ရက္ခိုင့်တပ်တော် စစ်ဦးစီးချုပ်က ဗိုလ်ချုပ်ထွန်းမြတ်နိုင် က စစ်ကောင်စီတပ်သားတွေ အနေ နဲ့ မသေမနာ ချင်ရင် အမြန်ဆုံးအလင်းဝင်ကြဖို့ ရာဇသံပေးပြီးနောက်မှာ ရခိုင်ပြည်၊ရသေ့တောင်မြို့ မညှင်းတောင်တပ်စခန်းက တပ်ပေါ င်း ထားတဲ့ စစ်ကောင်စီတပ်သား ၁၂၀ ဟာ ဒီနေ့ မှာ လက်နက်ချ အညံ့ခံလာခဲ့တယ်လို့ ခိုင်လုံတဲ့ သတင်းအရင်းအ မြစ်က ဆိုပါတယ်။
ရက္ခိုင့်တပ်တော် စစ်ဦးစီးချုပ် ဗိုလ်ချုပ်ထွန်းမြတ်နိုင်က သူရဲ့ လူမှုကွန်ယက် တွစ်တာ အကောင့်ကနေ ဒီနေ့ မနက်ပိုင်းက စစ်ကောင်စီတပ်သားတွေ အနေနဲ့ မသေ၊မနာချင်ရင် အမြန်ဆုံးအလင်းဝင်ဖို့ ကြဖို့ အတွက်ကို ရာဇသံပေး ပြော ဆိုထားခဲ့တာ ဖြစ်ပါတယ်။
အဲဒီနောက်မှာ မညှင်းတောင် တပ်စခန်းကို ရက္ခိုင့်တပ်တော် အေအေ က ဒီနေ့ မနက်ပိုင်ဝင်ရောက် တိုက်ခိုက် ခဲ့ပြီး နောက် မိနစ် အနည်းငယ်အကြာမှာ အင်အား ၂၀၀ ခန့် ရှိတဲ့ မညှင်းတောင် တပ်စခန်းက စစ်ကောင်စီတပ်သား ၁၂၀ ဟာ အေအေ ဆီမှာ လက်နက်ချ အညံ့ခံခဲ့တာဖြစ်ပါတယ်။
ကျန်ရှိတဲ့ စစ်ကောင်စီ တပ်သား ၅၀ ကျော်ကတော့ ဘူးသီးတောင်ဘက်ကိုထွက် ပြေးသွားခဲ့တာ ဖြစ်တယ်လို့ ခိုင်လုံတဲ့ သတင်းအရင်းအမြစ်က ပြောပါတယ်။
အဲဒီစစ်ကောင်စီတပ်သားတွေ ဟာ ရေစိုချောင်းဗျူဟာကုန်း နဲ့ အမျက်တောင် စခန်းက ထွက်ပြေးလာပြီး ပေါင်းစုထားတဲ့ စစ်ကောင်စီ တပ်စုတွေ ဖြစ်တယ်လို့ လည်း သိရပါတယ်။
ရခိုင်က တိုက်ပွဲ ၂ လကျော်အတွင်းမှာ ရက္ခိုင့်တပ်တော် အေအေ က စစ်ကောင်စီစခန်းတွေ ဗျူဟာတွေ အမြောက် အများကို သိမ်းပိုက်နိုင်ထားပြီးဖြစ်ပါတယ်။
အဲဒါတွေ အပြင် ချင်ပြည် ပလက်ဝမြို့တစ်ခုလုံးကိုလည်း ရက္ခိုင့်တပ်တော် အေအေ ကသိမ်းပိုက်ထားနိုင်ခဲ့ပြီးဖြစ်တယ်လို့ ရက္ခိုင့်တပ်တော် အေအေ က သတင်းထုတ်ပြန်ထားပါတယ်။
တစ်ကျော့ပြန်တိုက်ပွဲအတွင်း စစ်ရေး အရှုံးနဲ့ ရင်ဆိုင်နေရတဲ့ စစ်ကောင်စီဟာ ရခိုင်ပြည်အတွင်းက ကျေးရွာတွေကိုလက်နက်ကြီးတွေ နဲ့ ပစ်ခတ်တာ နေအိမ်တွေကို မီးရှို့ဖျက်ဆီးတာ အပြစ်မဲ့ ပြည်သူတွေကို ဖမ်းဆီးသတ်ဖြတ်တာတွေ ရည်ရွယ်ချက် ရှိရှိနဲ့ စစ်ရာဇဝတ်မှု ကျူးလွန်နေတာလည်းဖြစ်ပါတယ်။
