စစ်ကောင်စီရဲ့ လူ့အခွင့်အရေးချိုးဖောက်မှုနဲ့ ဇာတ်သိမ်း

မြန်မာနိုင်ငံရဲ့ အဆိုးရွာဆုံးဘုံရန်သူအဖြစ် ပြည်သူတွေက သတ်မှတ်လိုက်ကြတဲ့ စစ်ကောင်စီဟာ အခု ဆိုရင် ပြည်နယ်နဲ့တိုင်းအသီးသီးမှာ ခွေးပြေးဝက်ပြေးထွက်ပြေးနေကြရသလို အလံဖြူထောင်ပြီး လက်နက်ချကြ တဲ့ တပ်တွေ ကလည်း မရေမတွက်နိုင်အောင်ဖြစ်လာခဲ့ပါတယ်။

ဒီဖြစ်ရပ်ဟာ မြန်မာစစ်ကောင်စီရဲ့ သမိုင်းတ လျှောက်မှာ အဆိုးရွားဆုံးနဲ့ ဂုဏ်သိက္ခာအဖတ်ဆယ်မရအောင် ဖြစ်ကြရတဲ့ အခြေအနေတွေဖြစ်ပါတယ်။ ဟိုစခန်းကျဆုံး၊ ဒီစခန်းလက်နက်ချ၊ ဘယ်စခန်းကဖြင့် ထွက်ပြေးဆိုတဲ့ ကျော်မကောင်းကြား မကောင်းတဲ့ ဖြစ်စဉ် တွေကို ပြည်သူတွေဟာ နေ့စဉ်ကြားသိနေကြရပြီဖြစ်တဲ့အတွက် လက်ခမောင်းခတ် ဝမ်းသာနေကြတဲ့ ပြည်သူတွေကလည်း တစ်နေ့ထက်တစ်နေ့ များပြားလာခဲ့ပြီဖြစ်ပါတယ်။

ဒါပေမဲ့ အတောမသတ်နိုင်တဲ့ မိစ္ဆရိယနတ်ဆိုးပူးနေတဲ့ စစ်ကောင်စီခေါင်းဆောင်တွေဟာ ရဲဘော်တွေ ရဲ့ အသက်ကို ပဓာနမထားဘဲ တက်ဟေ့၊ တိုက်ဟေ့၊ မတိုက်ရင် ပစ်သတ်မယ်၊ နောက်ဆုံး ဖမ်းဆီးထောင်ချ မယ်ဆိုတဲ့ လူသားမဆန်တဲ့ အမိန့်တွေနဲ့ တိုက်ပွဲတွေကို ဆင်နွှဲနေဆဲဖြစ်ပါတယ်။

ဒီလိုဆင်နွှဲနေရင်လည်း တိုက် ပွဲတွေဟာ တစ်ပွဲပြီးတစ်ပွဲ အကျအဆုံး၊ အထိအခိုက်၊ အသေအပျောက်တွေနဲ့ တပ်ဆုတ် နေရဆဲဖြစ်တယ်ဆို တာကို အားလုံး ကြားသိကြမြဲဖြစ်ပါတယ်။ ဗုဒ္ဓဘာသာတိုင်းပြည်ဖြစ်ပါလျက်ကယ်နဲ့ ဗုဒ္ဓဆင်းတု တော်တွေကို ဖြို ဖျက်၊ စေတီပုထိုးတွေကိုဖျက်စီး၊ ဘုန်းတော်ကြီးကျောင်းတွေကို ဖျက်စီးတဲ့အပြင် နိုင်ငံတော်အဆင့် ဘုန်းတော် ကြီးတွေကို သေနပ်နဲ့ပစ်သတ်တဲ့ အလုပ်ကိုတောင် လုပ်ဆောင်လာတာဟာ စစ်ကောင်စီရဲ့ ကျဆုံးခန်း လုပ် ရပ် တွေသာဖြစ်တယ်ဆိုတာတာ ယုံမှားသံသယဖြစ်စရာမလိုတော့ပါဘူး။

