အာရက္ခတပ်တော် နဲ့ စစ်ကောင်စီတပ်တို့ နှစ်ဖက်တိုက်ပွဲ ပြင်ထန်နေတာကြောင့် မောင်တောကနေ ဘင်္ဂလားဒေ့ရှ်နိုင်ငံကို ထွက်ပြေးသွား ကြတဲ့ မွတ်ဆလင်တွေကို ဘင်္ဂလားဒေ့ရှ်အစိုးရက မောင်တောမြို့အတွင်းသို့ ပြန်လည်ပို့ဆောင်တာတွေ ရှိနေတယ်လို့ ရိုဟင်ဂျာ အရေးတက်ကြွလှုပ်ရှားသူတွေ ဆီက သိရပါတယ်။
ပြီးခဲ့တဲ့ သြဂုတ်လ ၅ ရက်နေ့က မောင်တောမြို့နယ် အတွင်းမှာ အာရက္ခတပ်တော် အေအေ နဲ့စစ်ကောင်စီတပ်တွေဟာ တိုက်ပွဲ အပြင်း အထန်ဖြစ်ပွါးလာနေတာကြောင့် မြို့ပေါ်ရပ်ကွက်မှာ နေထိုင်နေကြတဲ့ မွတ်ဆလင် အများစုဟာ နတ်မြစ်ကို ဖြတ်ကျော်ကာ တစ်ဖက်ဘ င်္ဂလားဒေ့ရှ်နိုင်ငံကို ထွက်ပြေးခဲ့ကြရပါတယ်။
အဲဒီလိုထွက်ပြေးသွားတဲ့ မွတ်ဆလင်တွေကို ဘင်္ဂလာဒေ့ရှ်နယ်ခြားစောင့်တပ်တွေက ဖမ်းဆီးပြီး မောင်တောမြို့နယ်အတွင်းကို ပြန်လည်ပို့ ဆောင်တာတွေ ရှိနေတယ်လို့ ရိုဟင်ဂျာအရေး တက်ကြွလှုပ်ရှားသူ တစ်ဦးဖြစ်တဲ့ ကိုနေဆန်းလွှင်က ပြောပါတယ်။
“ ဘင်္ဂလားဒေ့်ရှ်ဘက်ကိုထွက်ပြေးပေမယ် ဘင်္ဂလားဒေ့်ရှ်က နယ်ခြားစောင့်တွေက ဖမ်းပြီးထိန်းသိမ်းထားတယ် မနေ့ကလည်း အဲဒီ ဘက်ကို ထွက်ပြေးသွားတဲ့ လူ ၂၀၀ လောက်ကို ဘင်္ဂလားဒေ့်ရှ်က ပြန်ပို့တာရှိတယ်။အခုလည်းကျန်ရှိနေသေးတဲ့သူတွေကို ပြန်ပို့ဖို့ လုပ်နေတာတွေရှိတယ်။နတ်မြစ်ပေါ်မှာ စက်လှေတွေ နဲ့ ဝင်ခွင့်ရဖို့အတွက်စောင်နေတဲ့သူတွေလည်းရှိတယ်။တော်တော်ကို ဆိုးရွားတဲ့ အခြေအနေမှာရှိနေတယ်လို့” သူကပြောပါတယ်။ဒါ့အပြင် မောင်တောမြို့နယ်အတွင်းမှာလည်း တိုက်ပွဲ ပြင်းထန်နေတာကြောင့် ပြန်လည်ဝင်ရောက်ဖို့ အခက်အခဲတွေရှိနေသလို ဘင်္ဂလား ဒေ့ရှ်နိုင်ငံက ကမ်းကပ်ခွင့်မပေးတာကြောင့် နတ်မြစ်ထဲမှာ စက်လှေနဲ့မျောကာ ဝင်ခွင့်ရဖို့ အတွက် စောင့်ဆိုင်းနေသူတွေ အများအပြား ရှိနေသေးသလို မောင်တောကမ်းခြေကနေ ဘင်္ဂလားဒေ့ရှ်နိူင်ငံအတွင်းကို သွားမယ့် မွတ်ဆလင်တွေလည်း အများအပြားရှိ နေသေး တယ်လို့ သူကပြောပါတယ်။
အာရက္ခတပ်တော် အေအေဟာ မောင်တောမြို့အတွင်းတစ်ခုလုံးကို အပြီးသတ်သိမ်းပိုက်တိုက်ခိုက်ဖို့အတွက် မောင်တောမြို့နယ် အတွင်းမှာ ရှိနေကြတဲ့ ပြည်သူတွေကို တိုက်ပွဲနဲ့ လွတ်ရာနေရာတွေကို ပြောင်းရွှေ့လာကြဖို့ ပြီးခဲ့တဲ့ ဇွန်လ (၁၆) ရက် နဲ့ ဩဂုတ်လ (၇) ရက်နေ့တွေမှာ အသိပေးထုတ်ပြန်ခဲ့ပါတယ်။
ဒါပေမယ့် စစ်ကောင်စီတပ်တွေဟာ မောင်တောမြို့တွင်းက ပြည်သူတွေ နဲ့ မွတ်ဆလင်တွေကို ထွက်ခွါခွင်းမပေးဘဲ ပိတ်ဆို့ ထားခဲ့တာကြောင့် မွတ်ဆလင်တွေမှာ ထွက်ခွင့်မရပဲ ပိတ်မိနေခဲ့ရတာ ဖြစ်တယ်လို့ ကိုရိုနေဆန်းလွှင် ကဆိုပါတယ်။
“အခု ဘင်္ဂလားဒေ့ရှ်ကို အခုထွက်ပြေးတဲ့သူတွေကတော့ စစ်ကောင်စီတပ်တွေက ပိတ်ထားလို့ တောင်ဘက်ကိုလည်းထွက်ပြေးမရဘူး ၊မြောက်ဘက် ကိုလည်းထွက်ပြေးလို့ မရဘူးပိတ်ထားတယ်။ထွက်ပေါက်ဆိုလို့ အဲဒီထါက်ပေါက်တစ်ခုပဲ ရှိတယ်။နေမရလို့ အဲဒီနေရာ တွေကနေအခုလို ထွက်ပြေးကြရတာ ဖြစ်တယ်။မြို့ပတ်ပတ်လယ်မှာက စစ်ကောင်စီတပ်တွေ ပဲ ရှိတယ်လို့”သူကပြောပါတယ်။အဲဒီနေ့မှာဘဲ ကမ်းခြေကို ထွက်ပြေးတဲ့ သူတွေရှိရာနေရာကို လေကြောင်းက တိုက်ခိုက်ခံခဲ့ရတာကြောင့် မွတ်ဆလင် ရာနဲ့ချီဟာသေ ဆုံးတာတွေရှိခဲ့ပါတယ်။
လက်ရှိမှာလည်း အာရက္ခတပ်တော် အေအေဟာ တိုက်ပွဲကြားကနေ စစ်ကောင်စီကလူသားဒိုင်းအဖြစ်နဲ့ ဖမ်းဆီးထားတဲ့ပြည်သူတွေကို နေ့စဉ်ကယ်ထုတ်တာတွေကို လုပ်ဆောင်နေပြီး ဘေးလွတ်ရာနေရာတွေကို ပြောင်းရွှေ့ပေးနေတာတွေ ရှိနေတယ်လိုက အေအေ ရဲ့ ထုတ်ပြန်ချက်တွေ အရ သိရပါတယ်။
