မြတ်မာအရေး နဲ့ ပတ်သက်ပြီး ပြီးခဲ့တဲ့ လတွေမှာ လုံခြုံရေးကောင်စီအနေနဲ့ တစ်စုံတစ်ရာ ဆောင်ရွက်မပေးခဲ့တာဟာ ကုလသမဂ္ဂအထက်တန်းတာဝန်ရှိသူတွေက မြန်မာ့အရေးကို အရေးကြီးကိစ္စအဖြစ် သတိပေးထားတာတွေနဲ့ ဆန့်ကျင်နေတယ်လို့ HRW က ဝေဖန်ထောက်ပြလိုက်ပါတယ်။
မြန်မာနိုင်ငံဆိုင်ရာ လူ့အခွင့်အရေးအထူးကိုယ်စားလှယ်က ဇူလိုင်လအတွင်းမှာမြန်မာနိုင်ငံ အခြေအနေဟာ ၂ဝ၁၆ နဲ့ ၂ဝ၁၇ ခုနှစ်တုန်းကလို လူမျိုးတုံးသတ်ဖြတ်တာမျိုး နောက်တစ်ကြိမ် အစပျိုးနေကြောင်းထောက်ပြပြောဆိုခဲ့ပေမယ့် တစ်စုံတရာ လုပ်ဆောင်တာမရှိတဲ့ အတွက် ပြောဆိုမှု နဲ့လုပ်ရပ် ကွဲ လွဲနေတာကို HRWက စက်တင်ဘာလ ၅ ရက်နေ့ ထုတ်ပြန်ချက်မှာ ထော က်ပြထားတာဖြစ်ပါတယ်။
ဒါ့အပြင်ကုလသမဂ္ဂ အကြံပေးပုဂ္ဂိုလ်တွေကလည်း လူမျိုးတုံးသတ်ဖြတ်မှုကို ကြိုတင်ကာကွယ်ဖို့ ဆိုတဲ့အကြောင်းကို ပူးတွဲကြေညာချက် ထုတ်ပြန်ခဲ့တာ ရှိတယ်လို့ဆိုပါတယ်။
မြန်မာမှာနောက်ထပ်အကြမ်းဖက်ရက်စက်မှုတွေ ထပ်ဖြစ်မလာအောင် ကုလ သမဂ္ဂလုံခြုံရေးကောင်စီအနေနဲ့ ဆောင်ရွက်သင့်တယ်လို့လည်း စက်တင်ဘာ လ ၅ ရက်နေ့ထုတ်ပြန်ချက်မှာ HRWက တိုက်တွန်းထားပါတယ်။
ရခိုင်မှာ အရပ်သားတွေ တိုက်ခိုက်ခံနေရတာတွေကိုလည်း ပြီးခဲ့တဲ့ သတင်းပတ်အတွင်းမှာ ကုလသမဂ္ဂကလေးများ ရန်ပုံငွေအဖွဲ့ နဲ့ မြန်မာနိုင်ငံဆိုင်ရာ ကုလသမဂ္ဂယာယီဌာနေညှိနှိုင်းရေးမှူးက ပြစ်တင်ရှုတ်ချတာလည်းရှိခဲ့ပါတယ်။
