ပြီးခဲ့တဲ့ ဒီဇင်ဘာလ ၂၄ ရက်နေ့ ညနေက မောင်တောမြို့ ကြိမ်ချောင်းကနေပြီးတော့ တောင်ပြိုကို စျေးဝယ်သွားတဲ့ စေတနာ့ဝန်ထမ်းအမျိုးသမီး တစ်ဦးအပါအဝင် ဒေသခံပြည်သူ ၁၆ ဦးလိုက်ပါလာတဲ့ ကားတစ်စီးကို အစ္စလာမ်မစ် အစွန်းရောက် စစ်သွေးကြွ လက်နက်ကိုင်တပ်ဖွဲ့တစ်ခုဖြစ်တဲ့ ARSA တပ်ဖွဲ့ဝင်တွေက ပစ်ခတ်တိုက်ခိုက်ခဲ့တာကြောင့် ကားပေါ်လိုက်ပါလာသူထဲက ၁ ဦးသေဆုံးခဲ့ရပြီး အများအပြားဒဏ်ရာရရှိခဲ့တယ်လို့ အာရက္ခတပ်တော်က သတင်းထုတ်ပြန်လာပါတယ်။
အဲဒီကားပေါ်မှာ စေတနာ့ဝန်ထမ်း အမျိုးသမီး၊ စျေးဝယ်အမျိုးသမီး စုစု ပေါင်း (၁၆) ဦးပါလာပြီး တောင်ပြိုအကြားက ကားလမ်းမပေါ်မှာအင်အား ၂၅ ဦးခန့်ပါဝင်တဲ့ အစ္စလာမ်မစ်အစွန်ရောက် စစ်သွေးကြွ လက်နက်ကိုင်အဖွဲ့တစ်ခုဖြစ်တဲ့ ARSA အဖွဲ့က ခြုံခိုပစ်ခတ်တိုက်ခိုက်ခဲ့တာဖြစ်တယ်လို့ ဆိုပါတယ်။
အဲဒါကြောင့် ကားပေါ်မှာလိုက်ပါလာသူတွေထဲက တစ်ဦးမှာ သေဆုံးခဲ့ရပြီး ဒဏ်ရာ ရရှိသူတွေလည်း အများအပြားရှိခဲ့ရလို့ အဲဒီထဲက ဒဏ်ရာ ရရှိတဲ့သူတွေကို အာရက္ခတပ်တော်က ဆေးကုသပေးမှုတွေ ပေးထားတယ်လို့ ဆိုပါတယ်။
အာရက္ခတပ်တော်အနေ နဲ့လည်း ဒီလို အရပ်ဘက် ပြည်သူလူထုတွေကိုအကြမ်းဖက်တိုက်ခိုက်ခဲ့တဲ့ ARSA အကြမ်းဖက်အဖွဲ့ကို ဒုတိယနေ့ အနေ နဲ့ လိုက်လံရှာဖွေရေးတွေ လုပ်ဆောင်နေတယ်လို့ဆိုထားပါတယ်။
ဘူးသီးတောင် နဲ့ မောင်တောဒေသတွေမှာ ARSA၊RSO နဲ့ စစ်ကောင်စီသင်တန်းပေးပြီး လက်နက်တပ်ဆင်ပေးထားတဲ့ အကြမ်းဖက်လက်နက်ကိုင်အဖွဲ့တွေဟာ အရပ်သားပြည်သူတွေကို အခုလို ခြုံခိုတိုက်ခိုက်တဲ့ လုပ်ရပ်တွေကို မကြာခဏလုပ်ဆောင်လေ့ရှိတဲ့ အတွက် ဒေသခံပြည်သူတွေဟာ မကြာ ခဏ သေဆုံးဒဏ်ရာ ရတာတွေ ရှိနေရပါတယ်။
