CNA၊ လင်းလင်း။
အာရက္ခတပ်တော်ရဲ့ ထိန်းချုပ်မှုအောက်မှာ ရှိနေတဲ့ ဘူးသီးတောင် နဲ့ မောင်တောမြို့နယ်တွေမှာ အစ္စလာမ်မစ် အစွန်းရောက် စစ်သွေးကြွ လက်နက်ကိုင်တပ်ဖွဲ့တွေဖြစ်ကြတဲ့ ARSA အဖွဲ့တွေ ရဲ့ လှုပ်ရှားမှုတွေဟာ ပိုမို များပြားလာနေတယ်လို့ ဒေသခံတွေဆီက သိရပါတယ်။
အစ္စလာမ်မစ် အစွန်းရောက် စစ်သွေးကြွ လက်နက်ကိုင်တပ်ဖွဲ့တွေဖြစ်ကြတဲ့ ARSA ၊RSO ၊ ARA အဖွဲ့တွေဟာ ဘင်္ဂလားဒေ့ရှ်နယ်စပ် မောင်တော နဲ့ ဘူးသီးတောင်မြို့တွေ ရဲ့ မေယုတောင်ကြောတလျှောက်ကို အခြေကုတ်ယူပြီးတော့ ဒေသအတွင်းက ပြည်သူတွေကို အကြမ်းဖက်လုပ်ရပ်တွေကို ဒီနောက်ပိုင်းပိုမိုလုပ်ဆောင်လာနေတာကို တွေ့နေရတယ်လို့ မောင်တော ဒေသခံတစ်ဦးကပြောပါတယ်။
“အခုက ဘူးသီးတောင် နဲ့ မောင်တော မှာ ARSA တွေ လှုပ်ရှားမှုက ပိုပြီးတော့ များလာတယ်။မေယုတောင်ကြောတစ်လျှောက်မှာလည်း ပစ်ခတ်သံတွ ခဏခဏ ကြားနေရတယ်။ မောင်တောမှာဆိုရင် တောင်ပြိုဖက်မှာ ပိုများတယ် ပြည်သူတွေကို ဦးတည်တိုက်ခိုက်တာကို မကြာမကြာလုပ်တယ်”လို့ သူကပြောပါတယ်။
ဒီလို အစ္စလာမ်မစ် အစွန်းရောက် စစ်သွေးကြွ လက်နက်ကိုင်တပ်ဖွဲ့တွေ လှုပ်ရှားမှု ပိုများလာတာကြောင့် မောင်တော နဲ့ ဘူးသီးတောင်မြို့နယ်တွေ မှာရှိနေတဲ့ ဒေသခံပြည်သူတွေ ရဲ့ အသက်အိုးအိမ်လုံခြုံ မှုဟာ စိုးရိမ်ရတဲ့ အခြေ အနေမှာ ဖြစ်လာနေတယ်လို့လည်း ဒေသခံ တွေက ဆိုကြပါတယ်။
အာရက္ခတပ်တော် အနေ နဲ့လည်း ဘူးသီးတောင် နဲ့မောင်တော မြို့တွေကို လုံခြုံရေး တိုးမြှင့်ဆောင်ရွက်တာတွေကို ဆက်တိုက်လုပ်ဆောင်ထားပေမယ့် အဲဒီကြားက နေပြီးတော့ အစ္စလာမ်မစ် အစွန်းရောက် စစ်သွေးကြွ လက်နက်ကိုင်တပ်ဖွဲ့တွေဖြစ်ကြတဲ့ ARSA အဖွဲ့တွေ ရဲ့ တိုက်ခိုက်တာတွေကို ဒေသခံပြည်သူတွေ အနေ နဲ့ ဆက်တိုက်ခံလာနေကြရတာ ဖြစ်ပါတယ်။
“လုံခြုံရေးတိုးမြှင့်ဆောင်ရွက်တာတွေ တော့ရှိတယ်။ဒါပေမယ့် အဲဒီကြားက ARSAတွေက ပြည်သူတွေကိုတိုက်ခိုက်တာတွေကိုတော့ ဆက်တိုက်လုပ်တာတွေတော့ ရှိတယ်။ပြီးခဲ့တဲ့ ရက်ပိုင်းတွေကလည်း ဈေးဝယ်တဲ့ ပြည်သူကားတွေကို တိုက်ခိုက်တာကို လုပ်ခံရတယ်။ တပ်တော်ကိုပြောချင်တာကတော့ ကျနော်တို့ပြည်သူတွေ လုံခြုံမှုရှိအောင် ဒီအကြမ်းဖက် အဖွဲ့တွေကို နိုင်နင်းဖို့တောင်းဆိုချင်တယ်လို့” ဘူးသီးတောင် မြို့ခံတစ်ဦးကတောင်းဆိုပါတယ်။
ပြီးခဲ့တဲ့ ဒီဇင်ဘာ ၂၄ ရက်နေ့မှာလည်း မောင်တော ကြိမ်ချောင်း ကနေ တောင်ပြိုလက်ဝဲကို လာတဲ့ ကားတစ်စီးကို အစ္စလာမ်မစ် အစွန်းရောက် စစ်သွေးကြွ လက်နက်ကိုင်တပ်ဖွဲ့တွေ ARSA အ ဖွဲ့က ခြုံခိုတိုက်ခိုက်ခဲ့တာကြောင့် ကားပေါ်မှာ လိုက်ပါလာတဲ့ ဝယ်အမျိုးသမီး စုစုပေါင်း (၁၆) ဦးထဲက တစ်ဦးသေဆုံးခဲ့ရသလို ကျန်ရှိတဲ့ ဒေသခံတွေဟာလည်း ဒဏ်ရာ အများအပြားရရှိခဲ့ရပါတယ်။
