ဂွမြို့နယ် ၊ကျိန္တလီမြို့နယ် ရဲစခန်းအပါအဝင် စစ်ကောင်စီတပ်စခန်းတွေကို အာရက္ခတပ်တော် အေအေ က ရှော့တိုက်ဒုံးတွေနဲ့ ပစ်ထတ်တိုက်ခိုက်ခဲ့လို့ နှစ်ဖက်တိုက်ပွဲ ဖြစ်ပွါးတာ ရှိခဲ့တယ်လို့ ဂွဒေသခံတွေဆီကသိရပါတယ်။
အာရက္ခတပ်တော် အေအေ နဲ့ စစ်ကောင်စီတပ်တို့ဟာ ပြီးခဲ့တဲ့ သြဂုတ်လ ၁၀ ရက်နေ့ကတည်းကပင် ချင်းကွင်းကျေးရွာ အနီးမှာ နှစ်ဖက် ထိတွေ့ တိုက်ပွဲ ဖြစ်ပွားခဲ့တာရှိပြီးနောက် မနေ့က ညနေ ၅ နာရီးဝန်းကျင်မှာ ကျိန္တလီမြို့နယ် အတွင်းက ရဲစခန်းအပါအဝင် စစ်ကောင်စီတပ်စခန်းတွေကို အေအေက ရှော့တိုက်ဒုံးတွေ နဲ့ ထပ်မံပစ်ခတ်တိုက်ခိုက်ခဲ့တာဖြစ်တယ်လို့ ဂွဒေသခံတစ်ဦးကပြောပါတယ်။
"ချင်းကွင်းမှာတော့ ၁၀ ရက်နေ့ကတည်းကပင် အပြန်အလှန်ပစ်ခတ်တာတွေ တော့ရှိတယ်။ မနေ့ကလည်း အေအေက ရဲစခန်းနဲ့ စကစက ကင်းစခန်းလို နေရာ ယူထားတဲ့ နေရာတွေကိုရှော့တိုက်ဒုံးတွေ နဲ့ ပစ်ခတ်တိုက်ခိုက်လို့ နှစ်ဖက် တိုက်ပွဲတွေဖြစ်ကြတာ။စစ်ကောင်စီကလည်း လေကြောင်း၊ရေကြောင်း တွေပါ ပစ်ကူပေးလို့ မြို့ပေါ်ရပ်ကွက် တချို့ မီးလောင်တာတွေ ရှိတယ်လို့ သိရတယ်လို့"သူကပြောပါတယ်။အာရက္ခတပ်တော် အေအေဟာ ကျိန္တလီ နဲ့ တစ်ဆက်တည်းမှာ ရှိတဲ့ သံတွဲမြို့ နယ်အတွင်းက စစ်ကောင်စီရေတပ်စခန်းတစ်ခုဖြစ်တဲ့ မောင်ရွှေလေးရေတပ်စခန်းကို သိမ်းပိုက် ရရှိခါနီးမှာ ဂွမြို့နယ်အတွင်းမှာရှိတဲ့ ကျိန္တလီမြို့ကိုပါ ထိုးစစ်ဆင်တိုက်ခိုက်လာနေတာလည်းဖြစ်ပါတယ်။
လက်ရှိမှာ ကျိန္တမြို့နယ် အတွင်းက ပြည်သူတွေဟာ ဘေးလွတ်ရာကို ထွက် ပြေးနေကြတာတွေ ရှိသလို တချို့မှာလည်း ပိတ်မိကာ ထွက်မရတဲ့ သူတွေလည်းရှိနေတယ်လို့ စစ်ဘေးရှောင်အရေးကူညီဆောင်ရွက်ပေးနေသူ တစ်ဦးကပြောပါတယ်။
"အကုန်လုံးကိုတော့ မကယ်ထုတ်ပေးနိုင်သေးဘူး စစ်ကောင်စီက လေ ကြော င်းကနေ ပစ်ခတ်တာ၊လက်နက်ကြီးတွေ နဲ့ ပစ်ခတ်တာတွေရှိနေတော့ ထုတ်လို့ ရသလောက်တော့ ထုတ်ပေးနေတယ်။ဒီနေ့မှာလည်း စစ်ကောင်စီ ရေတပ်က လက်နက်ကြီးတွေ နဲ့ ပစ်နေတာတွေ ရှိနေသေးတယ်လို့"သူကပြောပါတယ်။စစ်ကောင်စီတပ်တွေဟာ သံတွဲမြို့ကို လက်လွတ်ဆုံးရှုံးရမယ့် အခြေအနေကိုရောက်ရှိလာချိန်မှာ ဂွမြို့နယ်အတွင်းကို စစ်အင်အားဖြည့်တင်းတာ၊ဌာနဆိုင် ရာ ရုံးတွေကိုပြောင်းရွှေ့တာ စတာတွေကိုလည်း ဆက်တိုက်လုပ်ဆောင်နေတာတွေရှိနေတယ်လို့လည်း ဒေသခံတွေကပြောပါတယ်။
