သံတွဲမြို့ အနီးက စစ်ကောင်စီရေတပ်စခန်းတစ်ခုဖြစ်တဲ့ မောင်ရွှေလေးရေတပ်စခန်းကို ဒီနေ့ မနက်ပိုင်းမှာဘဲ လက်နက်ခဲယမ်းတွေ နဲ့ အတူ အာရက္ခတပ်တော် အေအေက အပြီးသတ်သိမ်းပိုက်လိုက်ပြီး ဖြစ်တယ်လို့ အေအေ ရဲ့ခိုင်လုံတဲ့ သတင်းအရင်းမြစ်က အတည်ပြုပြောပါတယ်။
အာရက္ခတပ်တော် အေအေဟာ သံတွဲမြို့ နဲ့ ငပလီမြို့ (မဇင်လေဆိပ်)ကို ပြီးခဲ့တဲ့ ဇူလိုင်လ ၁၆ ရက်နေ့မှာ အပြီးသတ် ထိန်းချုပ်သိမ်းပိုက်ပြီးနောက် နောက်ဆုံးလက်ကျန် စခန်းတစ်ခုဖြစ်တဲ့ မောင်ရွှေလေးရေတပ်စခန်းကို ဆက်လက်ထိုးစစ်ဆင်ဆင်တိုက်ခိုက်ရာ ဒီနေ့မနက်ပိုင်းမှာ မောင်ရွှေလေးရေတပ်စခန်းကို အာရက္ခတပ်တော် အေအေ ကအပြီးသတ်သိမ်းပိုက်နိုင်ခဲ့တာ ဖြစ်တယ်လို့ အေအေရဲ့ ခိုင်လုံတဲ သတင်းအရင်းမြစ် တစ်ဦးကပြောပါတယ်။
“ဒီရေတပ်ကို အေအေ ထိုးစစ်ဆင်တိုက်ခိုက်နေတာကတော့ ၁ လလောက်ရှိနေပြီး။သြဂုတ်လ ၂၅ ရက်နေ့မှာတော့ အေအေက ပိုပြီးတော့ အပြင်း အထန် ထိုးစစ်ဆင်တိုက်ခိုက်ခဲ့တယ်။အဲဒီနောက်ပိုင်း မနေ့ ညနေကတည်းကပင် စစ်ကောင်စီတပ်တွေက တပ်ဆုတ်ထွက်ပြေးကြတယ်။ဒီနေ့မနက်ပိုင်းမှာတော့ အပြီးသတ်သိမ်းပိုက်နိုင်ခဲ့တယ်။လက်နက်ခဲယမ်းတွေလည်း အမြောက်အများပါတယ်။လက်ရှိတော့ သိမ်းဆည်း ရမိတဲ့ လက် နက်ခဲယမ်းစာရင်းတွေကို ပြုစုနေကြတယ်လို့”သူကပြောပါတယ်။လက်ရှိမှာ တော့ ထွက်ပြေးနေတဲ့ စစ်ကောင်စီတပ်သားတွေကို အာရက္ခတပ်တော် အေအေ ကရှင်းလင်းရေးလုပ်ငန်းတွေကို ဆက်လက်လုပ်ဆောင်နေတာတွေ ရှိနေတယ်လို့ သူကပြောပါတယ်။
ဒေသအတွင်းမှာလည်း မောင်ရွှေလေးရေတပ်စခန်းကို အာရက္ခတပ်တော် အေအေ အနေနဲ့ သိမ်းပိုက်လိုက်ပြီးလို့ သတင်းတွေ ထွက်နေသလို ဒီနေ့ မနက်ပိုင်းကတည်းကပင် ပစ်ခတ်သံတွေလည်း ငြိမ်သက်သွားပြီး ဖြစ်တယ်လို့ ငပလီဒေသခံ တစ်ဦးကလည်း ပြောပါတယ်။
“ငပလီဒေသခံတစ်ဦးက ဒီနေ့တော့ ပစ်ခတ်သံတွေမကြားရတော့ဘူး။သိမ်းလိုက်ပြီလို့ သိရတယ်။အခုက ဘာလက်နက်သံတွေမှ မကြားရတော့ဘူးလို့ ” သူကပြောပါတယ်။စစ်ကောင်စီတပ်တွေဟာ အဲဒီတပ်စခန်းမကျရှုံးရအောင် ရေတပ်သင်္ဘော ၈ စီးနဲ့အတူ စစ်အင်အား အမြောက်အများနဲ့ ခုခံ တိုက်ခိုက်ခဲ့ပေမယ့် အေအေ ရဲ့ထိုးစစ်ကို မခံနိုင်ခဲ့တာကြောင့် အခုလို ရေတပ်စခန်းကို လက်လွတ်ဆုံးရှုံးခဲ့ရတာလည်း ဖြစ်ပါတယ်။