ဒီလိုအရှုံးနဲ့ရင်ဆိုင်လာရတဲ့အတွက် စစ်ကောင်စီဟာ ကျေးရွာတွေကို မီးရှို့၊ ရွာသားတွေကို ဖမ်းဆီး ရိုက် နှက်သတ်ဖြတ်တဲ့ လူသားချင်းစာနာမှုကင်းတဲ့ လုပ်ရပ်တွေကို လုပ်ဆောင်လာခဲ့တာဟာ အခုဆိုရင် ကမ္ဘာကတောင် သိလာခဲ့ပြီဖြစ်ပါတယ်။ စစ်တွေမြို့က ဗျိုင်းဖြူရွာအပါအဝင် တခြားတခြားသော နေရာဒေသ မြောက်များစွာမှာရှိတဲ့ စစ်ကောင်စီဟာ ဥပဒေ မဲ့လုပ်ရပ်တွေ၊ လူ့အခွင့်အရေးချိုးဖောက်မှုတွေကို လုပ်ဆောင်ခဲ့တာဟာ အများအသိ၊ အများအမြင်ပဲဖြစ်ပါတယ်။

ဗျိုးဖြူရွားသားတွေကို အကြောင်းမဲ့ သတ်ပစ်တဲ့အပြင် ရွာသား ၈၀ ကျော်ကို ထပ်မံပြီးဖမ်းဆီးထောင်ချလိုက်တာဟာလည်း လူ့အခွင့်အရေးချိုးဖောက်မှုတစ်ရပ်သာဖြစ်ပါတယ်။

ဘယ်လောက်ပဲပြည်သူတွေကို နှိပ်စက်အနိုင်ကျင့်ပါစေ ပြည်သူ့လက်နက်ကိုင်တော်လှန်ရေးတပ်ဖွဲ့ တွေကတော့ ဒီနေ့အ ချိန်မှာ အောင်လံထူနေပြီဖြစ်တယ်။ နေ့စဉ်နေ့တိုင်း နိုင်ငံတစ်ဝှမ်းက တော်လှန်ရေး ရဲ ဖော်တွေရဲ့ တိုက်ခိုက်မှု တွေကြောင့် စစ်ကောင်စီတပ်သားတွေ အမြောက်အများနေ့စဉ်သေဆုံးနေကြရပါတယ်။

ဒါ ဟာ စစ်ကောင်စီရဲ့ အဆုံးမဲ့ အရှုံးတွေသာဖြစ်တယ်။ အမှန်တရားဘက်မှာ ပြည်သူတွေရှိတယ်။ သမာဒေဝ နတ်ကောင်န တ်မြတ်တွေရှိတယ်။ တော်လှန်ရေးရေးဘော်တွေရှိတယ်။ စစ်ကောင်စီမင်းအောင်လှိုင်နဲ့ အပေါင်း အပါတွေအနေနဲ့ နေ့စဉ် နေ့တိုင်းယတ္တရာတွေလုပ်ဆောင်နေပေမဲ့ နေ့စဉ်နေ့တိုင်း ရဲဘော်တွေ အသေဆိုးနဲ့ သေ ဆုံးနေကြရတာကို ပြည်သူတွေ မြင်တွေ့နေကြရပြီဖြစ်ပါတယ်။

ဒီကြားထဲ သောက်ရှက်ကွဲခဲ့ရတဲ့ ဖြစ်ရပ်ကတော့ ရခိုင်ပြည်နယ်၊ မောင်တောက WFP ဂိုဒေါင်ကို ဖောက် ထွင်းပြီး ဆန်အိတ်တွေခိုးယူတဲ့လုပ်ရပ်ဖြစ်တယ်။ စစ်ကောင်စီရဲ့ တပ်သားတွေခိုးယူတဲ့ ဆန်အိတ်တွေကိစ္စကို အစပိုင်းက အာရက္ခတပ်တော်ကို ယိုးမယ် ဖွဲ့ဖို့ပြင်ဆင် နေတုန်းမှာဘဲ တပ်တော်က ဗွီဒီယိုဖိုင်တင်လိုက်တဲ့အတွက် နောက်ဆုံးမှာ တိုင်းသိပြည်သိ ဝန်ခံလိုက်ရပါတော့တယ်။ WFP ဆန်နဲ့ ဘင်္ဂါလီ တွေကို စည်းရုံးသိမ်းသွင်းပြီး AA ကို တိုက်ခိုက်ဖို့ ဖိအားပေးတယ်။ ဒီလုပ်ရပ်တွေဟာ အရှက်မဲ့တဲ့လုပ်ရပ်တွေ ဖြစ်တယ်။

