မန်တုံမြို့ကိုစစ်ကောင်စီက လေကြောင်းကနေ ပေါင် ၅၀၀ ဗုံးနဲ့ ကြဲချ တိုက်ခိုက်ခဲ့တာကြောင့် ပြည်သူပိုင်အေ ဆာက်အဦးတွေ ပျက်စီးပြီးဒေသခံ (၁)ဦးဒဏ်ရာရရှိခဲ့ရတယ်လို့ PSLF/TNLA က သတင်းထုတ်ပြန်လာပါတယ်။
ပြီးခဲ့တဲ့ စက်တင်ဘာလ ၃ ရက်နေ့ ည ၁၀ နာရီလောက်မှာ စစ်ကောင်စီတပ်က ဖျက်အားပြင်းလက်နက်အမျိုးအစားဖြစ်တဲ့ ပေါင်(၅၀၀)ဗုံး (၂)လုံး နဲ့ လာရောက်ဗုံးကြဲတိုက်ခိုက်ခဲ့တာ ဖြစ်ပြီး အဲဒီဗုံးသီး ၁ လုံးဟာ မန်တုံမြို့မှာ ရှိတဲ့ ဦးအိုက်အေး လက်ဖက်စက်ရုံး ပေါ်ကျရောက် ပေါက်ကွဲခဲ့ပြီး ဗုံးစထိမှန်ကာ အသက် (၂၁)နှစ်အရွယ် မောင်သက်နိုင်လင်းရဲ့ ညာဘက်လက် နဲ့ နံရိုးတွေထိခိုက်ဒဏ်ရာ ရရှိသွားခဲ့ရတယ်လို့ ဆိုပါတယ်။
အဲဒါတွေ အပြင် နောက်ထပ် ဗုံးသီးတစ်လုံကတော့ အရင်တုန်းက စစ်ကောင်စီတပ်စခန်းဖြစ်တဲ့ (၁၃၀)တပ်စခန်းပေါ်ကို ကျရောက်ပေါက်ကွဲခဲ့ပြီး အဲဒီအနီးအနားက နေအိမ် ၆ လုံးဟာလည်း ပျက်စီးသွားခဲ့ရတယ်လို့ဆိုပါတယ်။
ပေါင်(၅၀၀)ဗုံးနဲ့ တိုက်ခိုက်ခံရတာကြောင့် ထိခိုက်ပျက်စီးသွားတဲ့ နေအိမ်တွေကို ပလောင်ပြည်နယ်လွ တ်မြောက်ရေး တပ်ဦး PSLF/TNLA တာဝန်ရှိသူများမှ သွားရောက်ရှင်းလင်းပေးခဲ့တယ်လို့ ဆိုပါတယ်။
စစ်ကောင်စီတပ်ဟာ PSLF/TNLA အုပ်ချုပ်နေတဲ့ နမ့်ဆန်၊ ကွတ်ခိုင်၊ ကျောက်မဲ၊ သီပေါ၊ မန်တုံမြိုနယ်တွေက အရပ်သား ပြည်သူတွေနေထိုင်ရာနေရာတွေကို ရည်ရွယ်ချက်ရှိရှိ နဲ့ မကြာခဏ လေကြောင်းလာရောက်တိုက်ခိုက်တာတွေကို လုပ်ဆောင်တာတွေ ရှိနေတယ်လို့လည်း PSLF/TNLAက ပြောဆိုထားပါတယ်။
