ပလောင်ပြည်နယ်လွတ်မြောက်ရေးတပ်ဦး PSLF/TNLAရဲ့ နှစ်ပတ်လည်အစည်းအဝေးမှာ တော်လှန်ရေး အောင်ပွဲရယူဖို့ အချိန်ခါကောင်း ဖြစ်တယ်လို့ TNLAက ထုတ်ပြန်ပြောဆိုလာပါတယ်။
ဇန်နဝါရီလ ၃ရက်နေ့ကနေ ဇန်နဝါရီ ၇ရက်နေ့အထိ ၅ရက်ကြာပြုလုပ်တဲ့ PSLF/TNLAရဲ့နှစ်ပတ်လည် အစည်းအဝေးအခြေအနေတွေ ထဲကနေ ရလာတဲ့ အခြေအနေအပေါ်မှာ အခုလို ထုတ်ပြန်ပြောဆိုလာတာဖြစ်ပါတယ်။
ထုတ်ပြန်ချက်ထဲမှာ တိုင်းရင်းသားလက်နက်ကိုင်တွေ တော်လှန်ရေးအဖွဲ့အစည်းတွေနဲ့ နွေဦးတော် လှန်ရေးအင်အားစုတွေ အားလုံးစုပေါင်းရုန်းကန်ပြီး တော်လှန်ရေးအရှိန်ကို အမြင့်ဆုံးလွှင့်တင်ကာ တော်လှန်ရေး အောင်ပွဲရယူဖို့ အချိန်ခါကောင်းဖြစ်တယ်လို့ PSLF/TNLAအစည်းအဝေးက ရှုမြင်သုံးသပ်ထားတာဖြစ်တယ်လို့ဆိုပါတယ်။
ဖိအားအမျိုးမျိုးကြားကနေ ရုန်းကန်နိုးထရတဲ့ တော်လှန်ရေးအင်အားစုအသီး သီးဟာနိုင်ငံတဝှမ်းက နယ်မြေ ဒေသအသီးသီးမှာဘုံရန်သူကို ထိုးစစ်ဆင်တော်လှန်နေကြတာကြောင့် စစ်ကောင်စီဟာ သမိုင်းတွင်တဲ့ ကျဆုံးမှုတွေနဲ့ ဆက်တိုက်ကြုံတွေ့နေရတယ်လို့လည်း ဆိုပါတယ်။
ဒါ့အပြင် မြန်မာစစ်အာဏာရှင်စနစ်ဆိုးကိုချေမှုန်းတိုက်ခိုက်နေတဲ့ တော်လှန် ရေး အခြေအနေတွေကို ဆွေးနွေးသုံးသပ်တာ၊ အဖွဲ့အစည်းရဲ့ တနှစ်တာလုပ် ငန်းတွေကို ပြန်လည်သုံးသပ်တာနဲ့ ပြင်ဆင် အားဖြည့်တာတွေပြုလုပ်ခဲ့တယ်လို့လည်း အသိပေးထားပါတယ်။
တအာင်းတပ်မတော်ကို တပ်မဟာ (၉) ခုအဖြစ် တိုးချဲ့ပြင်ဆင်ခြင်းနဲ့အတူ တအာင်းပြည်ရဲ့ အုပ်ချုပ်ရေးလုပ်ငန်းတွေမှာ အဆင်ပြေချောမွေ့စေဖို့အ တွက် မြို့(၁၈) မြို့ပါဝင်တဲ့ ခရိုင် (၅) ခုကိုလည်း ပြင်ဆင်စုဖွဲ့ သဘောတူခဲ့ကြတဲ့အကြောင်းကိုလည်း ထုတ်ပြန်ထားပါတယ်။
TNLAအနေနဲ့လည်း 1027 စစ်ဆင်ရေးအတွင်း ကနေ ထိန်းသိမ်းရရှိထားနဲ့ မြို့ (၁၂)မြို့နဲ့ တအာင်းတပ်မတော်အခြေစိုက်ထားတဲ့ နယ်မြေဒေသတွေကို လုံခြုံရေး၊ တရားဥပဒေစိုးမိုးရေး၊ ပညာရေး၊ ကျန်းမာရေးနဲ့ လူမှုဘဝဖွံ့ဖြိုးတိုးတက်ရေးကိစ္စတွေမှာ တာဝန်ခံမှုရှိစွာ ဦးဆောင်စီမံအုပ်ချုပ်သွားမှာဖြစ်ပြီး ဒေသခံမိဘပြည်သူတွေပါဝင်နိုင်မယ့် လူထုအစိုးရ အမြန်ဆုံးပေါ်ပေါက်လာဖို့အတွက်လည်း ဆောင်ရွက်သွားမယ်လို့လည်းဆိုထားပါတယ်။
အရှိန်ပြင်းတဲ့ တော်လှန်ရေးကာလအတွင်း အသက်ခန္ဓာတွေ၊ နေအိမ်အဆောက်အအုံတွေ၊ လုပ်ငန်းတွေ စွန့်လွှတ်ပေးဆပ် ပျက်ဆီးခဲ့ကြရတဲ့ မိဘပြည်သူတွေ၊ တအာင်းတပ်မတော် တပ်ဖွဲ့ဝင်တွေအားလုံးရဲ့ ဘဝပြန်လည်ရှင်သန် ထူထောင်ရေးနဲ့ လုံခြုံအေးချမ်းတဲ့ လူ့အဖွဲ့အစည်းကို တည်ဆောက်နိုင်ဖို့အတွက်တအာင်းပြည်တွင်းက လူမျိုးပေါင်းစုံ မိဘပြည်သူတွေနဲ့အတူ လက်တွဲ တည်ဆောက်သွားမယ်လို့လည်း TNLAကထုတ်ပြန်ထားပါတယ်။
