တိုက်ပွဲတစ်စုံတရာဖြစ်ပွါးတာမရှိတဲ့ တအာင်းပြည်၊ တပ်မဟာ(၂)နယ်မြေ ကျောက်မဲမြို့ကို စစ်ကောင်စီက လေကြောင်းတို က်ခိုက်ခဲ့တာကြောင့်နေအိမ်တွေ ပျက်စီးခဲ့တယ်လို့ TNLA က သတင်းထုတ်ပြန်လာပါတယ်။
စစ်ကောင်စီတပ်တွေဟာယမန်နေ့ည (၁၁)နာရီခွဲအချိန်မှာ ဂျက်ဖိုက်တာ နဲ့ ကျောက်မဲမြိုနယ်၊ ရပ်ကွက်(၁)ရှိ ရဲစခန်း နဲ့ အုပ်ချုပ်ရေးရုံးအနီးကို လာရောက်ဗုံးကြဲတိုက်ခိုက်ခဲ့တယ်လို့ ဆိုပါတယ်။ အဲဒီ ဗုံးကြဲတိုက်ခိုင်တာခဲ့တာကြောင့် ရပ်ကွက်(၁)ရှိ (ဒေသအခေါ် )ပင်ပေါလေး နဲ့ အုတ်ကျင်းအတွင်းရှိ ဒေသခံနေအိမ်တချို့ ထိခိုက်ပျက်စီးခဲ့ ရတယ်လို့ ဆိုပါတယ်။
အဲဒီလိုဘဲ သြဂုတ်လ(၂၇)ရက်နေ့ ည(၁၁)နာရီခွဲအချိန်မှာလည်း ကျောက်မဲမြို အမှတ်(၉)ရပ်ကွက်ရှိ အမှတ်(၂) အခြေခံပညာအထက်တန်းကျောင်းကို စစ်ကောင်စီတပ်က ဂျက်ဖိုက်တာ နဲ့ ပေါင်(၅၀၀) ဗုံး ကြဲချတိုက်ခိုက်ခဲ့တာကြောင့် ဒေသခံအမျိုးသား(၁)ဦးသေဆုံးခဲ့ရပြီး (၂)ဦး ထိမှန်ဒဏ်ရာရတာ ရှိခဲ့တယ်လို့ ဆိုပါတယ်။
တိုင်းရင်းသားဒေသ အသီးသီးမှာ စစ်ရှုံးနေတဲ့ စစ်ကောင်စီဟာ သူတို့ လက်လွတ်ဆုံးရှုံးခဲ့ရတဲမြို့တွေက ပြည်သူလူထု နေထိုင်တဲ့ နေရာတွေကို လေကြောင်းက နေတဆင့် ဗုံးကြဲတိုက်ခိုက်တာတွေ လုပ်ဆောင်နေတာတွေ ကြောင့် အရပ်သားပြည်သူ ထိခိုက်သေဆုံးမှု နဲ့ ဒဏ်ရာရသူအများအပြားရှိသလို ဘုန်းကြီးကျောင်း၊ စာသင်ကျောင်း၊ ဘာသာရေး အဆောက်အဦး နဲ့ ဒေသခံနေအိမ် ထိခိုက်ပျက်စီးမှုလည်း အများအပြားရှိနေရပါတယ်။
