CAN၊မြတ်သူ။
ရခိုင်မြောက်ပိုင်းက မောင်တော နဲ့ ဘူးသီးတောင်မြို့နယ်တွေမှာ ARSA၊RSO နဲ့အကြမ်းဖက်မွတ်ဆလင်လက်နက်ကိုင်တွေဟာ ဒီရက်ပိုင်းအတွင်းမှာ အကြမ်းဖက်လုပ်ရပ်တွေကို ဆက်တိုက်လုပ်ဆောင်လာနေတာကြောင့်ပြည်သူတွေအနေ နဲ့ အကြမ်းဖက် လုံခြုံရေးဆိုင်ရာ သတိအပြည့် နဲ့ နေထိုင်ကြဖို့ကို အေအေက တိုက်တွန်းပြောဆိုထားပါတယ်။
အာရက္ခတပ်တော် အေအေ ရဲ့ ထုတ်ပြန်ချက်မှာ “ARSA, RSO မူလဆင်အကြမ်းဖက်လက်နက်ကိုင်တပ်ဖွဲများသည် ယခုရက်များအတွင်း အကြမ်းဖက်လုပ်ရပ်များကို ခပ်စိပ်စိပ်ပြုလုပ်လာသောကြောင့် မိဘပြည်သူများအနေဖြင့် အကြမ်းဖက်လုံခြုံရေးဆိုင်ရာ သတိအပြည့်ဖြင့် နေထိုင်ကြရန်၊ မသွားမဖြစ်သွားလာရမည့်ခရီးများတွင် လုံခြုံရေးသတိအပြည့်ဖြင့် စောင့်ကြည့်ကြရန် သတိပေးတိုက်တွန်းလိုက်တယ် လို့” အေအေ ကတိုက်တွန်းထားပါတယ်။
ပြီးခဲ့တဲ့ အောက်တိုဘာလ ၆ ရက်နေ့ ညနေမှာလည်း မောင်တောမြို့မြို့၊တောင်ပြိုက အခြေခံစားသောက်ကုန်တွေဝယ်ပြီးပြန်လာတဲ့ ကားကို ARSA မွတ်ဆလင်အကြမ်းဖက်လက်နက်ကိုင်တပ်ဖွဲ့တွေက သေနတ် နဲ့ ပစ်ခတ်ခဲ့တာကြောင့် ကားပေါ်မှာ လိုက်ပါလာတဲ့ ဒေသခံ ပြည်သူ ၆ ဦးထဲက တစ်ဦးကျည်ထိမှန် သေဆုံးခဲ့ရပြီး ၄ ဦးဒဏ်ရာ ရရှိခဲ့တာလည်းရှိပါတယ်။
အဲဒီလိုပြည်သူတွေကို အကြမ်းဖြတ်သတ်ဖြတ်ခဲ့တဲ့ ARSA မွတ်ဆလင်အကြမ်းဖက်လက်နက်ကိုင်တပ်ဖွဲ့တွေကို အာရက္ခတပ်တော် အေအေ က လိုက်လံရှင်းလင်းမှုတွေလည်းလုပ်ဆောင်နေတယ်လို့လည်း သတင်းထုတ်ပြန်ပြောဆိုထားပါတယ်။
ပြီးခဲ့တဲ့ ဇူလိုင် ၃၁ နေ့ကလည်း မောင်တောမြို့ ကြိမ်ချောင်းကို ကုန်ပစ္စည်းဝယ်ယူဖို့လာတဲ့ ဒေသခံပြည်သူ ကားတစ်စီးကို ARSAအဖွဲ့တွေကလမ်းမှာ ပစ်ခတ်တိုက်ခိုက်ခဲ့တာကြောင့် ဘူးသီးတောင်ဒေသခံ ၅ ဦး သေဆုံးခဲ့ရသလို၊ ၂ ဦးဟာလည်း အပြင်းအထန် ဒဏ်ရာရတာ ရှိခဲ့ပါတယ်။
ARSAအကြမ်းဖက်လက်နက်ကိုင်တွေဟာ မေယုတောင်ကြော နဲ့ ဘင်္ဂလားဒေ့ရှ်နယ်စပ် ကနေ မောင်တောမြောက်ပိုင်းက နေရာ အနှံကိုနည်းလမ်းမျိုးစုံနဲ့ဝင်ရောက်ကာဒေသခံပြည်သူတွေကို ဖမ်းဆီးသတ်ဖြတ်တာတွေလည်း များစွာရှိနေပါတယ်။
