ရမ်းဗြဲမြို့နယ်အတွင်းမှာ ရှိတဲ့စကုကျွန်းကမ်းခြေမှာ ပြီးခဲ့တဲ့ စက်တင်ဘာလ ၁၀ ရက်နေ့က သေဆုံးနေတဲ့ အမည်မသိအမျိုးသား အလောင်း ၂၀ ကို တွေ့ ရှိခဲ့ရတယ်လို့ ဒေသခံတွေကိုပြောပါတယ်။
အဲဒီလို သေဆုံးနေတဲ့ အမျိုးသားအလောင်း ၂၀ ကို ပိန္နဲချောင်း၊ဖောင်ဆိပ်ကျေးရွာအပါအဝင် စကုကျွန်းရဲ့ ကမ်းခြေဒေသက ကျေးရွာတွေမှာသောင်တင်တွေ့ရှိခဲ့တာ ဖြစ်ပြီး အဲဒီသေဆုံးသူတွေရဲ့ အလောင်းတွေကို ဒေသခံတွေက ဆည်ယူကာ မြေမြုပ်သင်္ဂြိုပေးတာတွေ လုပ်ဆောင်ပေး ခဲ့ရတယ်လို့ စကုကျွန်း ဖောင်ဆိပ်ကျေးရွာ ဒေသခံ တစ်ဦးကပြောပါတယ်။
“အမျိုးသားအလောင်းတွေချည်းတွေ့တာပါ ။ဘယ်သူတွေလည်းဆိုတာကိုတော့ မသိဘူး။အကုန်လုံးကတော့ အလောင်း ၂၀ ကမ်းခြေတွေမှာပဲ မြေမြုပ်သင်္ဂြိုလိုက်ရတယ်။အဝတ်အစားတွေလည်းမပါကြတော့ဘူး။တချို့အလောင်းတွေဆို တော်တော်ဆိုးဆိုးရွားရွားဖြစ်နေပြီလို့ ”သူကပြောပါတယ်။အလားတူပဲ ပြီးခဲ့တဲ့ စက်တင်ဘာလ ၁၀ ရက်နေ့ နဲ့ ၁၁ ရက်နေ့တွေက လည်း တောင်ကုတ်မြို့နယ်အတွင်းက ကုလရောင်ကျေးရွာက ကမ်းခြေ နဲ့ ပန်းတင်ကျွန်းကျေးရွာ အနီးက ကမ်းခြေတြေမှာ သေဆုံးနေတဲ့ အမည်မသိ အလောင်း ၁၀ ကျော်ကိုတွေ့ရှိခဲ့ပြီး အဲဒီထဲက အလောင်းတချို့မှာတော့ အားကာဝတ်စုံတွေကို ဝတ်ဆင်ထားတဲ့သူတွေ ပါဝင်တယ်လို့ ပန်းတင်ကျွန်းဒေသခံတစ်ဦးကပြောပါတယ်။
“ကျနော်တို့ ပန်းတင်းကျွန်းမှာတွေ့တာက အလောင်း ၇ လောင်း အားကာဝတ်စုံတွေ ဝတ်ထားတဲ့သူတွေလည်းပါတယ်။တွေ့တာကတော့ ပန်းတင်ကျွန်းမြစ်ကမ်းခြေမှာတွေ့တာ ဖြစ်တယ်လို့”သူကပြောပါတယ်။လက်ရှိတွေ့ရှိရတဲ့ အလောင်းတွေဟာ သံတွဲတိုက်ပွဲအတွင်းကနေ သေဆုံးပြီးမျောပါလာတဲ့ အလောင်းတွေ ဖြစ်နိုင်တယ်လို့လည်း ဒေသခံတွေက သုံးသပ်ပြောဆိုတာတွေ ရှိနေကြပါတယ်။ ဒါပေမယ့်ဒီပြောဆိုမှု နဲ့ ပတ်သက်ပြီး CNA သတင်းဌာန အနေ နဲ့ သီးခြားအတည်မပြုနိုင်ခဲ့ပါဘူး။
သတင်း၊ဖီးနစ်