ဒီလိုခိုးဆိုးလုယက်နေတဲ့ စစ်ကောင်စီရဲ့ တပ်သားတွေဟာ လက်ရှိမှာလည်း လူတွေကို နှင်ထုတ်ပြီး နေအိမ်တွေကို ဝင်ရောက်ရှာဖွေခိုးယူနေမှုတွေ နိုင်ငံအနှံ့မှာလုပ်ဆောင်နေတာကို တွေ့မြင်နေကြရပြီဖြစ်ပါ တယ်။ ရခိုင်ပြည်နယ် ပေါက်တောမြို့မှာဆိုရင် ရွှေဆိုင်တွေက ရွှေတွေ အမြောက်အများခိုးယူသွားခဲ့ကြတယ် ဆိုတာကိုလည်း ဒေသခံတွေ အားလုံး သိရှိထားပါတယ်။ ဒါကေတော့ စစ်ကောင်စီတပ်သားတွေရဲ့ လုပ်ရပ်။

လက်ရှိနိုင်ငံရေးအခြေအနေ၊ စစ်ရေးအခြေအနေကို ကြည့်မယ်ဆိုရင် ပြည်သူ့ရဲဘော်တွေဟာ တိုက်စစ် ကို အပီအပြင် လုပ်ဆောင်နေကြပြီဖြစ်တယ်။ ရှမ်းမှာလည်းရှမ်းအလျောက်၊ ရခိုင်မှာလည်းရခိုင်အလျောက်၊ ကရင်မှာလည်း ကရင်အေ လျာက်၊ တခြားPDF တပ်တွေအနေနဲ့လည်း လက်နက်ကိုင်တော်လှန်ရေးမှာ အောင် ပန်းဆွတ်ခူးနေကြပြီဖြစ်ပါတယ်။ ဒါပေမဲ့ လူ့အခွင့်အရေးကို ကိုအော်နေကြတဲ့ လူ့အခွင့်အရေးသမားတွေက တော့ ဘင်္ဂါလီမွတ်ဆလင်တွေကို မထိသမျှ လူ့အခွင့် အရေးမအော်ကြပါဘူး။ ပြည်တွင်းဖြစ်စဉ်အတော်များများမှာ လူ့အခွင့် အရေးချိုး ဖောက်မှု တွေတွေ့နေမြင် နေကြပေမဲ့ ထုတ်ဖော်ပြောဆိုသံတွေထွက်မလာခဲ့ပါဘူး။

မောင်တောကိုထိ မယ်ဆိုတဲ့အချိန်ကျမှ ငြိမ်းချမ်းရေးလုပ်လိုသူတွေနဲ့၊ တိုက်ပွဲရပ်ဖို့ပြောတဲ့သူတွေနဲ့ ဖြစ်လာတော့တယ်။ ဘာဖြစ် လိုလဲဆိုရင် မောင်တောဟာ ဘင်္ဂါလားဒေ့ရှ်နဲ့ နယ်စပ်ချင်းထိစပ်နေပြီး ဘင်္ဂါလီမွတ်ဆလင်တွေရဲ့ ဝင်ပေါက်ဖြစ်နေလို့ဖြစ်တယ်။

မောင်တောကို မသိမ်းခင်မှာဘဲ ဘင်္ဂါလားဒေ့ရှ်ဘက်က ထွက်လာတဲ့ အသံတွေဟာ စိတ်ဝင်စားဖို့ ကောင်းလာတယ်။ သူတို့ဘက်က နယ်စပ်ကုန်သွယ်ရေးကိစ္စနဲ့ ပတ်သက်ပြီး အာရက္ခတပ်တော်နဲ့ ပူးပေါင်းသင့် တဲ့အချိန်ကျရင် ပူးပေါင်း ကောင်းပူးပေါင်းနိုင်တယ်ဆိုတာရယ်၊ ဘင်္ဂါလီ မွတ်ဆလင်ေတွေရခိုင်ကိုပို့ပေးအရေးကို စိတ်ပူနေကြ တာကို တွေ့ရတယ်။

