ကျိန္တလီမြို့ နဲ့ ၂ မိုင်ခန့် အကွာမှာ ရှိတဲ့ ကျောက်ပါးစပ်ကျေးရွာ အနီးမှာ အာရက္ခတပ်တော် အေအေ နဲ့ စစ်ကောင်စီတပ်တော့ဟာ နှစ်ဖက်တိုက်ပွဲတွေ အပြင်း အထန် ဖြစ်ပွါးနေတာရှိပြီး စစ်ကောင်စီက လေကြောင်း ၊ရေကြောင်း နဲ့ လက်နက်ကြီးပစ်ကူတွေ အပြင်းအထန်ပေးတိုက်ခိုက်နေတယ်လို့ ကျိန္တလီမြို့ ခိုင်လုံတဲ့ သတင်း အရင်းအမြစ်က ပြောပါတယ်။
အဲဒီကျေးရွာ အနီးမှာ စစ်ကောင်စီတပ်တွေ နဲ့ အာရက္ခတပ်တော် အေအေ တို့ဟာ ဒီနေ့မနက်ပိုင်းကတည်းကပင် စတင်တိုက်ပွဲဖြစ်ပွါးတာ ဖြစ်ပြီး စစ်ကောင် စီက ကြည်း၊ရေ၊လေ ခုခံစစ်တွေ နဲ့ အပြင်းအထန်ခုခံတိုက်ခိုက်နေတယ်လို့လည်းဆိုပါတယ်။
အဲဒီလို နှစ်ဖက်တိုက်ပွဲတွေ ပြင်းထန်နေတာကြောင့် ဒေသခံပြည်သူတွေဟာ ဘေးလွတ်ရာနေရာတွေကို ထွက်ပြေးတိမ်းရှောင်နေကြရပြီး စစ်ကောင်စီတပ်တွေ ပစ်ခတ်တဲ့ လက်နက်ကြီးကျည်တွေဟာ ကျေးရွာ အတွင်းကို ကျရောက်ပေါက်ကွဲကာနေအိမ်တွေ များစွာပျက်စီးတာတွေလည်း ရှိနေတယ်လို့ အဲဒီကျိန္တလီမြို့ခိုင်လုံတဲ့ သတင်းအရင်းအမြစ်ကပြောပါတယ်။.
“ကျောက်ပါးစပ်ရွာထဲ နဲ့ ရွာအနီးက တောင်ကုန်းပေါ်တွေမှာ စစ်ကောင်စီက တပ်တွေချပြီး ခုခံစစ်လုပ်ထားတဲ့ နေရာမှာ တိုက်ပွဲတွေ က အပြင်းအထန်ဖြစ် နေတာ။စစ်ကောင်စီက ကြည်း၊ရေ၊လေ လက်နက်ကြီးတွေ နဲ့ ဆက်တိုက်ပစ်နေတယ်။ရွာမှာလည်း နေအိမ်တွေကို လက်နက်ကြီးတွေ ကျတယ် ။ရွာသားတွေကတော့ တဝက်လောက်တော့ ထွက်လို့ ရလိုက်တယ် ကျန်တဲ့ လူတွေကတော့ ရွာမှာ ပိတ်မိနေတုန်းဖြစ်တယ်လို့” သူကပြောပါတယ်။အာရက္ခတပ်တော် အေအေဟာ ကျိန္တလီမြို့ကို စစ်ကောင်စီလက်ထဲကနေ တိုက်ခိုက်သိမ်းယူထိန်းချုပ်လိုက်ပြီးတဲ့ နောက်မှာ ဂွမြို့သွားရာ လမ်းတလျှောက်က စစ်ကောင်စီတပ်စခန်းတွေကို ဆက်လက်ထိုးစစ်ဆင်တိုက်ခိုက်လာနေတာလည်း ဖြစ်ပါတယ်။
အဲဒီကျောက်ပါးစပ် အနီးမှာ ဖြစ်ပွါးနေတဲ့ တိုက်ပွဲ ကို ကုလားပြင်(ရတာနာမြိုင်)ရဲစခန်းမှာ အထိုင်ချထားတဲ့ စစ်ကောင်စီတပ်တွေက လက်နက်ကြီး တွေ နဲ့ပစ်ကူပေးတာ ဒရုန်းတွေ လွတ်တာ စတာတွေကိုလည်း အဆက်မပြတ်လုပ်ဆောင်နေတယ်လို့ ကျိန္တလီဒေသခံ တစ်ဦးက ပြောပါ။
“ကုလားပြင်(ရတာနာမြိုင်)ရဲစခန်းကလည်း လက်နက်ကြီးပစ်ကူတွေဆက်တိုက်လုပ်နေတယ်။ဒရုန်းတွေ နဲ့လည်း ဆက်တိုက်လွတ်နေတာ ကြားနေရတယ်။လက်နက်ကြီး ပစ်ကူပေးတာတော့ ခဏခဏကြားနေရတယ်လို့”သူကပြောပါတယ်။စစ်ကောင်စီတပ်တွေဟာဂွမြို့နယ် အတွင်းကို အာရက္ခတပ်တော် အေအေနေနဲ့ အလွယ်တကူဝင်ရောက်တိုက်ခိုက်သိမ်းပိုက်တာ မလုပ်နိုင်ဖို့ အအတွက် ကျိန္တလီ နဲ့ဂွကို သွားရာ ကားလမ်းမတစ်လျှောက်က ရွာတွေ ဖြစ်ကြတဲ့ ကျောက်ဂူ ၊ ကျောက်ပါးစပ် ၊ ဆားချက် ၊ကိုင်းခုံ ၊ ကုလားပြင် စတဲ့ ကျေးရွာတွေမှာ ခံစစ်အနေအထား နဲ့ စစ်ကောင်စီက လက်နက်ကြီးတပ်ဆင်တာ၊စစ်အင်အားဖြည့်တင်းတာ စတာတွေကိုလည်း အဆက်မပြတ်လုပ်ဆောင်နေတာတွေ ရှိတယ်လို့ ဒေသသတင်းအရင်းအမြစ်တွေကပြောပါတယ်။
