CNA၊မြတ်သူ။
ပြီးခဲ့တဲ့ အောက်တိုဘာလ ၁၂ ရက်နေ့ညနေကဂွမြို့နယ် အတွင်းက ကုတို့လေး ကျေးရွာကို စစ်ကြောင်းထိုးဝင်လာတဲ့ စစ်ကောင်စီစစ်ကြောင်းတစ်ကြောင်းက သေနတ် နဲ့ ပစ်ခတ်လို့ အရပ်သား ၂ ဦး သေဆုံးခဲ့ရပြီး နောက်ထပ်တစ်ဦးကိုလည်း စစ်ကောင်စီတပ်တွေက ဖမ်းဆီးထားတယ်လို့ ဒေသခံ သတင်းအရင်းအမြစ်တွေကပြောပါတယ်။
သေဆုံးသွားသူ ၂ ဦးကတော့ ကုတို့လေးကျေးရွာက အသက် ၆၀ နှစ်အရွယ် ဒေသခံ ဦး(……..) နဲ့ သဗြုချောင်းကျေးရွာက ဒေသခံ အသက် ၂၉ နှစ် အရွယ်(မောင်……)တို့ဖြစ်ကြပြီး နောက်ထပ် ဖမ်းဆီးခံထားရသူ သပြေချောင်းကျေးရွာက (ဦး……)တို့ ဖြစ်ကြတယ်လို့ ဆိုပါတယ်။
အဲဒီဒေသခံ ၃ ဦးဟာ သေဆုံးသူ အသက် ၆၀ အရွယ် ကူးတို့လေးကျေးရွာက ဒေသခံ နေအိမ်မှာ ငါးဖမ်းလုပ်ငန်းကိစ္စ နဲ့ငွေစာရင်းရှင်းရာကနေ စစ်ကောင်စီစစ်ကြောင်းဝင်ရောက်လာတာကို မြင်တွေ့တာကြောင့် ထွက်ပြေးရာကနေ အ ခုလို ပစ်သတ်ခံလိုက်ရတာ ဖြစ်တယ်လို့ ကူးတို့လေး ကျေးရွာဒေသခံ တစ်ဦးကပြောပါတယ်။
“မနေ့ ညနေ ၄ နာရီလောက်က ရွာကို အင်အား ၂၀၀ လောက်ရှိတဲ့ စစ်ကြော င်းတစ်ခုက ရွာအတိုင်းဝင်လာတာ။သူတို့ကလည်း ငွေစာရင်းရှင်း နေတော့ စစ်သားတွေကို မြင်တော့ ကြောက်ပြီးတော့ အိမ်နောက်ဘက်ကိုဆင်းပြေးသွားတာ။ အဲဒီမှာ စစ်ကောင်စီတပ်သားတွေက မြင်တော့သေနတ် နဲ့ ပစ်တယ် ၂ ဦးသေတယ်။နောက်တစ်ယောက်ကိုတော့ဖမ်းပြီးတော့ စစ်ဆေးနေတယ်။လေကြောင်းတိုက်ခိုက်လို့ သေတာမဟုတ်ဘူး အရပ်သား ၂ ဦးကလို့”သူကပြောပါတယ်။
အဲဒီကူးတို့လေးကျေးရွာကို စစ်ကြောင်းထိုးဝင်ရောက်လာတဲ့ စစ်ကြောင်းဟာ ကုလားပြင်(ရတနာမြိုင်)က ထွက်ပြေးလာတဲ့ စစ်ကြောင်းဖြစ်ပြီး အဲဒီမနက် အာရက္ခတပ်တော် အေအေ နဲ့ အဲဒီစစ်ကြောင်းဟာ ကုတို့လေးကျေးရွာ နဲ့ ၁ မိုင်ခန့်အကွာ သဗြုချောင်းကျေးရွာအနီးမှာ နှစ်ဖက်တိုက်ပွဲ ဖြစ်ပွားခဲ့တာရှိတယ်လို့လည်း ဒေသ သတင်းအရင်း အမြစ် တွေကပြောပါတယ်။
လက်ရှိမှာလည်း အဲဒီအင်းအား ၂၀၀ ဝန်းကျင်ရှိတဲ့ စစ်ကောင်စီစစ်ကြောင်းဟာ ကုတို့လေးကျေးရွာအတွင်းမှာ တပ်စွဲနေထိုင်နေပြီးသဗြုချောင်းကျေးရွာ အကြား နဲ့ ကုတို့လေးကျေးရွာ အကြားနေရာတွေမှာ ကင်းပုန်းဝပ်တာ ဒရုန်းတွေ လွှင့်တင်ထားတာတွေကို လုပ်ဆောင်နေတယ်လို့ စစ်ရေး အခြေ အနေကိုစောင့်ကြည့်နေသူ တစ်ဦးကပြောပါတယ်။
“အခုကတော့ ကူးတို့လေးမှာ စစ်ကောင်စီတပ်သားတွေကတပ်စွဲနေတယ်။အဲဒီကုတို့လေး နဲ့ သဗြုချောင်းကျေးရွာက နေရာတွေမှာလည်း ကင်းပုန်းဝပ်တာတွေ ရှိနေတယ်။ ကင်းထောက်ဒရုန်းလည်း ၄ စီးထက်မနည်းကို လွှတ်တင်ထားတယ်လို့”သူကပြောပါတယ်။
ဒီနေ့ မတက်ပိုင်းမှာတော့ တိုက်ပွဲ ဖြစ်ပွားနေမှု အခြေအနေဟာ ငြိမ်သက်နေပြီး ကုတို့လေးကျေးရွာ နဲ့ သဗြုချောင်းကျေးရွာက ဒေသခံ တွေကို ကျေးရွာအတွင်းက ထွက်ခွင့်မပြုပဲ စစ်ကောင်စီကပိတ်ဆို့ထားတယ်လို့လည်း ဒေသခံ တွေကပြောပါတယ်။
အာရက္ခတပ်တော် အေအေ အနေ နဲ့ ဂွမြို့နယ်၊ကျိန္တလီမြို့ အတွင်းက ကိုင်းခုန် နဲ့ကံဂေါ်တောင်က စစ်ကောင်စီတပ်စခန်းတွေကိုလည်း အောက်တိုဘာလ (၆) ရက်နေ့မှာ အပြီးသတ်သိမ်းပိုက်ထားနိုင်ခဲ့ပြီးဖြစ်ပါတယ်။
လက်ရှိမှာ ဂွမြို့နယ် တစ်ခုလုံးကို အပြီးသတ်သိမ်းပိုက်ရရှိနိုင်ဖို့အတွက် ဂွမြို့နယ်အတွင်းက စစ်ကောင်စီတပ်စခန်းတွေကို ဆက်လက်ထိုးစစ်ဆင်တိုက်ခိုက်သွားမယ်လို့ သတင်းထုတ်ပြန်ပြောဆိုထားပါတယ်။
မှတ်ချက်- (အဆိုပါ သတင်းတွင် ဖမ်းဆီးခံထားရသူတစ်ဦးရဲ့ လုံခြုံရေး အရ သေဆုံးသူ နဲ့ ဖမ်းဆီးခံထားရသူတွေရဲ့ အမည်ကို ထည့်မရေးပေးထားခြင်း ဖြစ်သည်။
