CAN၊ မြတ်သူ။
ဂွမြို့နယ်၊ကျိန္တလီမြို့ အတွင်းက ကိုင်းခုန် နဲ့ကံဂေါ်တောင်က စစ်ကောင်စီတပ်စခန်းတွေကို အာရက္ခတပ်တော် အေအေ က သိမ်းပိုက်ပြီး နောက် စစ်ကောင်စီက ကိုင်ခုံ နဲ့ ကုလားပြင်ကိုဆက်သွယ်ထားတဲ့ ကုလားပြင်တံတားကို မိုင်းခွဲဖျက်ဆီးခဲ့တယ်လို့ အာရက္ခတပ်တော်က သတင်းထုတ်ပြန်လာပါတယ်။
အာရက္ခတပ်တော် အေအေဟာ ကျိန္တလီမြို့နယ်အတွင်းက ကိုင်းခုံ နဲ့ ကံဂေါ်တောင်မှာ တပ်စွဲထားတဲ့ စစ်ကောင်စီတပ်စခန်းတွေ ကို တစ်ပတ်အကြာ နှစ်ဖက်တိုက်ပွဲတွေဖြစ်ပွါးပြီးနောက်စစ်ကောင်စီရဲ့ ကြည်း၊ရေ၊လေ ခုခံနေတဲ့ ကြားက အောက်တိုဘာလ (၆) ရက်နေ့မှာ အဲဒီက စစ်ကောင်စီတပ်စခန်းတွေကို အာရက္ခတပ်တော် အေအေက သိမ်းပိုက်နိုင်ခဲ့တာလည်း ဖြစ်ပါတယ်။
အဲဒီလို အာရက္ခတပ်တော် အေအေ က ကိုင်းခုံ နဲ့ ကံဂေါ်တောင်က စစ်ကောင်စီကို သိမ်းပိုက်ပြီးနောက်မှာ အသက်မသေပဲကျန်ရှိနေခဲ့တဲ့ စစ်ကောင်စီတပ်သားတွေဟာ ကုလားပြင်ကျေးရွာဖက်အခြမ်းကို တပ်ဆုတ်ထွက်ခွါသွားပြီးနောက် အောက်တိုဘာ (၇) ရက်နေ့မှာ အဲဒီ တံတားကို မိုင်းခွဲဖျက်ဆီးထားခဲ့တာ ဖြစ်တယ်လို့ အာရက္ခတပ်တော် အေအေ ရဲ့ထုတ်ပြန်ချက်ထဲမှာ ဖော်ပြထားပါတယ်။
လက်ရှိမှာလည်း အာရက္ခတပ်တော် အေအေ အနေနဲ့ အာရက္ခဒေသအတွင်းက သိမ်းပိုက်ရန်ကျန်ရှိနေသေးတဲ့ မောင်တော၊ ကျိန္တလီ နဲ့ အမ်းစတဲ့မြို့နယ်တွေက သိမ်းပိုက်ဖို့ကျန်ရှိနေသေးတဲ့ စစ်ကောင်စီတပ်စခန်းတွေကို ဆက်လက်ထိုးစစ်ဆင်တိုက်ခိုက်နေပြီး နှစ်ဖက် တိုက်ပွဲတွေ ဆက်လက်ပြင်းထန်နေဆဲ့ ဖြစ်တယ်လို့လည်းဖော်ပြထားပါတယ်။
ဒါ့အပြင်တောင်ကုတ်မြို့နယ် အတွင်းက စစ်ကောင်စီရဲ့ စကခ (၅) လက်အောက်ခံတပ်ရင်းတွေ ဖြစ်ကြတဲ့ ခမရ (၃၄၆/၅၄၄) တပ်စခန်း တွေ နဲ့ တခြားသောစစ်ကောင်စီရဲ့ စခန်းတွေကိုလည်း အာရက္ခတပ်တော် အေအေက ဝိုင်းရံပိတ်ဆို့တာတွေကို လုပ်ဆောင်ထားပြီး အပြီးသတ်သိမ်းပိုက်ရရှိနိုင်ဖို့ အတွက်လည်း ဆက်လက်ဆောင်ရွက်နေတယ်လို့ ထုတ်ပြန်ပြောဆိုထားပါတယ်။
ရခိုင်စစ်မြေပြင်မှာ စစ်ရေးအရှုံးနဲ့ ရင်ဆိုင်နေရတဲ့ စစ်ကောင်စီဟာ အာရက္ခတပ်တော် အေအေ ကို စစ်ရေးပစ်မှတ်အနေ နဲ့ထားတာ မဟုတ်တော့ပဲ ရခိုင်အရပ်သားပြည်သူတွေကိုပါ စစ်ရေးပစ်မှတ်ထားက လူနေရာရပ်ကွက်တွေကို လေကြောင်းတိုက်ခိုက်တာ လက်နက်ကြီး နဲ့ ပစ်ခတ်တာတွေကို လုပ်ဆောင်ကာ တိုက်ခိုက်နေတာကြောင့် ရခိုင်အရပ်သားပြည်သူ သေဆုံးမှုတွေဟာလည်း နေ့စဉ် ရက်ဆက် မြင့်တက်လျှက်ရှိနေပါတယ်။
