CNA ၊ မြတ်သူ။
ပြီးခဲ့တဲ့ ဇန်နဝါရီလ ၂၃ ရက်နေ့ ည ၁၁ နာရီကျောက်မှာ ရမ်းဗြဲမြို့၊ကျောက်နီမော်တိုက်နယ်က ထောင့်ချိန့်ဆိုတဲ့ ကျေးရွာကို စစ်ကောင်စီက လေကြောင်းကနေပြီးတော့ ၂ ကြိမ်ထက်မနည်း ဗုံးကြဲတိုက်ခိုက်ခဲ့တဲ့အတွက် ဒေသခံပြည်သူ ထိခိုက်သေဆုံး တာတွေ ရှိခဲ့ရတယ်လို့ ကျောက်နီမော် နဲ့ အဆက်အသွယ် ရရှိတဲ့ ကျောက်နီမော် ကဒေသခံ တစ်ဦးက အတည်ပြု ပြောပါတယ်။
“လေကြောင်းတိုက်ခိုက်ခံရတာ ဟုတ်ပါတယ် ၊ ကျနော် ရွာ နဲ့ အဆက်အသွယ် ဒီမနက်မှာ ရလိုက်တယ် ဖုန်းလိုင်းက ကြားရတချက် မကြားရတချက်ဖြစ်တော့ အသေးစိတ်ကိုတော့ မသိလိုက်ရဘူး ဖုန်းကလည်း ခိုးဆက်ရတဲ့ အနေအထားမှာ ရှိတယ်လို့ပြောတယ်ထောင့်ချိန့်ရွာ အလယ် နဲ့ ဘုန်းကြီးကျောင်းကို ကျတယ်လို့ပြောတယ်လို့” သူက ဆိုပါတယ်၊။
လက်ရှိ ဗုံးကြဲတိုက်ခိုက်ခံရတဲ့ ထောင်ချိန့်ကျေးရွာဟာ ရခိုင်လူမျိုးစုတွေ အများစုနေထိုင်တဲ့ ကျေးရွာ တစ်ရွာဖြစ်ပြီ နေအိမ်ထူထပ်တဲ့ ကျေးရွာ ဖြစ်တဲ့ အတွက် ထိခိုက်မှု အခြေအနေဟာ ထင်ထားတာထက် များနိုင်တယ်လို့ ဆိုကြပါတယ်။
ရခိုင်အခြေစိုက် အာရက္ခတပ်တော် ရဲ့ လက်အောက်မှာ ရှိနေတဲ့ APM သတင်းဌာ နရဲ့ လက်ရှိဖော်ပြထားတဲ့စာရင်း အရ အသက် ၂၆နှစ် အရွယ် ကိုကြာပီဆိုသူ တစ်ဦး သေဆုံးခဲ့ပြီး နောက်ထပ် ၂ ဦးမှာလည်း ဒဏ်ရာ ရရှိသွားတယ်လို့ ကနဦးသိရှိထားရကြောင်း ဖော်ပြထားတာကို တွေ့ရပါတယ်။
ဒီအခြေအနေ နဲ့ ပတ်သက်ပြီး CNA သတင်းဌာနက ပျက်စီးဆုံးရှုံးမှု အခြေအနေ အသေးစိတ်ကို ဆက်လက် စုံစမ်းနေဆဲ ဖြစ်ပါတယ်။
စစ်ကောင်စီဟာ ရမ်းဗြဲမြို့ ကျောက်နီမော်တိုက်နယ် အတွင်းက မွတ်ဆလင်ပြည်သူအများစုနေထိုင်တဲ့ တောင်ပိုင်းရပ်ကွက်အပါလအဝင် မြောက်ပိုင်းရပ်ကွက်နဲ့ အလယ်ပိုင်းရပ်ကွက်တွေကို ဇန်နဝါရီလ ၈ ရက်နေ့က လေကြောင်းတိုက်ခိုက်တာကို လုပ်ဆောင်ခဲ့တာကြောင့် အရပ်သားပြည်သူ ၄၁ ဦးသေဆုံးခဲ့ရပြီး နောက်ထပ် ပြည်သူ ၅၀ ကျော်မှာလည်း ဒဏ်ရာအပြင်းအထန်ရရှိခဲ့ရသလို နေအိမ် ၃၉၈ ဆောင်ဟာလည်း မီးလောင်ပျက်စီးခဲ့ရပါတယ်။
လက်ရှိ စစ်ကောင်စီ ဗုံးကြဲတိုက်ခိုက်ခံနေရတဲ့ ကျောက်နီမော်တိုက်နယ်ဟာ ရမ်းဗြဲမြို့သိမ်းတိုက်ပွဲ ဖြစ်ချိန်မှာအခုလို လေကြောင်းတိုက်ခိုက်တာ တစ်စုံတရာ မရှိပဲ တိုက်ပွဲ မရှိတဲ့ အချိန်မှသာ အခုလို လေကြောင်းတိုက်ခိုက်တာကို ဆက်တိုက်ခံနေရတာလည်း ဖြစ်ပါတယ်။
