“ကျနော်တို့ ဖက်ကသေချာစဉ်းစားကြည့်ရင် ဒီနေမြေအရ ကျယ်ပြန့်လာတယ်ရန်သူကိုတော့ မောင်းထုတ်နိုင်တယ် ဆိုတဲ့ ဟာထက် အရေးကြီးတဲ့ အောင်မြင်မှု အာမခံချက်တွေကို ကျနော်တို့ဖက်က စဉ်စားဖို့ လိုတယ်။ဒါကြောင့် သူတို့ ဖက်ကို ကိုယ်ကတိုက်တဲ့အချိန်မှာ သူက မခံနိုင်လို့ နောက်ဆုတ်သွားပေမယ့် တစ်ချိန်ချိန်မှာ ပြင်ဆင်ပြီးတော့မှ ထိုးဖောက်ဝင် ရောက် လာတာလည်း ဖြစ်နိုင်တာပဲ။ဒါကြောင့် ယာယီအားဖြင့် နယ်မြေရရှိမှုတွေထက်ပိုပြီးမှသေချာတဲ့ အာမခံ ချက်ရေ အာင်လည်း စစ်ရေးအရရော နိုင်ငံရေးအရရောဆက်လက်လုပ်ဆောင်သွားဖို့ ရှိပါတယ်။မြန်မာနိုင်ငံ မှာကတော့ နိုင်ငံရေးအရ ဆွေးနွေးဖို့ ကြိုးစားခဲ့တာတွေလည်း အမျိုးမျိုးရှိခဲ့ပါတယ်။ဒါပေမယ့် စစ်ရေးအရ ဘာမှအားမရှိတဲ့ အချိန်မှာ နိုင်ငံရေးဆွေးနွေးမှုတွေလည်း ဘာမှ အဖြေမထွက်ခဲ့ပါဘူး။အခုကျနော်တို့ စစ်မြေပြင်မှာဖြေရှင်းဖို့ ကြိုးစားရင်းနဲ့ အဆုံသတ်မှာတော့ ဘာပဲဖြစ်ဖြစ် နိုင်ငံရေးအရ ပြောဆိုကြရမှာပါပဲ။အဲဒီပြောဆိုမှုတွေရဲ့ အဆုံးသတ်မှာ ဘယ်ပုံစံ နဲ့သေ ဘာတူညီမှု ရမလဲ ဆိုတာကပဲ ပိုပြီးသေချာတဲ့ အာမခံချက်ကို ပေးနိုင်မှာလို့ နားလည်တယ်လို့”အာရက္ခတပ်တော် အေအေ ရဲ့တပ်မှူးချုပ် ဗိုလ်ချုပ်ထွန်းမြတ်နိုင်က ဧရာဝတီ သတင်းဌာန နဲ့သီးသန့် အင်တာဗျူးမှာ ပြောဆိုသွားခဲ့တာ ဖြစ်ပါ တယ်။လက်ရှိမှာလည်း စစ်မြေပြင်အနေအထားတွေအရ အာရက္ခတပ်တော် အနေ နဲ့ အောင်မြေချဲ့လို့ ရနိုင်တဲ့ အရွှေ့ ဘက်မှာ ရှိနေတယ်လို့ လည်း ဆိုပါတယ်။ဒါ့အပြင် ရခိုင်တကျော့ပြန် တိုက်ပွဲ ၉ လကျော်အချိန်မှာတော့ ရခိုင်လူမျိုးတွေ လိုလားနေတဲ့ ရက္ခိတအိမ်မက်ဟာ တော်တော်လေးခရီးရောက်လာတဲ့ အနေအထားမှာ ရှိနေသလို စိန်ခေါ်မှုတွေ များစွာ နဲ့လည်းရင်ဆိုင်နေရတယ်လို့ တပ်မှူးချုပ်က ဆက်လက်ပြောဆိုပါတယ်။
”ကျနော်တို့ ပြောနေတဲ့ ရက္ခိတအိမ်မကတော့ တော်တော်လေးတော့ ခရီးရောက်လာခဲ့ပါပြီ စိန်ခေါ်မှုတွေကလည်း တပြိုင်နက်တည်း အများကြီး ရင်ဆိုင်နေရတဲ့ အချိန်ဖြစ်တယ်။ဒီစိန်ခေါ်မှုတွေအများကြီးဖြစ်လာတာကိုကြည့်ခြင်းအားဖြင့် ကျနော်တို့ဟာတော်တော်ခရီးရောက်လာနေပြီဆိုတာ ကို အသိအမှတ်ပြုလို့ ရပါတယ်။ကျနော်တို့ ရက္ခိတ အိမ်မက်ကတော့ တော်လှန်ရေး အပိုင်းရှိမယ် တည်ဆောက်ရေး အပိုင်းရှိမယ်ပြီးတော့ တော်လှန် ရေးပြီးသွားတဲ့ အချိန်မှာ ကျနော်တို့က တောက်လျှောက်ပေါ့ ကျနော်တို့ ရခိုင်အမျိုးသားများ ရဲ့ အာရက္ခတိုင်းပြည်ကို လူ့ဂုဏ်သိက္ခာရှိတဲ့ လူ့ဘောင်ဖြစ်ဖို့ ငြိမ်းချမ်းပြီးမှ တရားမျှတတဲ့ အားလုံးနဲ့ လူသားတိုင်းနဲ့ တန်းတူရွယ်တူ ဂုဏ်ရည်တူ ကမ္ဘာသမိုင်းစာ မျက်နှာမှာနေ ရာမှန်လူမှန်ဖြစ်အောင်ဆိုတဲ့ဟာက ခရီးက အရှည်ကြီးပဲ ကျနော်တို့ ရဲ့လမ်းစဉ်ဆွဲထားတာ။အခုခရီးရောက်နေပြီဆိုတာက ကျနော်တို့ ပြည်သူတွေ ရဲ့ စုစည်းညီညွတ်မှုတော်လှန်ရေးတိုက်ပွဲ ပြီးမှကြိုးစား နိုးကြားအဲဒီအခြေခံ အပိုင်းမှာ တော်တော် လေး ခရီးရောက်လာပြီဆိုတာကို ကျနော်တို့ ပြောခြင်းဖြစ်တယ်။နောက်လည်း လုပ်စရာတွေကတော့ အများကြီး ရှိနေသေး တယ်လို့ ဆိုပါတယ်။ဒါ့အပြင် ရခိုင်ပြည်လွတ်မြောက်တော့မှာလားဆိုတဲ့ မေးခွန်းတွေ အပေါ်မှာရခိုင်ဒေသ တစ်ခုတည်းကို ကြည့်ကာ ဘယ်ဟာ ဘာဖြစ်မယ်ဆိုပြီးပြောဆိုလို့ မရသလို ရခိုင်ဒေသနဲ့ ဆက်စပ်တဲ့ ပတ်ဝန်းကျင် မြန်မာတစ်ပြည်လုံးအတိုင်းအတာ၊အိမ်နီးချင်းနိုင်ငံတွေရဲ့ အခြေအနေတွေကို ဆက် စပ်ပြီးမှဒီအောင်မြင်မှုဆိုတာကိုဘယ်ပုံစံနဲ့ အဆုံးသတ် အောင်လု ပ်ရမလဲဆိုတာကို ကျနော်တို့ အကုန်လုံးဝိုင်းဝန်းပြီးမှ ပူးပေါင်းဆောင်ရွက်ဖို့ လိုအပ်တယ်လို့လည်း အာရက္ခတပ်တော် တပ်မှူးချုပ်က တိုက်တွန်းထားပါတယ်။
ကျနော်တို့ ရခိုင်ပြည်လွတ်မြောက်တို့မှာလားဆိုတဲ့ မေးခွန်းနဲ့ ပတ်သက်ပြီးကတော့အချိန်ကာလအားဖြင့်နဲ့ ပြောရတာတော့ ခက်တယ်။သိုသော် အခြေအနေပေါ်မှာ မှုတည်ပြီးတော့ပြောလို့တော့ ရတယ်။ကျနော်တို့ ရခိုင်ပြည်ထဲမှာ စစ်ရေးအရ ကိုတော်တော်လေးကြိုးစားပြီးတော့ တိုက်ပွဲ ဝင်နေတယ်။အခြေအနေလည်း တော်တော်ကောင်းတဲ့ အနေအထားရှိပါတယ်။ စိန်ခေါ်မှုတွေတော့ သူ့နေရာ နဲ့ သူရှိတာပေါ့ ။ဥပမာအားဖြင့်ဆိုရင် ရန်သူဖက်က ရေတပ်အင်အားကိုတော်တော်လေး အခြေပြုပြီးတော့ ခုခံစစ်ဆင်နွဲတာတော့ ။အခုနောက်ပိုင်းသူ့ရဲ့ မဟာမိတ်နိုင်ငံတွေဆီကနေ ဒရုန်းနဲ့တခြားနည်းပညာ ဆိုင်ရာတွေကို ဖြည့်စွမ်းလာနိုင်တာတွေကို ကျနော်တို့ တွေ့ရတယ်။သို့သော်လည်းပဲ ဒါဟာ စစ်မြေပြင်ရဲ့ လျှို့ဝှက်ချက် ကိုယ်စီတွေ နဲ့ဆိုတော့ ကျနော်တို့လည်း ကျနော်တို့ နည်းဟန်တွေ နဲ့ ထိုးစစ်ဆင်တိုက်ခိုက်သွားဖို့ ရှိပါတယ်။ဒီကြားထဲမှာ ရခိုင်ဒေသတစ်ခုတည်းကို ကြည့်ပြီးမှတော့ ဘယ်ဟာ ဘာဖြစ်မယ်ဆိုတာကိုတော့ပြောဟောလို့ မရပါဘူး။ရခိုင်ဒေသနဲ့ ဆက်စပ်တဲ့ ပတ်ဝန်းကျင်ရော မြန်မာတစ်ပြည်လုံး အတိုင်းအတာပြီးတော့ ကျနော်တို့ အိမ်နီးချင်းနိုင်ငံများရဲ့ အခြေအနေတွေကိုပါ ဆက်စပ်ပြီးတော့မှဒီအောင်မြင်မှုဆိုတာကိုဘယ်ပုံစံနဲ့ အဆုံးသတ် အောင်လု ပ်ရမလဲဆိုတာကို ကျနော်တို့ အကုန်လုံးဝိုင်းဝန်းပြီးမှ ပူးပေါင်းဆောင်ရွက်ဖို့ လိုတယ်လို့ ပြောဆိုထားပါတယ်။
