ပြီးခဲ့တဲ့ အောက်တိုဘာလ ၂၈ ရက်နေ့ ညေန ၆ နာရီလောက်မှာ စစ်ကောင်စီကပြည်သူ့ကာကွယ်ရေးတပ်မတော် (မန္တလေး) MDY – PDF က စစ်ဆင် ရေးအတွင်းမှာ ဖမ်းဆီးရမိထားတဲ့ စစ်သုံးပန်းတွေ ထားရှိတဲ့ နေရာကို လေကြောင်းတိုက်ခိုက်မှု လုပ်ဆောင်ခဲ့တယ်လို့ MDY – PDF က ဒီနေ့မှာ သတင်းထုတ်ပြန်လာပါတယ်။
အဲဒီဖမ်းဆီးရမိထားတဲ့ စစ်သုံးပန်းတွေ ထားတဲ့ အချုပ်ခန်းကို စစ်ကောင်စီက ရည်ရွယ်ချက် ရှိရှိ နဲ့ တိုက်ခိုက်ခဲ့တာ ဖြစ်ပြီး အဲဒီတိုက်ခိုက်မှုကြောင့် စစ်သုံး ပန်း ၈ ဦးအပါအဝင် ၁၂ ဦးသေဆုံးခဲ့ရပြီး နောက်ထပ် ၆၀ လောက်ဟာလည်း ဒဏ်ရာ ရရှိသွားခဲ့တယ်လို့ ထုတ်ပြန်ချက်မှာဖော်ပြထားပါတယ်။
သေဆုံးသွားတဲ့ စစ်သုံးပန်း ၈ ဦးထဲမှာ ဗိုလ်ကြီး တစ်ဦး၊တပ်ကြပ်ကြီးစာရေးလတစ်ဦး၊တပ်ကြပ် တစ်ဦး၊ဒုတပ်ကြပ် ၃ ဦး နဲ့ ပျူစောထီးတစ်ဦး ဖြစ်တယ်လို့ MDY – PDF က နာမည်နဲ့ တကွ ထုတ်ပြန်ထားပါတယ်။
ဖမ်းဆီးရမိထားတဲ့ စစ်သုံးပန်းတွေကိုMDY – PDF အနေ နဲ့ ကောင်းမွန်စွာ ထိန်းသိမ်းထားခဲ့ပေမယ့်လည်း စစ်ကောင်စီက သူတို့တပ်ဖွဲ့ဝင်တွေကို ရည်ရွယ်ချက်ရှိရှိ နဲ့ ပစ်မှတ်ထား တိုက်ခိုက်ခဲ့တာကြောင့် အခုလို စစ်သုံးပန်း တွေ ထိခိုက်သေဆုံးဒဏ်ရာရခဲ့တာဖြစ်တယ်လို့ဆိုပါတယ်။
လက်ရှိမှာတော့ မသေဆုံးပဲ ဒဏ်ရာရရှိသွားတဲ့ စစ်ကာင်စီတပ်သားစစ်သုံးပန်းတွေကိုMDY – PDF ကဆေးဝါးကုသပေးတာတွေ လုပ်ဆောင်ပေး နေတယ်လို့ ထုတ်ပြန်ချက်မှာဖော်ပြထားပါတယ်။
ပြီးခဲ့တဲ့ စက်တင်ဘာလ ၉ ရက်နေ့ကလည်း အာရက္ခတပ်တော် ကဖမ်းဆီးရမိထားတဲ့ စစ်သုံးပန်းတွေ ခေတ္တထိန်းသိမ်းထားတဲ့ မောင်တောမြို့ လေးမိုင် နခခ – ၂ က အကျဥ်းခန်းကို စစ်ကောင်စီက ဂျက်ဖိုက်တာ ၂ စီး နဲ့ တိုက်ခိုက်ခဲ့တာကြောင့် အကျဥ်းသား ၅၀ ကျော် ပွဲချင်းပြီးသေဆုံးခဲ့ရသလို ဒဏ်ရာ ရသူတွေလည်း အများအပြားရှိခဲ့ရပါတယ်။