တကယ်တော့ ဒါဟာ စစ်ကောင်စီရဲ့ ကစားကွက်ထဲက တစ်ခုသာဖြစ်ပြီး အဲဒီဘင်္ဂါလီ မွတ်ဆလင်တွေ ကလည်း ရခိုင်မှာလာနေမယ်လို့ ပြောဆိုဖို့ဆန္ဒရှိတော့မယ် မထင်တော့ပါဘူး။ သူတို့က တခြားတိုင်းနဲ့ပြည်နယ် တွေကိုလည်း ဝင်ရောက်ချင်သလို အထူးသဖြင့် ရန်ကုန်တိုင်းထဲကို ဝင်ရောက်ချင်နေတာဖြစ်ပါတယ်။

စစ်ကောင်စီရဲ့ လူသတ်ဂိမ်းကြီးအကြောင်းကို ဆက်ပြောရမယ်ဆိုရင် လက်ရှိမှာ ကျေးလက်တွေက ဆုတ်ခွါလာပြီး မြို့တွေကို အခြေကုတ်ယူလာခဲ့တာတွေ့ရပါတယ်။ တခြားတိုင်းနဲ့ပြည်နယ်တွေမှာလည်း ဒီလို လုပ်ရပ်မျိုးကို လုပ်ဆောင်လာသလို ရခိုင်ပြည်နယ်အတွင်းမှာ မြို့ပေါ်ကို အခြေကုတ်ပြီး ခံစစ်နဲ့တိုက်ခိုက်နေ တာကို တွေ့လာရတယ်။ ရခိုင်ပြည်နယ်အတွင်းမှာဆိုရင် မောင်တော၊ စစ်တွေနဲ့ သံတွဲမြို့တွေမှာ အခိုင်အမာ အခြေကုတ်ယူထားပြီး ခံစစ်နဲ့ ခုခံတိုက်ခိုက်ဖို့ ပြင်ဆင်နေသလို ကျောက်ဖြူ၊ မာန်အောင်၊ ဂွ၊ တောင်ကုတ်မြို့ တွေမှာလည်း ဒီလိုလုပ်လာဖို့ရှိပါတယ်။

ဒါပေမဲ့ ဘယ်လောက်ပဲ ခံစစ်ကို အားကောင်းအောင်ပြုလုပ်ထားပါစေ သွေးမနည်းတဲ့ အာရက္ခတပ်တော်ကတော့ ရခိုင်ပြည်နယ်အတွင်းမှ စစ်ကောင်စီတပ်တွေလုံးဝမရှိစေရဆိုတဲ့ မူနဲ့ တိုက်ထုတ်သွားမယ်လို့ အတိအလင်း ထုတ်ပြန်ထား တာကို တွေ့ရပါတယ်။ ဒီထုတ်ပြန်ချက်ဟာ စစ်ကောင်စီရဲ့ စခန်းတွေကို မီးခိုးထွက်စေတဲ့ ထုတ်ပြန်ချက်ဖြစ်တယ်ဆိုတာကို သိထားတဲ့အတွက် ပြည်သူတွေကို ဒုက္ခပေးပြီး ခြိမ်းခြောက်နေတာဖြစ်တယ်။

နောက်တစ်ခုက စစ်ကောင်စီရဲ့ လေကြောင်းပစ်ခတ်မှု၊ လက်နက်ကြီးပစ်ခတ်မှုတွေကြောင့် ဇွန်လ အတွင်းမှာဆိုရင် တစ်နိုင်ငံလုံးမှာ အရပ်သား ၉၆ ဦးအထိသေဆုံးခဲ့ပြီး အဲဒီအထဲ ရခိုင်မှာ ၃၈ ဦးသေဆုံးခဲ့တယ် လို့ သတင်း ထုတ်ပြန်ချက်တွေမှာ ဖော်ပြထားတာတွေ့ရှိရတယ်။

နောက်ပြီး ရခိုင်မှာဆိုရင် ခြောက်လအတွင်းမှာ အရပ်သား ၂၅၉ ဦးသေဆုံးခဲ့တယ်လို့လေည်း သိရှိရပါတယ်။ နိုင်ငံတစ်ဝှမ်းလုံးမှာဆိုရင် ၆ လ အတွင်းမှာ အမျိုးသား ၇၂၈ ဦးနဲ့ အမျိုးသမီး ၃၄၈ ဦးသေဆုံးခဲ့တယ်လို့လည်း AAPP ကဖော်ပြလိုက်ပါတယ်။ ဒီလိုသတ် ဖြတ်မှုတွေကို ဆက်တိုက်ကျူးလွန်လာတာဟာ လူသားမဆန်တဲ့ လုပ်ရပ်တွေ သာဖြစ်ပါတယ်။

