ပြီးခဲ့တဲ့ အောက်တိုဘာလ ၆ ရက်နေ့ ညနေ ၄ နာရီ ၁၅ မိနစ်က မောင်တောမြို့မြို့၊တောင်ပြိုက အခြေခံစားသောက်ကုန်တွေဝယ်ပြီးပြန်လာတဲ့ ကားကို ARSA မွတ်ဆလင်အကြမ်းဖက်လက်နက်ကိုင်တပ်ဖွဲ့တွေက သေနတ် နဲ့ ပစ်ခတ်ခဲ့တာကြောင့် ကားပေါ်မှာ လိုက်ပါလာတဲ့ ဒေသခံ ပြည်သူ ၆ ဦးထဲက တစ်ဦးကျည်ထိမှန် သေဆုံးခဲ့ရပြီး ၄ ဦးဒဏ်ရာ ရရှိခဲ့တယ်လို့ သိရပါတယ်။
အဲဒီ ARSAအကြမ်းဖက်မွတ်ဆလင်တွေဟာ မောင်တောမြို့ တောင်ပြိုက ဒေသခံတွေ ဈေးဝယ်ပြီး ပြန်လာတဲ့ တေဘာကားကို လမ်းတစ်လျှောက် အဆင့်ဆင့် ခြုံခိုပစ်ခတ်တိုက်ခိုက်ခဲ့တာကြောင့် အခုလိုဒေသခံတွေ သေဆုံးဒဏ်ရာ ရရှိခဲ့တာလည်းဖြစ်ပါတယ်။
သေဆုံးသွားတဲ့ ဒေသခံမှာ မောင်တောမြို့ အောင်မင်္ဂလာကျေးရွာက အသက် ၃၈ နှစ်အရွယ် ဒေါ်ဆန်းဆန်းဦးဆိုသူဖြစ်ပြီး အကြမ်းဖက် လက်နက်ကိုင်မွတ်ဆလင်တွေ ရဲ့ပစ်ခတ်မှုကြောင့်ဝဲဖက်နားထင်ကို ကျည်ထိမှန်ကာသေဆုံးသွားခဲ့ရ တာဖြစ်တယ်လို့လည်း အေအေ ရဲ့ ထုတ်ပြန်ချက်က မှာဖော်ပြထားပါတယ်။
အဲဒီနောက် ကားပေါ်မှာ လိုက်ပါလာသူ နောက်ထပ် ၄ ဦးမှာလည်း အကြမ်းဖက်မွတ်ဆလင်လက်နက်ကိုင် ARSAရဲ့ပစ်ခတ်မှုကြောင့် ဒဏ်ရာ ရရှိခဲ့ရပြီး
အဲဒီဒဏ်ရာ ရရှိသူ ၄ ဦးထဲက ဝမ်းဗိုက်ထိမှန်ကာ အပြင်းထန် ဒဏ်ရာ ရရှိသူ (၁) ဦး နဲ့ ဦးခေါင်းကို ကျည်ထိမှန်ကာ အပြင်းအထန်ဒဏ်ရာ ရရှိသူ တစ်ဦးတို့ကိုလည်း အာရက္ခပြည်သူ့ကျန်းမာရေးဌာနမှ ဆေးကုသပေးထားတယ်လို့ အာရက္ခတပ်တော် အေအေက ထုတ်ပြန်ပြောဆိုထားပါတယ်။
ဒါ့အပြင် အာရက္ခတပ်တော် အနေနဲ့လည်း အပြစ်မဲ့ပြည်သူတွေကို အကြမ်းဖက်တိုက်ခိုက်သွားတဲ့ ARSAတပ်ဖွဲ့ဝင် တွေကိုလည်း လုက်လံ ရှင်းလင်းတာတွေကို လုပ်ဆောင်နေတယ်လို့ ထုတ်ပြန်ပြောဆိုထားပါတယ်။
ပြီးခဲ့တဲ့ ဇူလိုင် ၃၁ နေ့ကလည်း မောင်တောမြို့ ကြိမ်ချောင်းကို ကုန်ပစ္စည်းဝယ်ယူဖို့လာတဲ့ ဒေသခံပြည်သူ ကားတစ်စီးကို ARSAအဖွဲ့တွေကလမ်းမှာ ပစ်ခတ်တိုက်ခိုက်ခဲ့တာကြောင့် ဘူးသီးတောင်ဒေသခံ ၅ ဦး သေဆုံးခဲ့ရသလို၊ ၂ ဦးဟာလည်း အပြင်းအထန် ဒဏ်ရာရတာ ရှိခဲ့ပါတယ်။
ARSAအကြမ်းဖက်လက်နက်ကိုင်တွေဟာ မေယုတောင်ကြော နဲ့ ဘင်္ဂလားဒေ့ရှ်နယ်စပ် ကနေ မောင်တောမြောက်ပိုင်းက နေရာ အနှံကိုနည်းလမ်းမျိုးစုံနဲ့ဝင်ရောက်ကာဒေသခံပြည်သူတွေကို ဖမ်းဆီးသတ်ဖြတ်တာတွေလည်း များစွာရှိနေပါတယ်။
