ဒီနေ့ သြဂုတ်လ ၂၇ ရက်နေ့မနက်ပိုင်း ၁ နာရီ ၂၀ မိနစ်က သီးပေါမြို့ကို စစ်ကောင်စီက လေကြောင်းကနေ ဗုံးအလုံးရေ ၅၀ ကျော်ကြဲချတိုက်ခိုက်ခဲ့တာကြောင့် အရပ်သား ၂ ဦးသေဆုံးပြီ ၂ ဦးဒဏ်ရာရရှိခဲ့တယ်လို့ TNLAကသတင်းထုတ်ပြန်လာပါတယ်။
အဲဒီစစ်ကောင်စီလေကြောင်းတိုက်ခိုက်ခဲ့တဲ့ နေရာဟာ တအာင်းပြည်၊ တပ်မဟာ(၂)နယ်မြေ ဖြစ်ပြီး စစ်ကောင်စီကY-12 လေယာဥ်အပါအဝင် ဂျက်ဖိုက်တာနဲ့ပါ လာရောက်တိုက်ခိုက်တာတွေကို လုပ်ဆောင်ခဲ့တာ ဖြစ်တယ်လို့ဆိုပါတယ်။
အခုလို စစ်ကောင်စီက လေကြောင်းတိုက်ခိုက်တာကြောင့် သီပေါမြို့အုတ် ကျင်းရပ်ကွက် မှာရှိတဲ့အသက် (၆၀)အရွယ် ဦးဖိုးလူနဲ့ အသက်(၅၀)အရွယ် ဦးအောင်နိုင်တို့ (၂)ဦးမှာ ပွဲချင်းပြီး သေဆုံးခဲ့ရပြီး နောက်ထပ် ၂ ဦးမှာလ ည်းဒဏ်ရာအပြင်းအထန် ဒဏ်ရာ ရရှိသွားခဲ့တယ်လို့ဖော်ပြထားပါတယ်။
အဲဒါတွေအပြင် လေကြောင်းတိုက်ခိုက်မှုကြောင့် အုတ်ကျင်းရပ်ကွက်မှာရှိ တဲ့အ.မ.က(၃) စာသင်ကျောင်း(၁)ကျောင်း၊ အမှတ်(၃) အ.ထ.က စာသင် ကျောင်း (၁)ကျောင်း နဲ့ ပန်းတိမ်တောင်(မြောက်) ရပ်ကွက်အတွင်းကိုလည်း ဗုံးတွေ ကျရောက်ပေါက်ကွဲတာရှိသလို စာသင်ကျောင်း နဲ့ နေအိမ်တွေလည်းပျက်စီးခဲ့ရတယ်လို့ ဆိုပါတယ်။
သီပေါမြို့အတွင်းကို စစ်ကောင်စီက ဩဂုတ်လ (၁)ရက်နေ့ကပင် ဒီနေ့ သြဂုတ်လ (၂၇)ရက်နေ့ထိ လေကြောင်းတိုက်ခိုက်တာ နဲ့ လက်နက်ကြီး ပစ်ခတ်တိုက်ခိုက်တာတွေ လုပ်ဆောင်ခဲ့တဲ့အတွက် အရပ်သား (၂၁)ဦး သေဆုံးခဲ့ရပြီး ၅၉ ဦးထိ ဒဏ်ရာ ရရှိခဲ့တယ်လို့လည်းဆိုပါတယ်။
သေဆုံးသူ အရပ်သား (၂၁) ဦးထဲမှာလည်း အသက်မပြည့်သေးတဲ့ ကလေးငယ် ၁၀ ဦး ပါဝင်နေတယ်လို့ TNLA ထုတ်ပြန်ချက်အရ သိရပါတယ်။
ပုံ၊စာ၊TNLA
