အနောက်ပိုင်းပိုင်းတိုင်းစစ်ဌာနချုပ်တည်ရှိရာ အမ်းဒေသအတွင်းက နောက် ဆုံးသိမ်းပိုက်ဖို့ ကျန်ရှိနေသေးတဲ့ နပခ ကိုအပြီးသတ်သိမ်းပိုက်နိုင်ဖို့ နပခ ဂွင် ထဲက ရုံးနေရာတချို့သာ ကျန်ရှိတော့တယ်လို့ အာရက္ခတပ်တော်က သတင်းထုတ်ပြန်လာပါတယ်။
အဲဒီထဲမှာရှိနေတဲ့အင်အား ရာချီခန့်ရှိသေးတဲ့ စစ်ကောင်စီတပ်တွေဟာလည်း အာရက္ခတပ်တော်ရဲ့ ထိုးစစ်ကို အသည်းအသန်ခုခံကာကွယ်နေရတယ်လို့ ဆိုပါတယ်။
ဒါ့အပြင် ရခိုင်ရိုးမတောင်တန်းထက်မှာရှိနေတဲ့ စစ်ကောင်စီတပ်တွေက နပခ အတွင်းကတိုက်ပွဲရှိတဲ့ နေရာတွေကို လက်နက်ကြီးတွေ နဲ့ ပစ်ကူပေးနေတာရှိနေတယ်လို့ဆိုပါတယ်။
အဲဒီလိုလက်နက်ကြီးတွေ နဲ့ ပစ်ကူပေးတဲ့ နေရာမှာလည်း စစ်ကောင်စီတပ် သားတွေ ရှိတဲ့ နေရာကို ကျရောက်ပေါက်ကွဲမှုရှိနေတာကြောင့် စစ်ကောင်စီတပ်သားတွေအနေ နဲ့လည်း သေဆုံးဒဏ်ရာ ရတာတွေရှိနေတယ်လို့ ဆိုထားပါတယ်။
တစ်ဖက်ကလည်း စစ်ကောင်စီဟာ နပခ ကိုလက်မလွတ်ရရေးအတွက် လေကြောင်းကနေ မရပ်မနား တောက်လျှောက် ပစ်ခတ်တိုက်ခိုက်နေတာကြောင့် အမ်း၊ နပခ အတွင်းမှာ မြေပြင်တိုက်ပွဲထက် ရန်သူ့ လက်နက်ကြီး၊ လေကြောင်းပစ်ခတ်တိုက်ခိုက်မှုများကြောင့် တိုက်ပွဲမှာ ပိုပြင်းထန်နေရတာဖြစ်တယ်လို့ဆိုပါတယ်။
ပြီးခဲ့တဲ့ ဒီဇင်ဘာ ၁၆ ရက် နဲ့ ၁၇ ရက်တွေမှာလည်း နပခ အတွင်းမှာ ရှိတဲ့ ရာနဲ့ ချီတဲ့ စစ်ကောင်စီတပ်တွေဟာ အာရက္ခတပ်တော်ဆီမှာ လက်နက်ချအ လင်းဝင်တာတွေရှိခဲ့ပြီး ဒီဇင်ဘာ ၁၈ ရက်နေ့မှာလည်း လက်နက်ချအလင်း ဝင်သူတွေ ရှိနေဆဲဖြစ်တယ်လို့ဆိုပါတယ်။
အာရက္ခတပ်တော်ကလည်း“စောစော အလံဖြူထောင်လျှင် စောစော အသ က်ရှင်ကျန်ရစ်စေမယ် မိသားစု၊ ဆွေမျိုးတို့နှင့် စောစော တွေ့ဆုံရလိမ့်မယ်”ဆိုပြီး သတိပေးထားသလို လက်နက်ချ အညံ့ခံ အလံဖြူထောင်တဲ့သူတိုင်းရဲ့ အသက်ကိုလည်း အာရက္ခတပ်တော်က အာမခံတယ်လို့ ဆိုထားပါတယ်။
