စစ်ကောင်စီတပ်တွေဟာ ဘူးသီးတောင်မြို့အတွင်းက အပြစ်မဲ့အရပ်သားများစွာကို သတ်ဖြတ်ခဲ့တဲ့အပြင် အာဆာလက်နက်ကိုင်တပ်ဖွဲ့တွေနဲ့ ပူးပေါင်းကာ အာရက္ခတပ်တော် အေအေ ကိုတိုက်ခိုက်တာတွေလုပ်ဆောင်ခဲ့တယ်လို့ ဘူးသီးတောင်အခြေစိုက် စစ်ကောင်စီခြေမြန်တပ်ရင်း ခမရ (၃၅၃) တပ်လရင်းမှူးက ဝန်ခံပြောဆိုလာခဲ့ပါတယ်။
အဲဒီ တပ်ရင်းမှူး ဗိုလ်မှူးလှိုင်ဝင်းထွန်းကို အာရက္ခတပ်တော် အေအေက အရှင်ဖမ်းဆီးရမိခဲ့တာဖြစ်ပြီး ဘူးသီးတောင်မြို့တွင်း ဖြစ်စဥ် နဲ့ပတ်သက်ပြနိုင်ငံခြားသတင်းဌာနတစ်ခုဖြစ်တဲ့ The Diplomat သတင်းဌာနရဲ့ တွေ့ ဆုံ မေးမြန်မှုမှာ အခုလိုဝန်ခံပြောဆိုခဲ့တာဖြစ်ပါတယ်။
“အပြစ်မဲ့ပြည်သူတွေ အမြောက်အများကို သတ်ဖြတ်ခဲ့တာမှန်ပါတယ်။ အဲဒါကလည်း AA ကိုခုခံဖို့အတွက် လုပ်ခဲ့တာပါ။ ပြီးတော့ ဘူးသီးတောင်မြို့က လူနေအိမ်တွေကိုလည်း အာဆာအဖွဲ့နဲ့ပူးပေါင်းပြီး မီးရှိုှု့ခဲ့တာမှန်ပါတယ်။ ပထမတော့ ကုလားတွေပေါ့၊ (မွတ်ဆလင်)တွေကို စည်းရုံးပြီးသင်တန်းပေးထားတာရှိခဲ့တယ်။ စုစုပေါင်းက ၇၅၀ ကျော်ရှိတယ်။ ဒီလိုသင်တန်းပေးပြီးတော့မှ မွတ်ဆလင်တွေကို အာဆာ(ARSA)နဲ့ပူးပေါင်းပြီး AA ကို ခုခံဖို့လုပ်ခဲ့တာပါ။ မီးရှို့ဖို့အမိန့်ပေးတာကတော့ စစ်ကောင်စီအရာရှိ တင်မိုးအောင်နှင့် စရဖဗိုလ်ကြီး ခိုင်မင်းဇော်တို့ပဲဖြစ်တယ်။ ”လို့ ဗိုလ်မှူးလှိုင်ဝင်းထွန်းက ပြောပါတယ်။တိုက်ပွဲမဖြစ်ပွားခင်ကတည်းကပင် စစ်ကောင်စီဟာမွတ်ဆလင်တွေကို စစ်သင်တန်းပေးကာ လက်နက်တပ်ဆင်ပေးခဲ့ပြီး ဘူးသီးတောင် မြို့ပတ် လည်မှာ စတင်လှုပ်ရှားမှုတွေပြုလုပ်စေခဲ့တယ်လို့လည်းဆိုထားပါတယ်။
အဲဒါတွေအပြင် ဘူးသီးတောင်မြို့အတွင်းက ဒေသခံတွေ ရဲ့နေအိမ်တွေကို မီးရှို့တာ ပစ္စည်းတွေကို ဖောက်ထွင်းခိုးယူတာ စတာတွေကိုလည်း လုပ်ဆောင် ခဲ့တယ်လို့ ဆိုပါတယ်။
"ဘူးသီးတောင်မြို့ ပတ်ဝန်းကျင်မှာ ရှိတဲ့ ကျေးရွာတွေက ရခိုင်လူမျိုးတွေ၊ မွတ်စလင်၊ ဟိန္ဒူလူမျိုးတွေကို စရဖအဖွဲ့တွေက အာရက္ခတပ်တော်နဲ့ ပက်သက်ဆက်နွယ်တယ်ဆိုပြီးတော့မှ ဖမ်းဆီးခေါ်ဆောင်ပြီး မေးမြန်းပြီး နှိပ်စက်ရိုက်နှက်တာတွေရှိတယ်။ အဲ့ဒီအခြေအနေပေါ်မှာ သေဆုံးသွားရတာတွေ၊ အသတ်ခံရတာတွေရှိတယ်လို့လည်း ကျနော်အနေနဲ့ သိရှိရပါတယ်။ အဲ့ကိစ္စတွေကိုတော့ စရဖအဖွဲ့က ဗိုလ်ကြီး ခိုင်မင်းဇော်တို့ ဦးစီးပြီးတော့မှ ဆောင် ရွက်တာပါ။ ကျွန်တော်တို့ ကွပ်ကဲမှုက မတူပါဘူး"လို့ သူကပြောဆိုပါတယ်။ဘူးသီးတောင် မြို့သိမ်းတိုက်ပွဲအတွင်းမှာ လူနေအိမ် ၂၈၇၂ လုံးဖျက်ဆီးခံခဲ့ရပြီး၊ ဘုန်းတော်ကြီးကျောင်း ၁၂ ကျောင်း၊ ဗလီတစ်လုံး၊ ဟိန္ဒူဘုရားကျောင်း ၂ ကျောင်းနဲ့ ခရစ်ယာန်ဘုရားကျောင်း ၂ ကျောင်း ပျက်စီး ခံခဲ့ရတယ်လို့ သိရပါတယ်။
ဒါ့အပြင် ဘူးသီးတောင်မြို့ကို အာရက္ခတပ်တော် အေအေက အပြီးသတ်သိမ်းပိုက်ချိန်မှာ ARSA အဖွဲ့ခေါင်းဆောင်နေထိုင်ခဲ့တဲ့ နေအိမ်အတွင်းက အရပ်သားပြည်သူတွေရဲ့ နေအိမ်အတွင်းက ဖောက်ထွင်းခိုးယူထားတဲ့ ပစ္စည်းအမြောက်အများကိုလည်း သိမ်းဆည်းရမိခဲ့တယ်လို့ အေအေ ကထုတ်ပြန်ပြောဆိုခဲ့တာလည်းရှိခဲ့ပါတယ်။
လက်ရှိမှာလည်း အာရက္ခတပ်တော် အေအေဟာမောင်တောမြို့ကိုအပြီး သတ် သိမ်းပိုက်နိုင်ဖို့အတွက် စစ်ကောင်စီတပ်တွေ နဲ့ အပေါင်းအပါတွေ ဖြစ်ကြတဲ့ မွတ်ဆလင် လက်နက်ကိုင်တွေ အပါအဝင် ARSA၊ARA၊RSO စတဲ့ အဖွဲ့တွေကို တိုက်ခိုက် ချေမှုန်းနေတာတွေလည်းရှိနေတယ်လို့ အေအေ ကထုတ်ပြန်ပြောဆိုထားပါတယ်။
