CNA၊ ဇန်နဝါရီ၊ ၄။
ရခိုင်ပြည်နယ် အတွင်းကတိုက်ပွဲတွေမှာ သေဆုံးသွားတဲ့ စစ်ကောင်စီရဲ့ ဗိုလ်မှူးကြီးနှစ်ဦးဖြစ်တဲ့ ဗိုလ်မှူး ကြီး အောင်နေမျိုးနဲ့ ဗိုလ်မှူးကြီး ထွန်းထွန်းဝင်းတိုကို စစ်ခေါင်းဆောင်မင်းအောင်လှိုင်က ရာထူးတိုးပေး လိုက်ပါတယ်။
ဒီကနေ့ ဇန်နဝါရီလ ၄ ရက်နေ့မှာကျရောက်တဲ့ ၇၇ နှစ်မြောက် လွတ်လပ်ရေးနေ့အထိမ်းအမှတ်အဖြစ် စစ်ခေါင်းဆောင် မင်းအောင်လှိုင်က သူရဲကောင်းမှတ်တမ်းဝင်တံဆိပ်(သူရဲကောင်းဘွဲ့)တွေပေးနေတာပါ။
အဲဒီလို သူရဲကောင်းမှတ်တမ်းဝင်တံဆိပ်(သူရဲကောင်းဘွဲ့)ပေးအပ်တဲ့စာရင်းထဲမှာ သေဆုံးသွား ပြီဖြစ်တဲ့ ဗိုလ်မှူးကြီး အောင်နေမျိုးနဲ့ ဗိုလ်မှူးကြီး ထွန်းထွန်းဝင်းလည်းပါဝင်နေပြီး ဗိုလ်မှူးကြီး အောင်နေမျိုးကိုတော့ ဗိုလ်ချုပ် ရာထူး၊ ဗိုလ်မှူးကြီး ထွန်းထွန်းဝင်းကိုတော့ ဗိုလ်မှူးချုပ်ရာထူးအဖြစ် ရာထူး အဖြစ်နဲ့ စစ်ကောင်စီက သေဆုံးသွားသူတွေကို ရာထူးတိုးပေးထားခဲ့တာပါ။
ဗိုလ်မှူးကြီး အောင်နေမျိုးဟာ ရခိုင်ပြည်နယ်၊ မောင်တာမြိုနယ်အတွင်းက မောင်တောမြိုစောင့်တပ် နခခ – ၅ စခန်းသိမ်းတိုက်ပွဲမှာ အာရက္ခတပ်တော်ဆီ လက်နက်ချ အညံ့မခဲဘဲ ထွက်ပြေးသွားခဲ့ပြီး ကိုယ်ထောင်ထားတဲ့ မိုင်းကို ကိုတက်နင်းမိပြီးတော့ မိုင်းနင်းမိတဲ့ ဒဏ်ရာနဲ့ မောင်တောမြိုနယ်၊ ရွှေဇားကပ္ပကောင်းချောင်းနားက ပုစွန်ကန်တဲထဲမှာ သွေးထွက်လွန်ပြီး သေဆုံးခဲ့ရတာဖြစ်ပါတယ်။
အဲဒီလိုဘဲ ဗိုလ်မှူးကြီး ထွန်းထွန်းဝင်းဟာလည်း အမ်းမြို့အခြေစိုက် အနောက်ပိုင်းတိုင်းစစ်ဌာနချုပ် (နပခ) တိုက်ပွဲအတွင်းမှာ အာရက္ခတပ်တော်က ပစ်ခတ်လိုက်တဲ့ လက်နက်ကြီး ကျည်ထိမှန်ခဲ့လို သေဆုံးသွားခဲ့တယ်လို့ သိရပါတယ်။
လက်ရှိ ရခိုင်ပြည်နယ်အတွင်းမှာ အာရက္ခတပ်တော်ဟာ စစ်တွေ၊ ကျောက်ဖြူနဲ့ မာန်အောင်မြို့တို့ကိုသာ သိမ်းပိုက်ဖိုကျန်ရှိပါတော့တယ်။
စစ်ခေါင်းဆောင် မင်းအောင်လှိုင်ဟာ ဒီဇင်ဘာလ ၁၅ရက်နေ့တုန်းက ကျရောက်တဲ့ ရခိုင်ပြည်နယ် နှစ် ၅၀ပြည့် ရွှေရတု အထိမ်းအမှတ်အဖြစ် ပေးပိုခဲ့တဲ့ သဝဏ်လွှာထဲမှာ အာရက္ခတပ်တော် အပါအဝင် MNDAA၊ TNLAတိုကို လက်နက်ကိုင်လမ်းစဉ်စွန့်လွှတ်ပြီး နိုင်ငံရေးစားပွဲဝိုင်းမှာ ငြိမ်းချမ်းစွာဖြေရှင်းဖို့ ဖိတ်ခေါ်ထားပါတယ်။
အလားတူ အာရက္ခတပ်တော် ကလည်း ဒီဇင်ဘာ ၂၉ရက်မှာ အဖိနှိပ်ခံ မြန်မာပြည်သူလူထုဘက်က မားမားမတ်မတ်ရပ်တည်ပြီး နိုင်ငံရေးနည်းလမ်းနဲ့ ဖြေရှင်းဖို့အသင့်ရှိတယ်လို့ ထုတ်ပြန်ထားပါတယ်။
