(သင်တန်းကျောင်း နဲ့ ကျောင်းတွင်းရှိ ပစ္စည်း အများအပြားပျက်စီး)
တောင်ကုတ်မြို့နယ် နဲ့ ၉ မိုင်းခန့် အကွာမှာ ရှိတဲ့ မိုးပညာဒါနသင်တန်းကျောင်းကို စစ်ကောင်စီက ဒီနေ့ မနက် ၃နာရီဝန်းကျင်မှာ လေကြောင်းကနေ ဗုံးကြဲတိုက်ခိုက်တာကိုလုပ်ဆောင်ခဲ့တယ်လို့ ကျောင်းတာဝန်ရှိသူတွေဆီက သိရပါတယ်။
စစ်ကောင်စီက အခုလိုလေကြောင်းတိုက်ခိုက်ခဲ့တာကြောင့်သင်တန်းကျောင်ဆောင် နဲ့ ကျောင်းသူကျောင်းသားတွေ အတွက် လှူဒါန်းထားတဲ့ ကွန်ပျူတာ အမပါအဝင် တစ်ခြားသင်ထောက်ကူ ပစ္စည်း အများအပြားဟာလည်း ပျက်စီးသွားခဲ့ရတယ်လို့ အဲဒီသင်တန်းကျောင်းကို တည်ထောင်ထားတဲ့ ဆရာတော်က မိန့်တော်မှုပါတယ်။
“လူထိခိုက်တာတော့ မရှိဘူး။ကျောင်းဆောင်တွေ အကုန်ပျက်စီးသွားတယ်။ကွန်ပျူတာတွေ ကျောင်းသုံးပစ္စည်းတွေ အကုန်ပါသွားတယ်။မနက် ၃ နာရီကျော်လောက်မှာ လာကြဲသွားတာ။ကျောင်းကို ရည်ရွယ်ချက် ရှိရှိ နဲ့ လာကြဲသွားခဲ့တာ။လူထိခိုက်တာတွေမရှိဘူး။ဆရာတော် အထင်ကတော့ ကျောင်းမှာ အေအေ တပ်တွေရှိတယ်ဆိုတဲ့ ရည်ရွယ်ချက်နဲ့ လာတိုက်ခိုက်တာလို့ ထင်တယ် လို့”ဆရာတော်က မိန့်တော်မှုပါတယ်။
အဲဒီမိုးပညာဒါန သင်တန်းကျောင်းဟာ ၂၀၂၁ခုနှစ် ဧပြီလ အတွင်းမှာ စတင်တည်ထောင်ကာ ရခိုင်ပြည်အတွင်းက မရှိဆင်းရဲသား ကလေးငယ်တွေကို အသက်မွေးဝမ်းကြောင်းဆိုင်ရာ ပညာရပ်တွေ နဲ့ အင်္ဂလိပ်စာ၊ကွန်ပျူတာ စတဲ့ သင်တန်းတွေကို အခမဲ့ ပညာသင်ကြားပေးနေတဲ့ ကျောင်း တစ်ကြောင်းလည်း ဖြစ်ပါတယ်။
အခုအခါ စစ်ကောင်စီက အပြစ်မရှိတဲ့ သင်တန်းကျောင်းကို လာရောက်ဗုံးကြဲတိုက်ခိုက်ခဲ့တာကြောင့် သင်တန်းကျောင်း နဲ့ ကျောင်းသူကျောင်းသားတွေအတွက် လှူဒါန်းထားတဲ့ ပစ္စည်းတွေ ပျက်စီးသွားခဲ့ရတဲ့ အပေါ် အထူးစိတ်မကောင်းဖြစ်မိတယ်လို့လည်း ဆရာတော်က ထပ်မံမိန့်တော်မှုပါတယ်။
“အခုလို မရှိဆင်းရဲသားတွေ အတွက်ပညာသင်ကြားနိုင်ဖို့ လှူဒါန်းထားတဲ့ ကျောင်းဆောင် နဲ့ ကွန်ပျူတာ ကျောင်းအသုံးအဆောင် ပစ္စည်းတွေ အကုန်ပါသွားတော့ တကယ်စိတ်မကောင်းဖြစ်မိတယ်။ဒီသင်တန်းကျောင်း ဖြစ်ဖို့က ၇ ရက်သားသမီးတွေ ရဲ့ လှူဒါန်းတဲ့ အလှူငွေလည်း နဲ့ တည်ဆောက်ထားတာ။အဲဒါကို လာပြီးတော့ ဖျက်ဆီးခံလိုက်ရတော့ တကယ် စိတ်မကောင်းဖြစ်ရတယ်လို့” ဆရာတော်က ပြောပါတယ်။
စစ်ကောင်စီက အခုလို သင်တန်းကျောင်းကို လာရောက်တိုက်ခိုက်တာဟာ အာရက္ခတပ်တော် အေအေ ရှိနေတယ်လို့ စစ်ကောင်စီကို သတင်းပေးတာကြောင့် လာရောက်တိုက်ခိုက်ခဲ့တာလည်း ဖြစ်နိုင်တယ်လို့ တောင်ကုတ်ဒေသခံ တွေကသုံးသပ်ပြောဆိုမှုတွေလည်း ရှိနေကြပါတယ်။
စစ်ကောင်စီတပ်တွေ နဲ့ အာရက္ခတပ်တော် အေအေ တို့ဟာ တောင်ကုတ်မြို့နယ် အတွင်းမှာ ပြီးခဲ့တဲ့ ဇွန်လ အတွင်းက နှစ်ဖက်တိုက်ပွဲတွေ ဖြစ်ပွါးခဲ့တာ အနည်းငယ် ရှိပြီးနောက် နှစ်ဖက် စစ်ရေးတင်မာမှုတွေလည်း ရှိနေတဲ့မြို့နယ် တစ်ခုလည်း ဖြစ်ပါတယ်။
စစ်ကောင်စီကလည်း နှစ်ဖက်စစ်ရေးတင်မာနေချိန်မှာ တောင်ကုတ်မြို့နယ် အတွင်းက ကျေးရွာတွေကို လေကြောင်းတိုက်ခိုက်တာ လက်နက်ကြီးပစ်ခတ်တာ စတာတွေကို မကြာခဏဆိုသလို လုပ်ဆောင်နေတာကြောင့် ဒေသခံ ပြည်သူတွေလည်း အသက်သေဆုံးရတာတွေ ရှိနေရပါတယ်။
