အာရက္ခတပ်တော်အေအေ အနေ နဲ့ ကျိန္တလီမြို့သိမ်းတိုက်ပွဲကို ဆင်နွဲနေသလို သံတွဲနဲ့ ကပ်လျက်မှာရှိတဲ့ မောင်ရွှေလေး နဲ့ကွင်းဝိုင်းရေတပ်စခန်းကိုပါ ဆက်လက်ထိုးစစ်ဆင်တိုက်ခိုက်နေတယ်လို့ မနေ့က သြဂုတ်လ ၂၄ ရက်နေ့မှာ အေအေက သတင်းထုတ်ပြန်ပြောဆိုလာခဲ့ပါတယ်။
အာရက္ခတပ်တော် အေအေဟာ သံတွဲမြို့က စစ်ကောင်စီတပ်စခန်းအားလုံးကို သိမ်းပိုက်ထားနိုင်ပြီးဖြစ်သလို ငပလီ (မဇင်လေဆိပ်) နဲ့ သံတွဲဟိုတယ်ဇုန်အပါအဝင် နေရာအများစုကိုလည်း အာရက္ခတပ်တော် အေအေ က ဇူလိုင် (၁၆) ရက်နေ့၊ ညနေမှာ အပြီးသတ် သိမ်းပိုက်ထားခဲ့ပြီး ဖြစ်ပါတယ်။
အဲဒီနောက် သံတွဲမြို့ နဲ့ကပ်လျက်မှာရှိတဲ့ စစ်ကောင်စီရေတပ်စခန်းတွေ ဖြစ်တဲ့ မောင်ရွှေလေး နဲ့ကွင်းဝိုင်းရေးတပ်စခန်း တွေကို အပြီးသတ်သိမ်းပိုက် ရရှိနိုင်ဖို့ ထိုးစစ်ဆင်တိုက်ခိုက်နေတာလည်း ဖြစ်ပါတယ်။
အဲဒီလိုဘဲ အာရက္ခတပ်တော်ဟာ ဂွမြို့နယ်အတွင်းက ကျိန္တလီမြို့ကို သြဂုတ်လ ၁၀ ရက်နေ့မှာ စတင်ထိုးစစ်ဆင်တိုက်ခိုက် ခဲ့ပြီးနောက် ကျိန္တလီမြို့တွင်းမှာ တပ်စွဲနေထိုင်နေကြတဲ့ စစ်ကောင်စီတပ်တွေဟာ ကျိန္တလီမြို့တွင်းကနေ တပ်ဆုတ်ထွ က်ခွါကာ ဂွမြို့နယ်အတွင်းက ကုလားပြင်(ရတနာမြိုင်) နဲ့ တစ်ဖက်တစ်ကမ်းမှာ ရှိနေတဲ့ ကိုင်ခုံးကျေးရွာ အနီးမှာ နှစ်ဖက်တိုက်ပွဲတွေ အပြင်းအထန် ဖြစ်ပွါးနေတယ်လို့ ဒေသ သတင်းအရင်းအမြစ်တွေဆီက သိရပါတယ်။
စစ်ကောင်စီတပ်တွေကလည်း အဲဒီ ကျိန္တလီ၊ မောင်ရွှေလေး၊ ကွင်းဝိုင်းစတဲ့ စခန်းတွေ မကျရှုံးရအောင် ကြည်း၊ ရေ၊ လေ နဲ့ ပြန်လည် ခုခံတိုက်ခိုက်တာတွေ ရှိနေပြီး တိုက်ပွဲ ဖြစ်ပွါးမှုအခြေအနေတွေဟာလည်း တစ်ရက်ထက်တစ်ရက် ပိုမိုပြင်းထန် လာနေတာတွေရှိနေတယ်လို့ အေအေ က ထုတ်ပြန်ပြောဆိုထားပါတယ်။
တစ်ဖက်မှာလည်း အာရက္ခတပ်တော် အေအေ ဟာမောင်တောမြို့သိမ်းတိုက်ပွဲကို ဆင်နွဲနေပြီး မော်ငတောမြို့ကိုလည်း မကြာခင်အချိန်မှာ အပြီးသတ်သိမ်းပိုက်နိုင်တော့မှာ ဖြစ်တယ်လို့ပြောဆိုထားပါတယ်။
