လူသားချင်းစာနာထောက်ထားမှုဆိုင်ရာလိုအပ်ချက်တွေကို မျက်မြင်တွေ့နိုင်ဖို့ အတွက် အိုင်စီအာရ်စီ ဥက္ကဋ္ဌ Mirjana Spoljaric ဟာ ရခိုင်ကို ကိုယ် တိုင်သွားရောက် ခဲ့တယ်လို့ စက်တင်ဘာလ ၁၀ ရက်နေ့မှာ ICRC က သတင်းထုတ်ပြန်လာပါတယ်။
အိုင်စီအာရ်စီ ဥက္ကဋ္ဌ Mirjana Spoljaric ဟာ မြန်မာနိုင်ငံအတွင်း ပဋိပက္ခ နဲ့အခြားသောအကြမ်းဖက်မှုတွေပိုမိုမြင့်တက်နေချိန် နဲ့ လူသားချင်း စာနာထောက်ထားမှု ဆိုင်ရာ အခြေအနေတွေ ပိုမိုယိုယွင်းလာနေချိန်မှာ ဒီ မြန်မာနိုင်ငံခရီးစဉ်ကို လာရောက်ခဲ့တာလည်း ဖြစ်ပါတယ်။
အဲဒီမြန်မာနိုင်ငံခရီးစဉ်ကို အိုင်စီအာရ်စီ ဥက္ကဋ္ဌ Mirjana Spoljaric ဟာ စက်တင်ဘာလ ၅ ရက်နေ့ ကနေ ၉ ရက်နေ့ အထိလာရောက်ခဲ့တာ ဖြစ်ပြီးပဋိပက္ခဒဏ်ကို ခံစားနေရတဲ့ နေရာတွေက ဒုက္ခသည်တွေဟာ ကျန်းမာရေးစောင့်ရှောက်မှု အပါအဝင်နေထိုင်ရာနေရာ နဲ့ အစားအစာတွေခက်ခဲ နေတာတွေကို မြင်တွေ ခဲ့ရသလို လူထူထပ်တဲ့ နေရာတွေမှာ ထိခိုက်မှုမြင့်မားပြီး ပေါက်ကွဲစေတတ်တဲ့ စစ်လက်နက်ပစ္စည်းတွေကို အသုံးပြုတာတွေ ကြောင့် အရပ်သားပြည်သူ ထိခိုက်သေဆုံးမှုဟာလည်း စိုးရိမ်ဖွယ်မြင့်တက်လာတာတွေကို မြင်တွေ့ ခဲ့ရတယ်လို့ ဆိုပါတယ်။
“မြန်မာနိုင်ငံမှာရှိတဲ့ မိသားစုတော်တော်များများက အခြေခံဆေးဝါး နဲ့ကျန်းမာရေးစောင်ရှောက်မှုတွေ မရှိဘဲနေထိုင်နေကြရပြီးအစားအစာပြတ်လပ်မှု နဲ့ရင်ဆိုင်ကြုံတွေ့ နေရတြ့အပြင် သန့်ရှင်းတဲ့ရေ နဲ့ မိလ္လာစနစ်ရရှိအသုံးပြုနိုင်မှုတွေမှာလည်းအကန့်အသတ်တွေ ရှိနေပါတယ်။ ပဋိပက္ခ နဲ့အခြား အကြမ်းဖက်မှု အခြေများကြောင့် အကြောက်တရားတွေ နဲ့ နေထိုင်နေကြရပါတယ်။ အသက်မွေးဝမ်းကျောင်းမှုလုပ်ငန်း တွေကိုဆက်လက်မ ဆောင်ရွက် နိုင်ခြင်းကြောင့်မရေတွက်နိုင်အောင်များပြားတဲ့လူထုအတွက်ဆက်လက်အသက်ရှင်ရပ်တည်ဖို့နည်းလမ်းတွေမရှိတော့ပါဘူးလို့”အိုင်စီအာရ်စီ ဥက္ကဋ္ဌ Mirjana Spoljaric ကပြောဆိုထားပါတယ်။ဒါ့အပြင် လူထုသွားလာနိုင်မှု နဲ့ ကုန်ပစ္စည်းစီးဆင်းမှု အပေါ်မှာချမှတ်ထားတဲ့ တားမြစ်ကန့်သတ်မှုတွေကြောင့်လူသားချင်းစာနာ ထောက်ထား မှုဆိုင်ရာလုပ်ငန်းဆောင်ရွက်ပေးမှုတွေမှာလည်း အကန့်အသတ်တွေ ဖြစ်လာတာတွေ ရှိနေတယ်လို့လည်း ထုတ်ပြန်ချက်မှာဖော်ပြထားပါတယ်။
