၂၀၂၄ ခုနှစ်၊ အောက်တိုဘာလ (၇) ရက်နေ့၊ နံနက် (၈) နာရီခန့်အချိန်တွင် အာရက္ခဒေသ၊ ဘူးသီးတောင်မြို၊ အမှတ် (၂) ရပ်ကွက်၊ ရွာသစ်တွင်နေထိုင်ကြသော (ဘ) ဦးဖိုးမြစိန် – (မိ)ဒေါ်လှဝါဖြူ တို၏သား ဦးစံရွှေမောင် (၆၇) နှစ် နှင့် (ဘ) မောင်သာပွင့် – (မိ) ဒေါ် စိန်မြညို ၏သား မောင်မြအောင် အသက် (၆၅) နှစ် တို နှစ်ဦးသည် အိမ်ဆောက်လုပ်ရန်အတွက် ဘူးသီးတောင်မြိုနယ် ဂုံးနားကျေးရွာဘက်သို ဝါးခုတ်ရန် ထွက်သွားခဲ့ကြသည်။
၎င်းတိုနှစ်ဦးသည် နေ့လယ်အချိန်အထိ အိမ်ပြန်မရောက်လာသဖြင့် ဘူးသီးတောင်မြိုနယ်၊ ရွာမကျေးရွာရှိ အာရက္ခပြည်သူ့လုံခြုံရေး အထောက်အကူပြုအဖွဲထံသို အသိပေး အကြောင်းကြားလာသောကြောင့် မိမိတို၏ လုံခြုံရေးတပ်ဖွဲဝင် (၃) ဦးတိုသည် ပျောက်ဆုံးနေသူနှစ်ဦးအားရှာဖွေရန် နေ့လယ် (၁) နာရီ (၃၀) မိနစ်တွင် ထွက်လာခဲ့ကြသည်။
ထွက်လာ၍ (၅) မိနစ်အကြာ၊ နေ့လယ် (၁) နာရီ (၃၅) မိနစ်အချိန်တွင် ဘူးသီးတောင်မြိုနယ်၊ ဂုံးနားမူဆလင်ကျေးရွာ အဝင်ဝအနီးသို ရောက်ရှိချိန်၌ ARSA မူဆလင်အကြမ်းဖက်လက်နက်ကိုင်အဖွဲမှ ခြုံခိုတိုက်ခိုက်ခံရ၍ မိမိတို၏ လုံခြုံရေးတပ်ဖွဲဝင် (၁) ဦးမှာ ဦးခေါင်းနှင့် ဝမ်းဗိုက်တွင် သေနတ်ကျည် ထိမှန်ကာကျဆုံးပြီး ကျန်နှစ်ဦးမှာ ဒဏ်ရာရရှိခဲ့သည်။ ထိုအပြင် ၎င်းတိုစီးလာသော ဆိုင်ကယ်မှာလည်း အဆိုပါ ခြုံခိုတိုက်ခိုက်ခံရသည့်နေရာ၌ပင် မီးရှိဖျက်ဆီးခြင်းခံခဲ့ရသည်။
ဤခြုံခိုတိုက်ခိုက်ခံရမှုဖြစ်စဉ်အတွင်း ကျဆုံးခဲ့ရသောသူမှာ အသက် (၄၁) နှစ်အရွယ် (ဘ) ဦးကျော်သာစိန် -(မိ) ဒေါ်မသိန်း တို၏သား ဦးဇော်မြင့်ဦး (ခ) ချက်ဖား ဖြစ်ပြီး အုတ်တောင်ကျေးရွာဇာတိဖြစ်သည်။
ခြုံခိုတိုက်ခိုက်ခဲ့သော ARSA မူဆလင်အကြမ်းဖက်လက်နက်ကိုင်အဖွဲအား မိမိတို အာရက္ခပြည်သူ့လုံခြုံရေးတပ်ဖွဲဝင်များနှင့် အာရက္ခတပ်တော်တိုသည် လိုက်လံဖမ်းဆီလျက်ရှိသည့်နည်းတူ ပျောက်ဆုံးနေသူ ရွာသားနှစ်ဦးအားလည်း ရှာဖွေလျက်ရှိသည်။
အာရက္ခတပ်တော်သည် အာရက္ခဒေသအတွင်း မည်သည့်အကြမ်းဖက်အဖွဲကိုမှ အခြေချခွင့် ပြုမည်မဟုတ်သကဲ့သို အကြမ်းဖက်သမားနှင့် အကြမ်းဖက်အဖွဲအစည်းတိုင်းကို ရှင်သန်ခွင့်မပြုဘဲ အမြန်ဆုံးနှိမ်နင်းဆောင်ရွက်သွားမည်ဖြစ်သည်။
သတင်းနှင့်ပြန်ကြားရေး
အာရက္ခတပ်တော်
