ရခိုင်ပြည်အတွင်းမှာ သြဂုတ်လ ၁ ရက်နေ့ကပင် သြဂုတ်လ (၂၈) ရက်နေ့အထိ (၄)ပတ်ကြာ အတွင်းမှာ စစ်ကောင်စီတပ်တွေကြောင့် အရပ်သား (၁၉) ဦးသေဆုံးတာရှိခဲ့တယ်လို့ နိုင်ငံရေး အကျဉ်း သားများကူညီစောင့် ရှောက်ရေး အသင်း AAPP က သတင်း ထုတ်ပြန် လာပါတယ်။
အဲဒီသေဆုံးသူ (၁၉) ဦးထဲမှာ အမျိုးသမီး (၉)ဦး နဲ့ အမျိုးသား(၁၀) ဦးပါဝင်ပြီး အဲဒီထဲက (၁၁) ဦးမှာ စစ်ကောင်စီတပ်က လက်နက်ကြီး နဲ့ ပစ်ခတ်ခဲ့လို့ ပစ်ခတ်တိုက်ခိုက်ခဲ့တာကြောင့် တစ်နေရာတည်းမှာ အစုလိုက်အပြုံလိုက်သေဆုံးခဲ့တာ ဖြစ်ပါတယ်။
စစ်ကောင်စီတပ်တွေဟာ ပြီးခဲ့တဲ့ သြဂုတ်လ ၁၅ ရက်နေ့ နေ့လယ် (၁) နာရီအချိန်မှာ ကျိန္တလီမြို့ အမှတ် (၂)ရပ်ကွက်မှာ ရှိတဲ့ ခရစ်ယာန်ဘုရားကျောင်းကို လက်နက်ကြီး နဲ့ ပစ်ခတ်ခဲ့တာကြောင့် ဘုရားကျောင်းအတွင်းကို လက်နက်ကြီး ကျရောက်ပေါက်ကွဲကာ စစ်ဘေးရှောင် ၁၁ ဦးဟာ အစုလိုက်အပြုံလိုက်သေဆုံးခဲ့ရတာဖြစ်တယ်လို့ လည်းဆိုပါတယ်။
အဲဒီလို စစ်ကောင်စီက လက်နက်ကြီးနဲ့ ပစ်ခတ်ခဲ့လို့ သေဆုံးရသူ (၁၁) ဦးမှာ အသက် ၁၂ နှစ်အရွယ် မငြိမ်းရတီ၊အသက် ၁၅ နှစ်အရွယ် မောင်လှမင်းထွန်း အပါအဝင် မလှဆန်း၊ မဇင်မျိုးထွန်း၊ မခင်မိုးဝေ၊ ဒေါ်ညွန့်တင်၊ ဒေါ်လှလှဝင်း၊ ဒေါ်ကြူကြူဝင်း၊ ကိုပြည့်ဖြိုးအောင်၊ ကိုမင်းထွန်းသိန်း၊ ဦးကျော်စိန် တို့သည်ဖြစ်ကြတယ်လို့ AAPP ရဲ့ထုတ်ပြန်ချက်က ဆိုပါတယ်။
မြန်မာနိုင်ငံအတွင်းမှာ စစ်ကောင်စီအာဏာသိမ်းယူခဲ့တဲ့ ၂၀၂၁ ခုနှစ်၊ဖေဖော်ဝါရီလ ၁ ရက် နေ့ကတည်းကပင် ၂၀၂၄ ခုနှစ် သြဂုတ်လ ၂၈ ရက်နေ့အထိ အကြမ်းဖက်စစ်အုပ်စု နဲ့ စစ်ကောင်စီလက်ပါးစေတွေကြောင့် အတည်ပြုသေဆုံးသူ စုစုပေါင်းဟာ(၅၅၇၇) ဦး ရှိသလို အမည်အတည်ပြုနေဆဲ ဖြစ်တဲ့ သူဖြတ်ခံထားရတဲ့ ပြည်သူ (၂၃၀၀)ကျော် အထိ ရှိနေတယ် လို့ နိုင်ငံရေးအကျဉ်းသားများ ကူညီစောင့်ရှောက်ရေး အသင်း AAPP ရဲ့ ထုတ်ပြန်ချက် စာရင်းတွေ အရ သိရပါတယ်။