ကဲ အခုဆိုရင် စိန်ခေါ်သံတွေထပ်ပြီး ထွက်လာခဲ့ပါတယ်။ အာရက္ခတပ်တော် AA ရဲ့ ထုတ်ပြန်ချက်ဟာ စစ်ကောင်စီ တပ်သားတွေအတွက် ပြင်ဆင်ခွင့်ပေးတာလား၊ သတ္တိရှိရှိ နဲ့တိုက်ပွဲဝင်မယ်လို့ပြောတာလားဆိုတာ စာဖတ်သူတွေ တွေးကြည့်ရင် သွားကြည့်စရာမလိုတဲ့လုပ်ရပ်ပဲဖြစ်ပါတယ်။ နဂိုစစ်ရေးရည်မှန်းချက်အတိုင်း ရခိုင့်မြေပေါ်မှ စစ်ကောင်စီ တပ်သားများ လုံးဝကင်းစင်သွားအောင် ဆက်လက်တိုက်ပွဲများဆင်နွှဲနေကြောင်းပဲ ဖြစ်ပါတယ်။

ဘယ်လောက်ထိသိမ်းဆည်းထားပြီးလဲ၊ဘယ်လောက်ထိ တိုက်ခိုက်ခဲ့ပြီလဲ၊ ဘယ်လောက်ထိ ဆက်တိုက်သွားမယ်ဆိုတာကို အတိအလင်းပြောထားတာတွေ့ရမှာဖြစ်ပါတယ်။လက်ရှိမှာ မောင်တောနဲ့ သံတွဲမြို့တွေမှာ တိုက်ပွဲပြင်းထန်နေတဲ့အကြောင်းတွေ၊ အမ်းကို ဝိုင်းထားတဲ့အကြောင်းတွေကို ထုတ်ပြန်ချက်မှာ တွေ့ရမှာဖြစ်ပါတယ်။

“အာရက္ခဒေသတစ်ခုလုံးအတွင်း၌ ဖက်ဆစ်စစ်ကောင်စီ၏တပ်များအားလုံး အနှေးနှင့်အမြန်ကင်းစင်ရမည်” ဆိုတဲ့ နဂိုစစ်ရေးရည်မှန်းချက်အတိုင်း မိမိတိုသိမ်းပိုက်ရန်ကျန်ရှိနေသေးသော ရန်သူ၏ တပ်ရင်း၊ ဗျူဟာ၊ စကခ (၅) ဌာနချုပ်၊ နခခ စခန်းများ၊ နပခဌာနချုပ်များအားလုံးကို အာရက္ခတပ်တော်မှ တစ်ခုပြီးတစ်ခု ဆက်လက် ထိုးစစ်ဆင်တို က်ခိုက်လျက်ရှိသည်။ ထိုကြောင့် အနောက်ပိုင်းတိုင်းစစ်ဌာနချုပ်တည်ရှိရာ အမ်းမြို့၊ ငပလီ ကမ်းခြေရှိရာ သံတွဲမြိုနှင့် နခခ(၂)၊ နခခ(၅) တည်ရှိရာ မောင်တောမြိုများ၌ တိုက်ပွဲများဆက် လက်ပြင်းထန်လျက်ရှိကြောင်းဖော်ပြခဲ့ပါတယ်။

နောက်ဆုံးမှာတော့ လူသတ်မုဒိန်းကျင့်နေတဲ့ စစ်ကောင်စီ မကောင်းဆိုးဝါးတွေဟာ မကြာခင်အချိန် အတောအတွင်းမှာ ဘယ်လိုမှာ ဇိန်ဝီခြွေဇာတ်သိမ်းသွားမလဲဆိုတာကို စစ်မြေပြင်တွေထဲက တိကျတဲ့ အဖြေပေး သေနပ်သံတွေအနဲ့အတူ ဆက်လက်ရှုစားကြပါစို့ ……..။

အောင်လူ – ရေးသည်။