အဲဒီလို လူးသားချင်းစာနာထောက်ထားမှု ကူညီဆောင်ရွက်ရေးလုပ်ငန်းတွေ နှောက်နှေးမှုမရှိစေရေး အတွက်ကိုလည်း အိုင်စီအာရ်စီ ဥက္ကဋ္ဌ Mirjana Spoljaric က စစ်ကောင်စီ ဥက္ကဋ္ဌဗိုလ်ချုပ်မှုကြီးမင်းအောင်လှိုင်နဲ့ တွေ့ဆုံကာ လူသားချင်းစာနာထောက်ထားမှုဆိုင်ရာ အကူအညီတွေကို ပိုမိုပေးလိုမှု နဲ့ အိုင်စီအာရ်စီရဲ့ ရည်ရွယ်ချက်ဆောင်ရွက်ပေးလိုမှုတွေကို ပြောဆိုခဲ့သလို ပဋိပက္ခဒဏ်ကို ခံစား နေရတဲ့ ဒေသတွေကို သွားရောက်ခွင့်ပြုဖို့ကိုလည်း တိုက်တွန်းပြော ဆိုခဲ့တယ်လို့ဆိုပါတယ်။
ဒါ့အပြင် အိုင်စီအာရ်စီဟာ ကြားနေတဲ့အခန်း ကဏ္ဍနဲ့အကူညီလိုအပ်မှုအများဆုံးရှိနေတဲ့လူထုထံသွားရောက်နိုင်ရေးဆိုတဲ့ ရည်မှန်းချက်ကိုလည်း အထူးအလေးပေးဖို့အတွက် စစ်ကောင်စီ ဥက္ကဋ္ဌဗိုလ်ချုပ်မှုကြီးမင်းအောင်လှိုင်ကို တိုက်တွန်းပြောဆိုခဲ့တယ်လို့ ဆိုပါတယ်။
အိုင်စီအာရ်စီ ဥက္ကဋ္ဌ Mirjana Spoljaric က “ကျွန်မတို့အနေနဲ့ ပဋိပက္ခမှာပါဝင်တဲ့ အဖွဲ့အစည်းတွေအားလုံးနဲ့ နှစ်ဦးနှစ်ဖက်အကြား အတွင်းရေး ကိစ္စ အဖြစ်သတ်မှတ်ထားရှိတဲ့ ဆွေးနွေးပြောဆိုမှုတွေကို ဆောင်ရွက်ရာမှာ အပြည်ပြည်ဆိုင်ရာ လူသားချင်းစာနာ ထောက်ထားမှုဥပဒေကို လေးစားလိုက်နာကြဖို့နဲ့ အရပ်သားပြည်သူတွေနဲ့ လူသားချင်းစာနာထောက်ထားမှုဆိုင်ရာ လုပ်ငန်း ဆောင်ရွက်နေသူတွေ ဘေးကင်းလုံခြုံစေဖို့ အတွက် သူတို့မှာရှိတဲ့ တာဝန်ဝတ္တရားကို အသိပေးပြောဆိုမှုတွေပြုလုပ်ပါတယ်”လို့လည်းဆိုထားပါတယ်။အိုင်စီအာရ်စီအဖွဲ့ဟာ ခက်ခဲတဲ့ စိန်ခေါ်မှုတွေ ရှိနေပေမယ့် ဘေးဖြစ်ဖို့ အလွယ်ကူဆုံး ရပ်ရွာလူထု အထူးသဖြင့် ရှမ်း၊ကချင်၊ရခိုင် မြန်မာအလယ်ပိုင်း နဲ့ ချင်း၊ကယား နဲ့ ကရင်ပြည်နယ်တွေက ပဋိပက္ခဒဏ်ကြားမှာနေထိုင်နေကြရတဲ့ သူတွေဆီကို သွားရောက်ကူညီမယ်ဆိုတဲ့ သံန္နဋ္ဌန်ကို ချထားတယ်လို့ လည်းဆိုပါတယ်။
ဒါ့အပြင် အိုင်စီအာရ်စီ အနေနဲ့ ”မြန်မာပြည်သူတွေကိုထောက်ပံ့ကူညီဖို့ဆိုတဲ့ အိုင်စီအာရ်စီ ရဲ့သံန္နဋ္ဌန်က မဆုတ်မနစ်ဆက်လက်တည်ရှိမှာ ဖြစ်တယ်လို့ လည်း အိုင်စီအာရ်စီ ဥက္ကဋ္ဌ Mirjana Spoljaric ကပြောဆိုထားပါတယ်။
