တောင်ကုတ်မြို့နယ်အတွင်းက ခရိုင်ကျွန်းကို စစ်ကောင်စီက မနေ့ကသြဂုတ်လ ၃၁ ရက်နေ့ ည ၇ နာရီလောက်မှာ လေကြောင်းတိုက်ခိုက်ခဲ့တာကြောင့်ကလေးငယ် တစ်ဦးသေဆုံးပြီး ဒဏ်ရာ ရသူ ၄ ဦးထက်မနည်းရှိခဲ့တယ်လို့ဒေသခံတွေက ပြောပါတယ်။
သေဆုံးသူမှာ အသက် ၁၀ နှစ်အရွယ် မောင်မိုးသက်နိုင်ဖြစ်ပြီး နောက်ထပ် ဒေသခံ ၄ ဦးထက်မနည်း ဒဏ်ရာ ရရှိခဲ့တာ ဖြစ်တယ်လို့ ခရိုင်ကျွန်း ဒေသခံ တစ်ဦးက အတည်ပြုပြောပါတယ်။
"အချေ(ကလေး)တစ်ယောက်သေဆုံးရတယ်။ နောက်ထပ် ဒေသခံ ၄ ယော က်က အပြင်းအထန်ဒဏ်ရာ ရတယ်။အိမ်တွေ ဘုန်းကြီးကျောင်းတွေလည်း ပျက်စီးသွားတယ်။တိုက်ပွဲမရှိပဲ ပြည်သူတွေကို ရည်ရွယ်ချက် ရှိရှိ နဲ့ လာတိုက်ခိုက်ခဲ့တာ ဖြစ်တယ်လို့"သူကပြောပါတယ်။အဲဒီရွာကိုစစ်ကောင်စီဟာ လေကြောင်းက နေ ဗုံး ၅ လုံးထက်မနည်း ကြဲချတိုက်ခိုက်ခဲ့တာဖြစ်ပြီး အဲဒီထဲကတစ်လုံးမှာ ခရိုင်ကျွန်း ရွာအလယ်မှာ ရှိတဲ့ ဘုန်းတော်ကြီးကျောင်းအနီးကို ကျရောက်ပေါက်ကွဲ ခဲ့တာ ဖြစ်တယ်လို့ဘဆိုပါတယ်။
“တိုက်ပွဲဖြစ်တာကတော့ မရှိပါဘူး။ဒီအတိုင်း ဗုံးလာကြဲပြီးတိုက်ခိုက်ခဲ့တာ။ရွာအလယ်က ဘုန်းကြီးကျောင်း အနီးကို တစ်လုံးကျတယ်။ကျေးရွာ အပြင် တောနားကို တစ်လုံးကျတယ်။ဘုန်းကြီးကျောင်းလည်းပျက်စီးသွားပါတယ်။နေအိမ်တွေလည်း တော်တော်ပျက်စီးသွားတယ်လို့"နောက်ထပ်ဒေသခံ တစ်ဦးကပြောပါတယ်။အဲဒီခရိုင်ကျွန်းဟာ တောင်ကုန်မြို့နယ် ရဲ့ တောင်ဘက်အခြမ်းမှာ ရှိတဲ့ ကျွန်းတစ်ကျွန်းဖြစ်ပြီး တောင်ကုတ်က နေ ရေကြောင်း နဲ့ သွားရောက်လျှင် တစ်နာရီခွဲကျော် သွားရတဲ့ နေရာ တစ်ခု ဖြစ်တယ်လို့လည်း သိရပါတယ်။
တောင်ကုတ်မြို့နယ် အတွင်းမှာ စစ်ကောင်စီ နဲ့အာရက္ခတပ်တော် အေအေ တို့ဟာ နှစ်ဖက်စစ်ရေး တင်းမာနေတာတွေ ရှိနေပြီး စစ်ကောင်စီက လူနေကျေးရွာတွေကို လေကြောင်းတိုက်ခိုင်တာကို မကြာခဏဆိုသလို လုပ်ဆောင်နေတာလည်း ရှိနေတယ်လို့ ဒေသခံ တွေက ပြောပါတယ်။
ပြီးခဲ့တဲ့ သြဂုတ်လ ၁၆ ရက်နေ့မှာလည်း စစ်ကောင်စီဟာ တောင်ကုတ်မြို့နယ် နဲ့ ၉ မိုင်းခန့် အကွာမှာ ရှိတဲ့ မိုးပညာဒါနသင်တန်းကျောင်းကိုလေကြောင်းကနေ တိုက်ခိုက်ခဲ့တာကြောင့် စာသင်ခန်းမ နဲ့ သင်တန်းကျောင်း အသုံးအဆောင် ပစ္စည်းတွေဟာများစွာ ပျက်စီးမှု ရှိခဲ့ပါတယ်။
ပုံ၊ ပြီးခဲ့တဲ့ သြဂုတ်လ အစပိုင်းက စစ်ကောင်စီတိုက်လေယာဉ်တစ်စီးအား တောင်ကုတ်မြို့နယ် အတွင်းက မြင်တွေ့ ရမှု။
