ့ရတဲ့ ဖြစ် ရပ်ကို ဆိုရှယ်မီဒီယာပေါ်မှာ မြင်တွေ့ရတဲ့ အတွက် အလွန်စိတ်မကောင်း ဖြစ်ရတယ်လို့ ဆိုထားပါတယ်။
ဒါ့အပြင် အဲဒီဖြစ်ရပ်ဟာ အာရက္ခတပ်တော် အေအေက ထိန်းချုပ်ထားတဲ့ နေမြေမှာ ဖြစ်ပျက်ခဲ့တာမဟုတ်သလို မိမိတို့ အဖွဲ့အစည်းနဲ့လည်း လုံးဝသက် ဆိုင် မှုမရှိဘူးလို့ အေအေ ကငြင်းဆိုထားပါတယ်။
ဒီသေဆုံးမှုဖြစ်စဥ်တွေ နဲ့ပတ်သက်ပြီးတော့လည်း အာရက္ခတပ်တော် အေအေ အနေ နဲ့ အသေးစိတ်စုံစမ်းစစ်ဆေးမှုတွေ လုပ်ဆောင်နေတာတွေ ရှိနေပြီး ဖြစ်စဥ် နဲ့ ဖြစ်ရပ်မှန်တွေကို သိရှိရလျှင် အေအေ အနေ နဲ့ အမြန်ဆုံးထုတ်ပြန်သွားမှာ ဖြစ်တယ်လို့ ဆိုပါတယ်။
အဲဒါတွေအပြင် ရက္ခိုင်အမျိုးသားအဖွဲ့ချုပ်၊အာရက္ခတပ်တော် အေအေ တပ်ဖွဲဝင်တွေကိုလည်း စစ်ပွဲအတွင်းမှာလိုက်နာရမယ့် စစ်စည်းကမ်း၊စစ်သည်တော် ကျင့်ဝတ်၊လူ့အခွင့်အရေးဥပဒေ နိုင်ငံတကာလူသားချင်းစာနာထောက် ထားမှုဆိုင်ရာဥပဒေတွေကိုလည်း အခြေခံစစ်သင်တန်းကတည်းကပင် ရှင်းလင်းပြတ်သားစွာညွန်ကြားထားပြီးဖြစ်တယ်လို့ ဆိုပါတယ်။
အဲတာတွေအပြင် မိမိတို့အဖွဲ့အစည်းဟာ အကြမ်းဖက်မှုတွေကို အားမပေးတဲ့ ဘယ်လိုအကြမ်းဖက်လုပ်ရပ်တွေကို ရှုတ်ချပြီး အာရက္ခဒေသမှာလည်း ဘယ် လိုအကြမ်းဖက်သမားတွေကိုမှ ခြေချခွင့်ပေးမှာမဟုတ်ဘဲ အကြမ်းဖက်အဖွဲ့တိုင်းကိုလည်း ချေမှုန်းသွားမှာ ဖြစ်တယ်လို့ ဆိုပါတယ်။
ဒါပေမယ့် ရိုဟင်ဂျာအရေးတက်ကြွလှုပ်ရှားသူတွေ နဲ့ စစ်ကောင်စီကတော့ ဒီလုပ်ရပ်ဟာ အာရက္ခတပ်တော် အေအေက ဒရုန်း နဲ့ ဗုံးကြဲတိုက်ခိုက်ခဲ့တာကြောင့် ရိုဟင်ဂျာ အများအပြားသေဆုံးခဲ့ရတာ ဖြစ်တယ်လို့ ပြောဆိုထားကြပါတယ်။
