သံတွဲမြို့နယ်အတွင်းက ညောင်ခြေထောက်ကျေးရွာကို စစ်ကောင်စီက မနေ့ကအောက်တိုဘာလ ၁ ရက်နေ့ ညနေ ၃ နာရီကျော်မှာလေကြောင်းကဗုံးကြဲတိုက်ခိုက်ခဲ့တာကြောင့် ဒေသခံ တစ်ဦးသေဆုံးပြီး တစ်ဦးဒဏ်ရာ ရရှိခဲ့တယ်လို့ ဒေသသတင်းအရင်းမြစ်တွေကပြောပါတယ်။
ဗုံးကြဲတိုက်ခိုက်မှုကြောင့် သေဆုံးသွားတဲ့ သူကတော့ အဲဒီ ညောင်ခြေထောက်ကျေးရွာဒေသခံ ဦးမောင်လူချို ဖြစ်ပြီး ဒဏ်ရာရရှိသူကတော့ မောင်မိုးဒီတို့ ဖြစ်ကြတယ်လို့ ဆိုပါတယ်။
စစ်ကောင်စီဟာ အဲဒီသံတွဲမြို့နယ်အတွင်းက ညောင်ခြေထောက်ကျေးရွာကို တိုက်ပွဲတစ်စုံတရာ ဖြစ်ပွါးတာ မရှိပဲအခုလို လေကြောင်းက ဗုံးကြဲတိုက်ခိုက်ခဲ့တာ ဖြစ်တယ်လို့ဒေသ သတင်းရင်းမြစ်တစ်ဦးကပြောပါတယ်။
‘တိုက်ပွဲဖြစ်တာလည်းမရှိဘာလည်းမရှိပဲဒီအတိုင်းလာကြဲတာဖြစ်တယ်။ကျေးရွာ အတွင်းက ဘုန်းကြီးကျောင်း ကို ကျတာပါ။ဘုန်းကြီးကျောင်းလည်း တော်တော်ပျက်စီးသွားတယ်။သေသူ တစ်ယောက် နဲ့ ဒဏ်ရာ ရသူ တစ်ယောက်တော့ ရှိတယ်လို့’ သူကပြောပါတယ်။
စစ်ကောင်စီဟာ ပြီးခဲ့တဲ့ စက်တင်ဘာလ ၂၆ ရက်နေ့ကလည်း သံတွဲမြို့နယ်အတွင်းက စစ်ဘေးရှောင်တွေ နေထိုင်နေတဲ့ သဘာဝပတ်ဝန်းကျင်ထိန်းသိမ်းရေးရုံးကို လေကြောင်းကနေတဆင့် ဗုံးကြဲတိုက်ခိုက်ခဲ့တာကြောင့် စစ်ဘေးရှောင် ပြည်သူ ၁၄ ဦး သေဆုံးခဲ့ရပြီး ဒဏ်ရာရရှိသူ ၂၄ ဦးရှိခဲ့ပါတယ်။
ရခိုင်စစ်မြေပြင်မှာ စစ်ရေးအရှုံးနဲ့ ရင်ဆိုင်နေရတဲ့ စစ်ကောင်စီဟာ ရခိုင်က မြို့နယ်တွေ ကို စက်တင်ဘာလ တစ်လ အတွင်းလေကြောင်းတိုက် ခိုက်မှုလုပ်ဆောင်ခဲ့တာကြောင့် အရပ်သားထိခိုက်သေဆုံသူ ၈၀ကျော်ထက်မနည်းရှိခဲ့ရပါတယ်။
CNA၊မြတ်သူ။
