မာန်အောင်မြို့ပေါ်ရက်ကွက်တွေကို ယခင်အထက်ထက်ကတည်း ကပင် တစ်နေ့ ကို ၆ နာရီကျစီ ပေးနေတဲ့ လျှပ်စစ်မီးဟာ ပြီးခဲ့တဲ့ မေလ ကတည်းကပင် ၄ ရက်မှာ တစ်နာရီသာ စစ်ကောင်စီက ပေးနိုင်တော့တဲ့ အနေအထားမှာ ရှိနေတယ်လို့ ဒေ သခံတွေကပြော။
စစ်ကောင်စီဟာ မာန်အောင်မြို့နယ် အတွင်းကို စားနပ်ရိက္ခာ အပါအဝင်၊ စစ်သုံးဆီသယ်ယူမှုတွေကိုပါ တားမြစ်ပိတ်ပင်လိုက်းပြီးတဲ့နောက်မှာ ဒေသအတွင်း စက်သုံးဆီပြတ်လပ်လာကာ အခုလို ၄ ရက်မှာမှ တစ်နာရီသာ မီးပေးနိုင်တော့တာ ဖြစ်တယ်လို့ မာန်အောင်မြို့နယ် လျှပ်စစ်ဦးစီးဌာန နဲ့ နီးစပ်သူ တစ်ဦးကပြောပါတယ်။
“၄ ရက်မှာ ၁နာရီပဲ ပေးနိုင်တော့တယ် ။အဓိကတော့ စက်သုံးဆီမရှိလို့ ဖြစ်တာပေါ့။မာန်အောင်မှာက မီးစက် နဲ့မီးပေးနေရတာဆိုတော့ ဆီမရှိရင် မီးမပေးနိုင်တော့လို့ အခုလို ဖြစ်သွားတာ ဖြစ်တယ်လို့”သူကပြောပါတယ်။မာန်အောင်မြို့နယ် အတွင်းမှာ ဒေါ်အောင်ဆန်းစုကြည်လက်ထက်က ဆိုလာစက်ရုံတည်ဆောက်ခဲ့ပေမယ့် ဆိုလာစက်ရုံမှာ လျှပ်စစ်မီးထုတ်လုပ်နိုင်စွမ်း မရှိတာကြောင့် မြို့ပေါ်ရပ်ကွက်တွေကို ဒီဇယ်မီးစက် ၂ လုံး နဲ့ လျှပ်စစ်မီးပေးနေခဲ့ရတာဖြစ်တယ်လို့ ဒေသခံတွေကပြောပါတယ်။
လက်ရှိမှာ ပုံမှန်ရနေကျ တစ်နေ့ကို ၆ နာရီမီး မရတော့တဲ့အတွက် လျှပ်စစ်ကိုအမှီပြုကာလုပ်ကိုင်နေရတဲ့ စီးပွားရေး လုပ်ငန်းရှင်တွေ အနေ နဲ့ အလုပ်လုပ်ကိုင်တဲ့ နေရာတွေမှာ အဆင်မပြေမှုတွေ ဖြစ်လာနေသလို ဖုန်းအားသွင်းမယ့် အခက်အခဲတွေတောင် များစွာကြုံတွေ့ လာရတယ်လို့ နောက်ထက် မာန်အောင် ဒေသခံတစ်ဦးကပြောပါတယ်။
“အခုက မိတ္တူ၊ဖိတ်စာလုပ်တဲ့သူတွေရော တခြားလျှပ်စစ်မီးကို အားကိုးပြီး အလုပ်လုပ်နေတဲ့သူတွေ အကုန် ခက်ခဲကုန်တယ်။ဖုန်းအားတွေတောင်သွင်းဖို့ တော်တော် ခက်ခဲနေတယ်။အရင်တုန်းက မီးမလာရင် ကိုယ့်ဘာကို စက်နိုးပြီး အလုပ်လုပ်လို့ ရတယ်။အခုက စက်သုံးဆီလည်း ဝယ်မရတော့ စက်နိုးလုပ်ဖို့ ကလည်း မဖြစ်နိုင်တော့ စီးပွါားရေး လုပ်ငန်းတွေက အကုန် အဆင်မပြေ ဖြစ်ကုန်တယ် ။ ၄ ရက်မှာ တစ်နာရီပေးတာက ကလေးကစားသလို ဖြစ်နေတယ်လို့”သူကပြောပါတယ်။မာန်အောင်မြို့နယ်ဟာ လက်ရှိ စစ်ရေး ပိဋိပက္ခအခြေအနေထဲမှာ မပါဝင်သေးပဲ အေးဆေးတည်ငြိမ်စွာ ရှိနေပေမယ့် ရခိုင်တကျော့ပြန်တိုက်ပွဲ စတင်ချိန်ကတည်းကပင် စစ်ကောင်စီက လမ်းပန်းဆက်သွယ်ရေး ၊စားနပ်ရိက္ခာသယ်ယူရေး နဲ့ ဆေးဝါးသယ်ယူခွင့် အပါအဝင် အစစ အရာရာကို ပိတ်ပင်ခံထားရတာကြောင့် ကုန်ဈေးနူန်းအဆမတန်မြင့်တက်မှုဒဏ်တွေကို ရင်ဆိုင်ခံစားနေရတဲ့ မြို့နယ်တစ်ခုလည်း ဖြစ်ပါတယ်။
