အမ်းမြို့ အနောက်ပိုင်းတိုင်းစစ်ဌာနချုပ် (နပခ)ကနေ ထွက်ပြေးလွတ် မြောက်လာတဲ့ စစ်ကောင်စီတပ်ဖွဲ့ဝင်တချို့ နဲ့ စစ်အသုံးအဆောင်ပစ္စည်းတချို့ချင်းကာကွယ်ရေးတပ် – အရှို (CDF – Asho) က ဖမ်းဆီးရမိခဲ့တယ်လို့ ဒီကနေ့ ဒီဇင်ဘာလ ၂၈ ရက်နေ့မှာ သတင်းထုတ်ပြန်ပါလာပါတယ်။
အခုဖမ်းဆီးရမိထားတဲ့စစ်ကောင်စီတပ်တွေဟာ အမ်းက အနောက်ပိုင်းတိုင်းစစ်ဌာနချုပ် (နပခ)ကို အာရက္ခတပ်တော် (AA) တိုက်ခိုက်သိမ်းပိုက်ပြီးနောက်မှာ စစ်ကြောင်းအသီးသီးက စစ်ကြောင်းပျက် ထွက်ပြေးလွတ်မြောက်လာတဲ့ စစ်ကောင်စီတပ်ဖွဲ့ဝင်တွေဖြစ်ကြတယ်လို့ဆိုပါတယ်။
အဲဒီလိုထွက်ပြေးလာတဲ့ စစ်ကောင်စီစစ်ကြောင်း ၂ ကြောင်းမှာစစ်ကောင်စီအင်အားဟာ (၉၀) ခန့်ပါပြီးတော့ အမ်း – ပဒါန်း လမ်းမအနီးပျဉ်းဝ စစ်ဆေးဂိတ် အနောက်ဘက်မီတာ (၁၅၀၀) ေကျာ်ခန့်ကနေ ပိတ်ဆို့တားဆီးခဲ့တာဖြစ်တယ်လို့ CDF – Ashoထုတ်ပြန်ချက်ကဆိုပါတယ်။
အဲဒီလိုထွက်ပြေးလွတ်မြောက်လာကြတဲ့ စစ်ကောင်စီတပ်သားတချို့ဟာ CDF-Asho ဆီမှာအသာတကြည် လက်နက်အပ်အလင်းဝင်သူတွေရှိသလို တချို့က စစ်ကြောင်းပျက်ပြီးတော့ခြေဦးတည်ရာထွက်ပြေးသွားကြသူတွေလည်းရှိတယ်လို့ဆိုပါတယ်။
အဲဒီထွက်ပြေးသွားသူတွေကို CDF -Asho က လိုက်လံရှာဖွေရှင်းလင်းရာ ၃ ရက်အတွင်းမှာ စစ်ကောင်စီတပ်ဖွဲ့ဝင် (၁၇) ဦးကိုလည်း ထပ်မံလက်ရ ဖမ်းဆီးရမိတယ်လို့ဆိုပါတယ်။
ဒါ့အပြင် နောက်ထပ်ထွက်ပြေးလွတ်မြောက်နေသေးတဲ့ စစ်ကောင်စီတပ်တွေကိုလည်း ဆက်လက်ရှာဖွယ်ဖမ်းဆီးနေတယ်လို့ဆိုပါတယ်။
အမ်းမြို့နယ် အနောက်ပိုင်းတိုင်းစစ်ဌာနချုပ် (နပခ) ကို အာရက္ခတပ်တော်ဟာ ပြီးခဲ့တဲ့ ဒီဇင်ဘာလ ၂၀ ရက်နေ့မှာ အပြီးသတ်သိမ်းပိုက်ခဲ့ပြီးဖြစ်ပါတယ်။
