Breaking News
ကျိန္တလီမှာ တပ်စွဲနေထိုင်ကြတဲ့ စစ်ကောင်စီတပ်တွေဟာ ဒီနေ့ ညနေမှာ ဂွမြို့နယ်ထဲကို စခန်းစွန့်ခွါ ထွက်ပြေးသွားကြပြီး ဖြစ်တယ်လို့ ကျိန္တလီမြို့ ဒေသခံ သတင်း အရင်းအမြစ်တွေက ပြောပါတယ်။
ကျိန္တလီမြို့နယ် အတွင်းမှာ စစ်ကောင်စီတပ်တွေ နဲ့ အာရက္ခတပ်တော် အေအေတို့ဟာ ပြီးခဲ့တဲ့ သြဂုတ်လ ၁၀ ရက်နေ့ ကတည်းကပင် ချင်းကွင်းကျေးရွာ အနီးမှာ နှစ်ဖက်တိုက်ပွဲစတင်ဖြစ်ပွါးခဲ့တာဖြစ်ပြီးနောက် သြဂုတ်လ ၁၁ ရက်နေ့ ကနေ ၁၃ ရက်နေ့ အထိနှစ်ဖက်တိုက်ပွဲတွေ ဖြစ်ပွါးခဲ့တာလည်း ဖြစ်ပါတယ်။
အဲဒီနောက် ဒီနေ့ ညနေ မှာ မသေဘဲ အသက်ရှင်ကျန်ရစ်ခဲ့ကြတဲ့ စစ်ကောင်စီတပ်တွေဟာ ကျိန္တလီမြို့တွင်းက တပ်စခန်းတွေကိုစွန့်ခွါကာ ဂွမြို့နယ် အ တွင်းကို ထွက်ပြေးသွားကြတာ ဖြစ်တယ်လို့ ကျိန္တလီ ဒေသခံ တစ်ဦးက အတည်ပြုပြောပါတယ်။
“စစ်ကောင်စီတပ်တွေ အကုန်လုံးကိုတော့ တပ်ဆုတ်သွားကြပြီး မြို့တွင်းမှာ မရှိတော့ဘူး။ဒီနေ့ ညနေမှာပဲ အကုန်ပြေးသွားတာ။ကားတွေ နဲ့ ပြေးကြတာ ဖြစ်တယ်။တပ်ဆုတ်လာတာက တိုက်ပွဲမှာ နည်းနည်းကျန်တဲ့ ကောင်တွေဖြစ်တယ်။ စစ်ကောင်စီဘက်က တော်တော်အကျအရှုံးများတယ်လို့” သူကပြောပါတယ်။အဲဒီ ကျိန္တလီမြို့က ထွက်ပြေးသွားကြတဲ့ စစ်ကောင်စီတပ်တွေ ကို အာရက္ခတပ်တော် အေအေက လိုက်လံရှင်းလင်းတာတွေ လုပ်ဆောင်နေပြီး လက်ရှိမှာ ကုလားပြင် တံတား အနီးမှာ ဆက်လက်တိုက်ပွဲ ဖြစ်နေကြတယ်လို့ လည်း အေအေ ရဲ့ခိုင်လုံတဲ့ သတင်းအရင်းအမြစ်ကပြောပါတယ်။
“အခု ကုလားပြင် တံတားအနီးမှာ တိုက်ပွဲတွေ ဖြစ်နေကြတယ်။စစ်ကောင်စီဘက်ကလည်း အဲဒီနားမှာ စစ်ရေး အတွက် ပြင်ဆင်ထားတော့နှစ်ဖက် ပြင်းပြင်းထန်ထန် ဖြစ်နေတယ်လို့ “ သူကပြောပါတယ်။အာရက္ခတပ်တော် အေအေ ဟာ သံတွဲမြို့ကို အပြီးသတ်သိမ်းပိုက်ပြီးနောက် ဂွမြို့နယ်အတွင်းက ကျိန္တလီမြို့ကို စတင်ဝင်ရောက် ထိုးစစ်ဆင် တိုက်ခိုက်နေတာလည်း ဖြစ်ပါတယ်။
